Śrī śaṅkara bhagavatpāda pūjā

vaiśākhaśuklapañcamyāṃ śrīśaṅkarabhagavatpādānāmavatāradine ācaryate| citre vigrahe pādukayorvā pūjayet|

drikganita.comDate and muhūrta for your city ↗Today’s saṅkalpa with tithi and nakṣatra ↗

Pūrvāṅgapūjā. Do this common opening first, then continue with the principal worship below. Pūrvāṅgapūjā

Pūrvāṅgapūjā

Hide

ācamanam

dhyānam

śuklāmbaradharaṃ viṣṇuṃ śaśivarṇaṃ caturbhujam|

prasannavadanaṃ dhyāyet sarvavighnopaśāntaye ||

prāṇāyāmaḥ — saṅkalpaḥ

apa upaspṛśya

mamopāttasamastaduritakṣayadvārā śrīparameśvaraprītyarthaṃ kariṣyamāṇasya karmaṇaḥ nirvighnena parisamāptyarthaṃ ādau vighneśvarapūjāṃ kariṣye|

mahadbhandanam

ābrahmalokādārohāt ālokāt lokaparvatāt|

ye vasanti dvijā devāstebhyo nityaṃ namo namaḥ ||

āsanapūjā

pṛthivyā merupṛṣṭha ṛṣiḥ| sutalaṃ chandaḥ| kūrmo devatā| āsane viniyogaḥ|

pṛthivi tvayā dhṛtā lokā devi tvaṃ viṣṇunā dhṛtā|

tvaṃ ca dhāraya māṃ devi pavitraṃ cāsanaṃ kuru ||

ghaṇṭāpūjā

ghaṇṭānādaṃ kṛtvā|

āgamārthaṃ tu devānāṃ gamanārthaṃ tu rakṣasām|

ghaṇṭāravaṃ karomyādau devatāhvānakāraṇam ||

vighneśvarapūjā

asmin haridrābimbe śrīvighneśvaraṃ dhyāyāmi|

āvāhayāmi| āsanaṃ samarpayāmi| pādayoḥ pādyaṃ samarpayāmi| arghyaṃ samarpayāmi| ācamanīyaṃ samarpayāmi| madhuparkaṃ samarpayāmi| snānaṃ samarpayāmi| ācamanīyaṃ samarpayāmi| vastraṃ samarpayāmi| upavītaṃ samarpayāmi| divyaparimalagandhān dhārayāmi| akṣatān samarpayāmi| puṣpaiḥ pūjayāmi|

sumukhāya namaḥ

ekadantāya namaḥ

kapilāya namaḥ

gajakarṇikāya namaḥ

lambodarāya namaḥ

vikaṭāya namaḥ

vighnarājāya namaḥ

vināyakāya namaḥ

dhūmaketave namaḥ

gaṇādhyakṣāya namaḥ

phālacandrāya namaḥ

gajānanāya namaḥ

vakratuṇḍāya namaḥ

śūrpakarṇāya namaḥ

herambāya namaḥ

skandapūrvajāya namaḥ

siddhivināyakāya namaḥ

śrīmahāgaṇapataye namaḥ

upacārāḥ

dhūpamāghrāpayāmi| dīpaṃ darśayāmi| nivedayāmi| karpūranīrājanaṃ darśayāmi| samastopacārapūjāṃ samarpayāmi|

prārthanā

vakratuṇḍa mahākāya sūryakoṭisamaprabha|

nirvighnaṃ kuru me deva sarvakāryeṣu sarvadā ||

iti prārthya| prāṇāyāmaḥ|

saṅkalpaḥ

śubhe śobhane muhūrte ādyabrahmaṇaḥ dvitīyaparādhe śvetavarāhakalpe vaivasvatamanvantare aṣṭāviṃśatitame kaliyuge prathame pāde jambūdvīpe bhāratavarṣe bharatakhaṇḍe merordakṣiṇe pārśve śakābde asmin vartamāne vyāvahārike prabhavādiṣaṣṭisaṃvatsarāṇāṃ madhye …… nāma saṃvatsare …… ayane …… ṛtau …… māse …… pakṣe …… śubhatithau …… vāsarayuktāyāṃ …… nakṣatrayuktāyāṃ śubhayogaśubhakaraṇasakalaviśeṣaṇaviśiṣṭāyāmasyāṃ śubhatithau mamopāttasamastaduritakṣayadvārā śrīparameśvaraprītyarthaṃ śrīśaṅkarabhagavatpādaprītyarthaṃ yathāśakti śrīśaṅkarabhagavatpādapūjāṃ kariṣye|

