Study
- Anukramaṇī
- Source
4 parucchepo daivodāsiḥ| pūṣā| atyaṣṭiḥ|
prapra̍ pū̱ṣṇastu̍vijā̱tasya̍ śasyate mahi̱tvama̍sya ta̱vaso̱ na ta̍ndate sto̱trama̍sya̱ na ta̍ndate |
arcā̍mi sumna̱yanna̱hamantyū̍tiṃ mayo̱bhuva̍m |
viśva̍sya̱ yo mana̍ āyuyu̱ve ma̱kho de̱va ā̍yuyu̱ve ma̱khaḥ
||1||प्रप्र॑ पू॒ष्णस्तु॑विजा॒तस्य॑ शस्यते महि॒त्वम॑स्य त॒वसो॒ न त॑न्दते स्तो॒त्रम॑स्य॒ न त॑न्दते ।
अर्चा॑मि सुम्न॒यन्न॒हमन्त्यू॑तिं मयो॒भुव॑म् ।
विश्व॑स्य॒ यो मन॑ आयुयु॒वे म॒खो दे॒व आ॑युयु॒वे म॒खः
pra hi tvā̍ pūṣannaji̱raṃ na yāma̍ni̱ stome̍bhiḥ kṛ̱ṇva ṛ̱ṇavo̱ yathā̱ mṛdha̱ uṣṭro̱ na pī̍paro̱ mṛdha̍: |
hu̱ve yat tvā̍ mayo̱bhuva̍ṃ de̱vaṃ sa̱khyāya̱ martya̍: |
a̱smāka̍māṅgū̱ṣān dyu̱mnina̍skṛdhi̱ vāje̍ṣu dyu̱mnina̍skṛdhi
||2||प्र हि त्वा॑ पूषन्नजि॒रं न याम॑नि॒ स्तोमे॑भिः कृ॒ण्व ऋ॒णवो॒ यथा॒ मृध॒ उष्ट्रो॒ न पी॑परो॒ मृध॑: ।
हु॒वे यत् त्वा॑ मयो॒भुवं॑ दे॒वं स॒ख्याय॒ मर्त्य॑: ।
अ॒स्माक॑माङ्गू॒षान् द्यु॒म्निन॑स्कृधि॒ वाजे॑षु द्यु॒म्निन॑स्कृधि
yasya̍ te pūṣan tsa̱khye vi̍pa̱nyava̱: kratvā̍ ci̱t santo'va̍sā bubhujri̱ra iti̱ kratvā̍ bubhujri̱re |
tāmanu̍ tvā̱ navī̍yasīṃ ni̱yuta̍ṃ rā̱ya ī̍mahe |
ahe̍l̤amāna uruśaṃsa̱ sarī̍ bhava̱ vāje̍vāje̱ sarī̍ bhava
||3||यस्य॑ ते पूषन् त्स॒ख्ये वि॑प॒न्यव॒: क्रत्वा॑ चि॒त् सन्तोऽव॑सा बुभुज्रि॒र इति॒ क्रत्वा॑ बुभुज्रि॒रे ।
तामनु॑ त्वा॒ नवी॑यसीं नि॒युतं॑ रा॒य ई॑महे ।
अहे॑ळमान उरुशंस॒ सरी॑ भव॒ वाजे॑वाजे॒ सरी॑ भव
a̱syā ū̱ ṣu ṇa̱ upa̍ sā̱taye̍ bhu̱vo 'he̍l̤amāno rari̱vām̐ a̍jāśva śravasya̱tāma̍jāśva |
o ṣu tvā̍ vavṛtīmahi̱ stome̍bhirdasma sā̱dhubhi̍: |
na̱hi tvā̍ pūṣannati̱manya̍ āghṛṇe̱ na te̍ sa̱khyama̍pahnu̱ve
||4||अ॒स्या ऊ॒ षु ण॒ उप॑ सा॒तये॑ भु॒वो ऽहे॑ळमानो ररि॒वाँ अ॑जाश्व श्रवस्य॒ताम॑जाश्व ।
ओ षु त्वा॑ ववृतीमहि॒ स्तोमे॑भिर्दस्म सा॒धुभि॑: ।
न॒हि त्वा॑ पूषन्नति॒मन्य॑ आघृणे॒ न ते॑ स॒ख्यम॑पह्नु॒वे