Study
- Anukramaṇī
- Source
5 gotamo rāhūgaṇaḥ| agniḥ| gāyatrī|
ju̱ṣasva̍ sa̱pratha̍stama̱ṃ vaco̍ de̱vapsa̍rastamam |
ha̱vyā juhvā̍na ā̱sani̍
||1||जु॒षस्व॑ स॒प्रथ॑स्तमं॒ वचो॑ दे॒वप्स॑रस्तमम् ।
ह॒व्या जुह्वा॑न आ॒सनि॑
athā̍ te aṅgirasta̱māgne̍ vedhastama pri̱yam |
vo̱cema̱ brahma̍ sāna̱si
||2||अथा॑ ते अङ्गिरस्त॒माग्ने॑ वेधस्तम प्रि॒यम् ।
वो॒चेम॒ ब्रह्म॑ सान॒सि
kaste̍ jā̱mirjanā̍nā̱magne̱ ko dā̱śva̍dhvaraḥ |
ko ha̱ kasmi̍nnasi śri̱taḥ
||3||कस्ते॑ जा॒मिर्जना॑ना॒मग्ने॒ को दा॒श्व॑ध्वरः ।
को ह॒ कस्मि॑न्नसि श्रि॒तः
tvaṃ jā̱mirjanā̍nā̱magne̍ mi̱tro a̍si pri̱yaḥ |
sakhā̱ sakhi̍bhya̱ īḍya̍:
||4||त्वं जा॒मिर्जना॑ना॒मग्ने॑ मि॒त्रो अ॑सि प्रि॒यः ।
सखा॒ सखि॑भ्य॒ ईड्य॑:
yajā̍ no mi̱trāvaru̍ṇā̱ yajā̍ de̱vām̐ ṛ̱taṃ bṛ̱hat |
agne̱ yakṣi̱ svaṃ dama̍m
||5||यजा॑ नो मि॒त्रावरु॑णा॒ यजा॑ दे॒वाँ ऋ॒तं बृ॒हत् ।
अग्ने॒ यक्षि॒ स्वं दम॑म्