apa upaspṛśya| śrīvighneśvarāya namaḥ yathāsthānaṃ pratiṣṭhāpayāmi| śobhanārthe kṣemāya punarāgamanāya ca| iti vighneśvaramudrām|

kalaśapūjā

kalaśaṃ gandhapuṣpākṣatairabhyarcya| kalaśajalena tattaddevatānāma yojayet| pūjādravyāṇi ātmānaṃ ca prokṣya|

gaṅge ca yamune caiva godāvari sarasvati|

narmade sindhu kāveri jale'smin sannidhiṃ kuru ||

gaṅgāyai namaḥ
yamunāyai namaḥ
godāvaryai namaḥ
sarasvatyai namaḥ
narmadāyai namaḥ
sindhave namaḥ
kāveryai namaḥ	puṣpaiḥ pūjayāmi|

śaṅkhapūjā

kalaśodakena śaṅkhaṃ pūrayet| śaṅkhajalena pūjopakaraṇāni dravyāṇi ātmānaṃ ca triḥ prokṣya, punaḥ śaṅkhaṃ pūrayet|

tvaṃ purā sāgarotpanno viṣṇunā vidhṛtaḥ kare|

devaiśca pūjitaḥ sarvaiḥ pāñcajanya namo'stu te ||

ātmapūjā

deho devālayaḥ prokto jīvo devaḥ sanātanaḥ|

tyajāmyajñānanirmūlyaṃ so'haṃbhāvena pūjaye ||

pīṭhapūjā

oṃ sakalaguṇātmaśaktiyuktāya yogapīṭhāya namaḥ

ādhāraśaktyai namaḥ

mūlaprakṛtyai namaḥ

ādivarāhāya namaḥ

ādikūrmāya namaḥ

anantāya namaḥ

pṛthivyai namaḥ

ādityādinavagrahadevatābhyo namaḥ

daśadikpālebhyo namaḥ

gurudhyānam

gururbrahmā gururviṣṇurgururdevo maheśvaraḥ|

guruḥ sākṣāt paraṃ brahma tasmai śrīgurave namaḥ ||

śrīguruṃ dhyāyāmi|

Pradhānapūjā

dhyānam

śuklāmbaradharaṃ viṣṇuṃ śaśivarṇaṃ caturbhujam|

prasannavadanaṃ dhyāyet sarvavighnopaśāntaye ||

dhyānam

śrutismṛtipurāṇānāṃ ālayaṃ karuṇālayam|

namāmi bhagavatpādaśaṅkaraṃ lokaśaṅkaram ||

śaṅkarācāryavaryo me sannidhattāṃ sadā hṛdi|

saumyaṃ yasya vapuḥ khyātaṃ vijahadviṣamāṃ dṛśam ||

śivagurutapaḥprabandhaṃ cidghanaṃ āryodarāvāsam|

śaṅkaraguruvaraṃ ādyaṃ dhyāyāmyaniśaṃ parātmānam ||

śrīśaṅkarabhagavatpādācāryān dhyāyāmi|

āvāhanam

yamāśritā girāṃ devī nandayatyātmasaṃśritān|

tamāśraye śriyā juṣṭaṃ śaṅkaraṃ karuṇānidhim ||

śrīśaṅkarabhagavatpādācāryān āvāhayāmi|

āsanam

śrīguruṃ bhagavatpādaṃ śaraṇyaṃ bhaktavatsalam|

śivaṃ śivakaraṃ śuddhaṃ aprameyaṃ namāmyaham ||

śrīśaṅkarabhagavatpādācāryebhyo namaḥ| āsanaṃ samarpayāmi|

pūrṇakumbhaḥ

nityaśuddhaṃ nirākāraṃ nirābhāsaṃ nirañjanam|

nityabodhaṃ cidānandaṃ guruṃ brahma namāmyaham ||

śrīśaṅkarabhagavatpādācāryebhyo namaḥ| pūrṇakumbhaṃ samarpayāmi|

pādyam

sarvatantrasvatantrāya sadātmādvaitarūpiṇe|

śrīmate śaṅkarāryāya vedāntagurave namaḥ ||

śrīśaṅkarabhagavatpādācāryebhyo namaḥ| pādyaṃ samarpayāmi|

arghyam

vedāntārthābhidhānena sarvānugrahakāriṇam|

yatirūpadharaṃ vande śaṅkaraṃ lokaśaṅkaram ||

śrīśaṅkarabhagavatpādācāryebhyo namaḥ| arghyaṃ samarpayāmi|

ācamanīyam

saṃsārābdhiniṣaṇṇājñanikaraproddidhīrṣayā|

kṛtasaṃhananaṃ vande bhagavatpādaśaṅkaram ||

