Study
- Anukramaṇī
- Source
7 parucchepo daivodāsiḥ| 1-5 mitrāvaruṇau, 6-7 liṅgoktāḥ| atyaṣṭiḥ, 7 triṣṭup|
pra su jyeṣṭha̍ṃ nici̱rābhyā̍ṃ bṛ̱hannamo̍ ha̱vyaṃ ma̱tiṃ bha̍ratā mṛl̤a̱yadbhyā̱ṃ svādi̍ṣṭhaṃ mṛl̤a̱yadbhyā̍m |
tā sa̱mrājā̍ ghṛ̱tāsu̍tī ya̱jñeya̍jña̱ upa̍stutā |
athai̍noḥ kṣa̱traṃ na kuta̍śca̱nādhṛṣe̍ deva̱tvaṃ nū ci̍dā̱dhṛṣe̍
||1||प्र सु ज्येष्ठं॑ निचि॒राभ्यां॑ बृ॒हन्नमो॑ ह॒व्यं म॒तिं भ॑रता मृळ॒यद्भ्यां॒ स्वादि॑ष्ठं मृळ॒यद्भ्या॑म् ।
ता स॒म्राजा॑ घृ॒तासु॑ती य॒ज्ञेय॑ज्ञ॒ उप॑स्तुता ।
अथै॑नोः क्ष॒त्रं न कुत॑श्च॒नाधृषे॑ देव॒त्वं नू चि॑दा॒धृषे॑
ada̍rśi gā̱turu̱rave̱ varī̍yasī̱ panthā̍ ṛ̱tasya̱ sama̍yaṃsta ra̱śmibhi̱ścakṣu̱rbhaga̍sya ra̱śmibhi̍: |
dyu̱kṣaṃ mi̱trasya̱ sāda̍namarya̱mṇo varu̍ṇasya ca |
athā̍ dadhāte bṛ̱hadu̱kthyaṃ 1 vaya̍ upa̱stutya̍ṃ bṛ̱had vaya̍:
||2||अद॑र्शि गा॒तुरु॒रवे॒ वरी॑यसी॒ पन्था॑ ऋ॒तस्य॒ सम॑यंस्त र॒श्मिभि॒श्चक्षु॒र्भग॑स्य र॒श्मिभि॑: ।
द्यु॒क्षं मि॒त्रस्य॒ साद॑नमर्य॒म्णो वरु॑णस्य च ।
अथा॑ दधाते बृ॒हदु॒क्थ्यं १ वय॑ उप॒स्तुत्यं॑ बृ॒हद् वय॑:
jyoti̍ṣmatī̱madi̍tiṃ dhāra̱yatkṣi̍ti̱ṃ sva̍rvatī̱mā sa̍cete di̱vedi̍ve jāgṛ̱vāṃsā̍ di̱vedi̍ve |
jyoti̍ṣmat kṣa̱tramā̍śāte ādi̱tyā dānu̍na̱spatī̍ |
mi̱trastayo̱rvaru̍ṇo yāta̱yajja̍no 'rya̱mā yā̍ta̱yajja̍naḥ
||3||ज्योति॑ष्मती॒मदि॑तिं धार॒यत्क्षि॑तिं॒ स्व॑र्वती॒मा स॑चेते दि॒वेदि॑वे जागृ॒वांसा॑ दि॒वेदि॑वे ।
ज्योति॑ष्मत् क्ष॒त्रमा॑शाते आदि॒त्या दानु॑न॒स्पती॑ ।
मि॒त्रस्तयो॒र्वरु॑णो यात॒यज्ज॑नो ऽर्य॒मा या॑त॒यज्ज॑नः
a̱yaṃ mi̱trāya̱ varu̍ṇāya̱ śaṃta̍ma̱: somo̍ bhūtvava̱pāne̱ṣvābha̍go de̱vo de̱veṣvābha̍gaḥ |
taṃ de̱vāso̍ juṣerata̱ viśve̍ a̱dya sa̱joṣa̍saḥ |
tathā̍ rājānā karatho̱ yadīma̍ha̱ ṛtā̍vānā̱ yadīma̍he yo mi̱trāya̱ varu̍ṇā̱yāvi̍dha̱jjano̍'na̱rvāṇa̱ṃ taṃ pari̍ pāto̱ aṃha̍so dā̱śvāṃsa̱ṃ marta̱maṃha̍saḥ |
tama̍rya̱mābhi ra̍kṣatyṛjū̱yanta̱manu̍ vra̱tam |
u̱kthairya e̍noḥ pari̱bhūṣa̍ti vra̱taṃ stomai̍rā̱bhūṣa̍ti vra̱tam
||5||अ॒यं मि॒त्राय॒ वरु॑णाय॒ शंत॑म॒: सोमो॑ भूत्वव॒पाने॒ष्वाभ॑गो दे॒वो दे॒वेष्वाभ॑गः ।
तं दे॒वासो॑ जुषेरत॒ विश्वे॑ अ॒द्य स॒जोष॑सः ।
तथा॑ राजाना करथो॒ यदीम॑ह॒ ऋता॑वाना॒ यदीम॑हे ॥
यो मि॒त्राय॒ वरु॑णा॒यावि॑ध॒ज्जनो॑ऽन॒र्वाणं॒ तं परि॑ पातो॒ अंह॑सो दा॒श्वांसं॒ मर्त॒मंह॑सः ।
तम॑र्य॒माभि र॑क्षत्यृजू॒यन्त॒मनु॑ व्र॒तम् ।
उ॒क्थैर्य ए॑नोः परि॒भूष॑ति व्र॒तं स्तोमै॑रा॒भूष॑ति व्र॒तम्
namo̍ di̱ve bṛ̍ha̱te roda̍sībhyāṃ mi̱trāya̍ voca̱ṃ varu̍ṇāya mī̱hluṣe̍ sumṛl̤ī̱kāya̍ mī̱hluṣe̍ |
indra̍ma̱gnimupa̍ stuhi dyu̱kṣama̍rya̱maṇa̱ṃ bhaga̍m |
jyogjīva̍ntaḥ pra̱jayā̍ sacemahi̱ soma̍syo̱tī sa̍cemahi
||6||नमो॑ दि॒वे बृ॑ह॒ते रोद॑सीभ्यां मि॒त्राय॑ वोचं॒ वरु॑णाय मी॒ह्लुषे॑ सुमृळी॒काय॑ मी॒ह्लुषे॑ ।
इन्द्र॑म॒ग्निमुप॑ स्तुहि द्यु॒क्षम॑र्य॒मणं॒ भग॑म् ।
ज्योग्जीव॑न्तः प्र॒जया॑ सचेमहि॒ सोम॑स्यो॒ती स॑चेमहि
ū̱tī de̱vānā̍ṃ va̱yamindra̍vanto maṃsī̱mahi̱ svaya̍śaso ma̱rudbhi̍: |
a̱gnirmi̱tro varu̍ṇa̱: śarma̍ yaṃsa̱n tada̍śyāma ma̱ghavā̍no va̱yaṃ ca̍
||7||ऊ॒ती दे॒वानां॑ व॒यमिन्द्र॑वन्तो मंसी॒महि॒ स्वय॑शसो म॒रुद्भि॑: ।
अ॒ग्निर्मि॒त्रो वरु॑ण॒: शर्म॑ यंस॒न् तद॑श्याम म॒घवा॑नो व॒यं च॑