Study
- Anukramaṇī
- Source
10 parāśaraḥ śāktyaḥ| agniḥ| dvipadā virāṭ|
vane̍ṣu jā̱yurmarte̍ṣu mi̱tro vṛ̍ṇī̱te śru̱ṣṭiṃ, rāje̍vāju̱ryam 1
kṣemo̱ na sā̱dhuḥ, kratu̱rna bha̱dro bhuva̍tsvā̱dhī, rhotā̍ havya̱vāṭ
||1||वने॑षु जा॒युर्मर्ते॑षु मि॒त्रो वृ॑णी॒ते श्रु॒ष्टिं, राजे॑वाजु॒र्यम् १
क्षेमो॒ न सा॒धुः, क्रतु॒र्न भ॒द्रो भुव॑त्स्वा॒धी, र्होता॑ हव्य॒वाट्
2
haste̱ dadhā̍no, nṛ̱mṇā viśvā̱nyame̍ de̱vān dhā̱d guhā̍ ni̱ṣīda̍n 3
vi̱dantī̱matra̱, naro̍ dhiya̱ṃdhā hṛ̱dā yat ta̱ṣṭān mantrā̱m̐ aśa̍ṃsan
||2||२
हस्ते॒ दधा॑नो, नृ॒म्णा विश्वा॒न्यमे॑ दे॒वान् धा॒द् गुहा॑ नि॒षीद॑न् ३
वि॒दन्ती॒मत्र॒, नरो॑ धियं॒धा हृ॒दा यत् त॒ष्टान् मन्त्राँ॒ अशं॑सन्
4
a̱jo na kṣāṃ, dā̱dhāra̍ pṛthi̱vīṃ ta̱stambha̱ dyāṃ mantre̍bhiḥ sa̱tyaiḥ 5
pri̱yā pa̱dāni̍, pa̱śvo ni pā̍hi vi̱śvāyu̍ragne, gu̱hā guha̍ṃ gāḥ
||3||४
अ॒जो न क्षां, दा॒धार॑ पृथि॒वीं त॒स्तम्भ॒ द्यां मन्त्रे॑भिः स॒त्यैः ५
प्रि॒या प॒दानि॑, प॒श्वो नि पा॑हि वि॒श्वायु॑रग्ने, गु॒हा गुहं॑ गाः
6
ya ī̍ṃ ci̱keta̱, guhā̱ bhava̍nta̱mā yaḥ sa̱sāda̱ dhārā̍mṛ̱tasya̍ 7
vi ye cṛ̱tantyṛ̱tā sapa̍nta̱ ādid vasū̍ni̱ pra va̍vācāsmai
||4||६
य ईं॑ चि॒केत॒, गुहा॒ भव॑न्त॒मा यः स॒साद॒ धारा॑मृ॒तस्य॑ ७
वि ये चृ॒तन्त्यृ॒ता सप॑न्त॒ आदिद् वसू॑नि॒ प्र व॑वाचास्मै
8
vi yo vī̱rutsu̱, rodha̍nmahi̱tvota pra̱jā, u̱ta pra̱sūṣva̱ntaḥ 9
citti̍ra̱pāṃ, dame̍ vi̱śvāyu̱: sadme̍va̱ dhīrā̍:, sa̱ṃmāya̍ cakruḥ
||5||८
वि यो वी॒रुत्सु॒, रोध॑न्महि॒त्वोत प्र॒जा, उ॒त प्र॒सूष्व॒न्तः ९
चित्ति॑र॒पां, दमे॑ वि॒श्वायु॒: सद्मे॑व॒ धीरा॑:, सं॒माय॑ चक्रुः