śrīśaṅkarabhagavatpādācāryebhyo namaḥ| ācamanīyaṃ samarpayāmi|

madhuparkaḥ

viśuddhavijñānaghanaṃ śuciṃ hārdatamonudam|

dayāsindhuṃ lokabandhuṃ śaṅkaraṃ naumi sadgurum ||

śrīśaṅkarabhagavatpādācāryebhyo namaḥ| madhuparkaṃ samarpayāmi|

snānam

yatpādapaṅkajadhyānāt toṭakādyā yatīśvarāḥ|

babhūvustādṛśaṃ vande śaṅkaraṃ ṣaṇmateśvaram ||

śrīśaṅkarabhagavatpādācāryebhyo namaḥ| snapayāmi| ācamanīyaṃ samarpayāmi|

vastram

namaḥ śrīśaṅkarācāryagurave śaṅkarātmane|

śarīriṇāṃ śaṅkarāya śaṅkarajñānahetave ||

śrīśaṅkarabhagavatpādācāryebhyo namaḥ| vastraṃ samarpayāmi|

rudrākṣamālā

vicārya sarvavedāntaiḥ sañcārya hṛdayāmbuje|

pracārya sarvalokeṣu ācāryaṃ śaṅkaraṃ bhaje ||

śrīśaṅkarabhagavatpādācāryebhyo namaḥ| rudrākṣamālāṃ samarpayāmi|

bhasmagandhādikam

yā'nubhūtiḥ svayaṃjyotiḥ ādityeśānavigrahā|

śaṅkarākhyā ca taṃ naumi sureśvaraguruṃ param ||

śrīśaṅkarabhagavatpādācāryebhyo namaḥ| bhasmagandhādikaṃ samarpayāmi|

daṇḍaḥ

ānandaghanamadvandvaṃ nirvikāraṃ nirañjanam|

bhaje'haṃ bhagavatpādaṃ bhajatāmabhayapradam ||

śrīśaṅkarabhagavatpādācāryebhyo namaḥ| daṇḍaṃ samarpayāmi|

akṣatāḥ

taṃ vande śaṅkarācāryaṃ lokatritayaśaṅkaram|

sattarkanakharodgīrṇavāvadūkamataṅgajam ||

śrīśaṅkarabhagavatpādācāryebhyo namaḥ| akṣatān samarpayāmi|

puṣpamālā

namāmi śaṅkarācāryagurupādasaroruham|

yasya prasādānmūḍho'pi sarvajño bhavati svayam ||

śrīśaṅkarabhagavatpādācāryebhyo namaḥ| puṣpamālāṃ samarpayāmi| puṣpaiḥ pūjayāmi|

aṅgapūjā

aṣṭavarṣacaturvedine namaḥ	pādau pūjayāmi|
dvādaśākhilaśāstravide namaḥ	gulphau pūjayāmi|
sarvalokakhyātaśīlāya namaḥ	jaṅghe pūjayāmi|
prasthānatrayabhāṣyakṛte namaḥ	jānunī pūjayāmi|
padmapādādisacchiṣyāya namaḥ	ūrū pūjayāmi|
pāṣaṇḍadhvāntabhāskarāya namaḥ	kaṭiṃ pūjayāmi|
advaitasthāpanācāryāya namaḥ	guhyaṃ pūjayāmi|
dvaitādidvipakesariṇe namaḥ	nābhiṃ pūjayāmi|
vyāsananditasiddhāntāya namaḥ	udaraṃ pūjayāmi|
vādanirjitamaṇḍanāya namaḥ	vakṣaḥsthalaṃ pūjayāmi|
ṣaṇmatasthāpanācāryāya namaḥ	hṛdayaṃ pūjayāmi|
ṣaḍguṇaiśvaryamaṇḍitāya namaḥ	kaṇṭhaṃ pūjayāmi|
sarvalokānugrahakṛte namaḥ	skandhau pūjayāmi|
sarvajñatvādibhūṣaṇāya namaḥ	hastau pūjayāmi|
śrutismṛtipurāṇajñāya namaḥ	mukhaṃ pūjayāmi|
śrutyekaśaraṇapriyāya namaḥ	netre pūjayāmi|
sakṛtsmaraṇasantuṣṭāya namaḥ	karṇau pūjayāmi|
śaraṇāgatavatsalāya namaḥ	nāsikāṃ pūjayāmi|
nirvyājakaruṇāmūrtaye namaḥ	lalāṭaṃ pūjayāmi|
nirahaṃbhāvagocarāya namaḥ	cibukaṃ pūjayāmi|
saṃśāntabhaktahṛttāpāya namaḥ	gaṇḍasthalaṃ pūjayāmi|
sadasadvastuvimukhāya namaḥ	śiraḥ pūjayāmi|
sattāsāmānyavigrahāya namaḥ	sarvāṇyaṅgāni pūjayāmi|

