Study
- Anukramaṇī
- Source
5 dīrghatamā aucathyaḥ| agniḥ| virāṭ|
ma̱haḥ sa rā̱ya eṣa̍te̱ pati̱rdanni̱na i̱nasya̱ vasu̍naḥ pa̱da ā |
upa̱ dhraja̍nta̱madra̍yo vi̱dhannit
||1||म॒हः स रा॒य एष॑ते॒ पति॒र्दन्नि॒न इ॒नस्य॒ वसु॑नः प॒द आ ।
उप॒ ध्रज॑न्त॒मद्र॑यो वि॒धन्नित्
sa yo vṛṣā̍ na̱rāṃ na roda̍syo̱: śravo̍bhi̱rasti̍ jī̱vapī̍tasargaḥ |
pra yaḥ sa̍srā̱ṇaḥ śi̍śrī̱ta yonau̍
||2||स यो वृषा॑ न॒रां न रोद॑स्यो॒: श्रवो॑भि॒रस्ति॑ जी॒वपी॑तसर्गः ।
प्र यः स॑स्रा॒णः शि॑श्री॒त योनौ॑
ā yaḥ pura̱ṃ nārmi̍ṇī̱madī̍de̱datya̍: ka̱virna̍bha̱nyo̱ 3 nārvā̍ |
sūro̱ na ru̍ru̱kvāñcha̱tātmā̍
||3||आ यः पुरं॒ नार्मि॑णी॒मदी॑दे॒दत्य॑: क॒विर्न॑भ॒न्यो॒ ३ नार्वा॑ ।
सूरो॒ न रु॑रु॒क्वाञ्छ॒तात्मा॑
a̱bhi dvi̱janmā̱ trī ro̍ca̱nāni̱ viśvā̱ rajā̍ṃsi śuśucā̱no a̍sthāt |
hotā̱ yaji̍ṣṭho a̱pāṃ sa̱dhastha̍śa
||4||अ॒भि द्वि॒जन्मा॒ त्री रो॑च॒नानि॒ विश्वा॒ रजां॑सि शुशुचा॒नो अ॑स्थात् ।
होता॒ यजि॑ष्ठो अ॒पां स॒धस्थ॑श
a̱yaṃ sa hotā̱ yo dvi̱janmā̱ viśvā̍ da̱dhe vāryā̍ṇi śrava̱syā |
marto̱ yo a̍smai su̱tuko̍ da̱dāśa̍
||5||अ॒यं स होता॒ यो द्वि॒जन्मा॒ विश्वा॑ द॒धे वार्या॑णि श्रव॒स्या ।
मर्तो॒ यो अ॑स्मै सु॒तुको॑ द॒दाश॑