Study
- Anukramaṇī
- Source
10 parāśaraḥ śāktyaḥ| agniḥ| dvipadā virāṭ|
ra̱yirna ci̱trā, sūro̱ na sa̱ṃdṛgāyu̱rna prā̱ṇo, nityo̱ na sū̱nuḥ 1
takvā̱ na bhūrṇi̱rvanā̍ siṣakti̱ payo̱ na dhe̱nuḥ, śuci̍rvi̱bhāvā̍
||1||र॒यिर्न चि॒त्रा, सूरो॒ न सं॒दृगायु॒र्न प्रा॒णो, नित्यो॒ न सू॒नुः १
तक्वा॒ न भूर्णि॒र्वना॑ सिषक्ति॒ पयो॒ न धे॒नुः, शुचि॑र्वि॒भावा॑
2
dā̱dhāra̱ kṣema̱moko̱ na ra̱ṇvo yavo̱ na pa̱kvo, jetā̱ janā̍nām 3
ṛṣi̱rna stubhvā̍, vi̱kṣu pra̍śa̱sto vā̱jī na prī̱to, vayo̍ dadhāti
||2||२
दा॒धार॒ क्षेम॒मोको॒ न र॒ण्वो यवो॒ न प॒क्वो, जेता॒ जना॑नाम् ३
ऋषि॒र्न स्तुभ्वा॑, वि॒क्षु प्र॑श॒स्तो वा॒जी न प्री॒तो, वयो॑ दधाति
4
du̱roka̍śoci̱:, kratu̱rna nityo̍ jā̱yeva̱ yonā̱vara̱ṃ viśva̍smai 5
ci̱tro yadabhrā̍ṭ, chve̱to na vi̱kṣu ratho̱ na ru̱kmī, tve̱ṣaḥ sa̱matsu̍
||3||४
दु॒रोक॑शोचि॒:, क्रतु॒र्न नित्यो॑ जा॒येव॒ योना॒वरं॒ विश्व॑स्मै ५
चि॒त्रो यदभ्रा॑ट्, छ्वे॒तो न वि॒क्षु रथो॒ न रु॒क्मी, त्वे॒षः स॒मत्सु॑
6
sene̍va sṛ̱ṣṭāma̍ṃ dadhā̱tyastu̱rna di̱dyut, tve̱ṣapra̍tīkā 7
ya̱mo ha̍ jā̱to, ya̱mo jani̍tvaṃ jā̱raḥ ka̱nīnā̱ṃ, pati̱rjanī̍nām
||4||६
सेने॑व सृ॒ष्टामं॑ दधा॒त्यस्तु॒र्न दि॒द्युत्, त्वे॒षप्र॑तीका ७
य॒मो ह॑ जा॒तो, य॒मो जनि॑त्वं जा॒रः क॒नीनां॒, पति॒र्जनी॑नाम्
8
taṃ va̍śca̱rāthā̍, va̱yaṃ va̍sa̱tyāsta̱ṃ na gāvo̱, nakṣa̍nta i̱ddham 9
sindhu̱rna kṣoda̱:, pra nīcī̍raino̱nnava̍nta̱ gāva̱:, sva 1 rdṛśī̍ke
||5||८
तं व॑श्च॒राथा॑, व॒यं व॑स॒त्यास्तं॒ न गावो॒, नक्ष॑न्त इ॒द्धम् ९
सिन्धु॒र्न क्षोद॒:, प्र नीची॑रैनो॒न्नव॑न्त॒ गाव॒:, स्व १ र्दृशी॑के