aṣṭottaraśatanāmārcanā

Ādi śaṅkarācārya aṣṭottaraśata nāmāvaliḥOpen as a separate page

1. 1oṃ śrīśaṅkarācāryavaryāya namaḥ
2. 2oṃ brahmajñānapradāyakāya namaḥ
3. 3oṃ ajñānatimirādityāya namaḥ
4. 4oṃ sujñānāmbudhicandramase namaḥ
5. 5oṃ varṇāśramapratiṣṭhātre namaḥ
6. 6oṃ śrīmate namaḥ
7. 7oṃ muktipradāyakāya namaḥ
8. 8oṃ śiṣyopadeśaniratāya namaḥ
9. 9oṃ bhaktābhīṣṭapradāyakāya namaḥ
10. 10oṃ sūkṣmatattvarahasyajñāya namaḥ
11. 11oṃ kāryākāryaprabodhakāya namaḥ
12. 12oṃ jñānamudrāñcitakarāya namaḥ
13. 13oṃ śiṣya-hṛttāpa-hārakāya namaḥ
14. 14oṃ pārivrājyāśramoddhartre namaḥ
15. 15oṃ sarvatantrasvatantradhiye namaḥ
16. 16oṃ advaitasthāpanācāryāya namaḥ
17. 17oṃ sākṣācchaṅkararūpabhṛte namaḥ
18. 18oṃ ṣaṇmatasthāpanācāryāya namaḥ
19. 19oṃ trayīmārgaprakāśakāya namaḥ
20. 20oṃ vedavedāntatattvajñāya namaḥ
21. 21oṃ durvādimatakhaṇḍanāya namaḥ
22. 22oṃ vairāgyaniratāya namaḥ
23. 23oṃ śāntāya namaḥ
24. 24oṃ saṃsārārṇavatārakāya namaḥ
25. 25oṃ prasannavadanāmbhojāya namaḥ
26. 26oṃ paramārthaprakāśakāya namaḥ
27. 27oṃ purāṇasmṛtisārajñāya namaḥ
28. 28oṃ nityatṛptāya namaḥ
29. 29oṃ mahate namaḥ
30. 30oṃ śucaye namaḥ
31. 31oṃ nityānandāya namaḥ
32. 32oṃ nirātaṅkāya namaḥ
33. 33oṃ niḥsaṅgāya namaḥ
34. 34oṃ nirmalātmakāya namaḥ
35. 35oṃ nirmamāya namaḥ
36. 36oṃ nirahaṅkārāya namaḥ
37. 37oṃ viśvavandyapadāmbujāya namaḥ
38. 38oṃ sattvapradhānāya namaḥ
39. 39oṃ sadbhāvāya namaḥ
40. 40oṃ saṅkhyātītaguṇojjvalāya namaḥ
41. 41oṃ anaghāya namaḥ
42. 42oṃ sārahṛdayāya namaḥ
43. 43oṃ sudhiye namaḥ
44. 44oṃ sārasvatapradāya namaḥ
45. 45oṃ satyātmane namaḥ
46. 46oṃ puṇyaśīlāya namaḥ
47. 47oṃ sāṅkhyayogavicakṣaṇāya namaḥ
48. 48oṃ taporāśaye namaḥ
49. 49oṃ mahātejase namaḥ
50. 50oṃ guṇatrayavibhāgavide namaḥ
51. 51oṃ kalighnāya namaḥ
52. 52oṃ kāladharmajñāya namaḥ
53. 53oṃ tamoguṇanivārakāya namaḥ
54. 54oṃ bhagavate namaḥ
55. 55oṃ bhāratījetre namaḥ
56. 56oṃ śāradāhvānapaṇḍitāya namaḥ
57. 57oṃ dharmādharmavibhāgajñāya namaḥ
58. 58oṃ lakṣyabhedapradarśakāya namaḥ
59. 59oṃ nādabindukalābhijñāya namaḥ
60. 60oṃ yogihṛtpadmabhāskarāya namaḥ
61. 61oṃ atīndriya-jñānanidhaye namaḥ
62. 62oṃ nityānityavivekavate namaḥ
63. 63oṃ cidānandāya namaḥ
64. 64oṃ cinmayātmane namaḥ
65. 65oṃ parakāyapraveśakṛte namaḥ
66. 66oṃ amānuṣa-caritrāḍhyāya namaḥ
67. 67oṃ kṣemadāyine namaḥ
68. 68oṃ kṣamākarāya namaḥ
69. 69oṃ bhavāya namaḥ
70. 70oṃ bhadrapradāya namaḥ
71. 71oṃ bhūrimahimne namaḥ
72. 72oṃ viśvarañjakāya namaḥ
73. 73oṃ svaprakāśāya namaḥ
74. 74oṃ sadādhārāya namaḥ
75. 75oṃ viśvabandhave namaḥ
76. 76oṃ śubhodayāya namaḥ
77. 77oṃ viśālakīrtaye namaḥ
78. 78oṃ vāgīśāya namaḥ
79. 79oṃ sarvalokahitotsukāya namaḥ
80. 80oṃ kailāsayātrā-samprāptacandramauli-prapūjakāya namaḥ
81. 81oṃ kāñcyāṃ śrīcakrarājākhya-yantrasthāpana-dīkṣitāya namaḥ
82. 82oṃ śrīcakrātmaka-tāṭaṅka-poṣitāmbā-manorathāya namaḥ
83. 83oṃ śrībrahmasūtropaniṣadbhāṣyādigranthakalpakāya namaḥ
84. 84oṃ caturdikcaturāmnāyapratiṣṭhātre namaḥ
85. 85oṃ mahāmataye namaḥ
86. 86oṃ dvisaptatimatocchettre namaḥ
87. 87oṃ sarvadigvijayaprabhave namaḥ
88. 88oṃ kāṣāyavasanopetāya namaḥ
89. 89oṃ bhasmoddhūlitavigrahāya namaḥ
90. 90oṃ jñānātmakaikadaṇḍāḍhyāya namaḥ
91. 91oṃ kamaṇḍalulasatkarāya namaḥ
92. 92oṃ vyāsasandarśanaprītāya namaḥ
93. 93oṃ bhagavatpādasaṃjñakāya namaḥ
94. 94oṃ catuḥṣaṣṭikalābhijñāya namaḥ
95. 95oṃ brahmarākṣasa-mokṣadāya namaḥ
96. 96oṃ saundaryalaharīmukhyabahustotravidhāyakāya namaḥ
97. 97oṃ śrīmanmaṇḍanamiśrākhyasvayambhūjayasannutāya namaḥ
98. 98oṃ toṭakācāryasampūjyāya namaḥ
99. 99oṃ padmapādārcitāṅghrikāya namaḥ
100. 100oṃ hastāmalakayogīndrabrahmajñānapradāyakāya namaḥ
101. 101oṃ sureśvarādi-sacchiṣya-sannyāsāśrama-dāyakāya namaḥ
102. 102oṃ nirvyājakaruṇāmūrtaye namaḥ
103. 103oṃ jagatpūjyāya namaḥ
104. 104oṃ jagadgurave namaḥ
105. 105oṃ bherīpaṭahavādyādirājalakṣaṇalakṣitāya namaḥ
106. 106oṃ sakṛtsmaraṇasantuṣṭāya namaḥ
107. 107oṃ sarvajñāya namaḥ
108. 108oṃ jñānadāyakāya namaḥ
109. 109oṃ śrīśaṅkarabhagavatpādācāryebhyo namaḥ

dhūpaḥ

saṃsārasāgaraṃ ghoraṃ anantakleśabhājanam|

tvāmeva śaraṇaṃ prāpya nistaranti manīṣiṇaḥ ||

śrīśaṅkarabhagavatpādācāryebhyo namaḥ| dhūpamāghrāpayāmi|

dīpaḥ

namastasmai bhagavate śaṅkarācāryarūpiṇe|

yena vedāntavidyeyaṃ uddhṛtā vedasāgarāt ||

śrīśaṅkarabhagavatpādācāryebhyo namaḥ| dīpaṃ darśayāmi|

naivedyam

bhagavatpādapādābjapāṃsavaḥ santu santatam|

apārasārasaṃsārasāgarottārahetavaḥ ||

śrīśaṅkarabhagavatpādācāryebhyo namaḥ| amṛtaṃ mahānaivedyaṃ nivedayāmi| ācamanīyaṃ samarpayāmi|

karpūranīrājanam

yasyopadeśadīdhityā cidātmā naḥ prakāśate|

namaḥ sadgurave tasmai svāvidyādhvāntahetave ||

śrīśaṅkarabhagavatpādācāryebhyo namaḥ| karpūranīrājanaṃ darśayāmi|

gurustutiḥ

ācāryānbhagavatpādān ṣaṇmatasthāpakān hitān|

parahaṃsān numo'dvaitasthāpakān jagato gurūn ||

bhagavatpādasaṃbhūtāṃ ātmāmbhonidhigāminīm|

bhāṣyabhāgīrathīṃ bhūyo bhajāmo bhavaśāntaye ||

bhagavatpādapādābjadvandvaṃ dvandvanibarhaṇam|

sureśvarādisacchiṣyaiḥ avalambitamāśraye ||

gururdhāmnā mahimnā ca śaṅkaro yo virājate|

tatpadāmbhoruharajaḥkaṇāyāstu namo namaḥ ||

śrīmate śaṅkarāryāya dhīmate'dbhutaśaktaye|

namo'stvadvaitasiddhāntasthāpanopāttamūrtaye ||

śaṅkārūpeṇa maccittaṃ paṅkīkṛtamabhūdyayā|

sā māyā kiṅkarī yasya śaṅkarācāryamāśraye ||

namastasmai bhagavate śaṅkarācāryarūpiṇe|

yena vedāntavidyeyaṃ uddhṛtā vedasāgarāt ||

śāstraṃ śārīramīmāṃsā devastu parameśvaraḥ|

ācāryāḥ śaṅkarācāryāḥ santu janmani janmani ||

āśritājñānatatkāryanāśakaṃ deśikottamam|

cinmudrālaṅkṛtakaraṃ yatirājaṃ namāmyaham ||

sadāśivasamārambhāṃ śaṅkarācāryamadhyamām|

asmadācāryaparyantāṃ vande guruparamparām ||

nārāyaṇaṃ padmabhuvaṃ vasiṣṭhaṃ śaktiṃ ca tatputraparāśaraṃ ca|

vyāsaṃ śukaṃ gauḍapadaṃ mahāntaṃ govindayogīndramathāsya śiṣyam ||

śrīśaṅkarācāryamathāsya padmapādaṃ ca hastāmalakaṃ ca śiṣyam|

taṃ toṭakaṃ vārtikakāramanyān asmadgurūnsantatamānato'smi ||

mahātripurasundarīramaṇacandramaulīśvaraprasādaparilabdhavāṅmayavibhūṣitāśāntaram|

nirantaramupāsmahe nirupamātmavidyānadīnadīnadapatiprabhaṃ manasi śaṅkarācāryaṃ gurum ||

pradakṣiṇanamaskārāḥ

śrīśaṅkarabhagavatpādācāryebhyo namaḥ| pradakṣiṇanamaskārān samarpayāmi|

gurupādodakaprāśanam

avidyāmūlanāśāya janmakarmanivṛttaye|

jñānavairāgyasiddhyarthaṃ gurupādodakaṃ śubham ||

gurupādodakaṃ prāśnāmi|

samarpaṇam

anayā pūjayā śrīśaṅkarabhagavatpādācāryāḥ prīyantām| tatsat| brahmārpaṇamastu|