Study
- Anukramaṇī
- Source
6 medhātithiḥ kāṇvaḥ| indrāgnī| gāyatrī|
i̱hendrā̱gnī upa̍ hvaye̱ tayo̱rit stoma̍muśmasi | tā soma̍ṃ soma̱pāta̍mā
||1||इ॒हेन्द्रा॒ग्नी उप॑ ह्वये॒ तयो॒रित् स्तोम॑मुश्मसि । ता सोमं॑ सोम॒पात॑मा
tā ya̱jñeṣu̱ pra śa̍ṃsatendrā̱gnī śu̍mbhatā naraḥ | tā gā̍ya̱treṣu̍ gāyata
||2||ता य॒ज्ञेषु॒ प्र शं॑सतेन्द्रा॒ग्नी शु॑म्भता नरः । ता गा॑य॒त्रेषु॑ गायत
tā mi̱trasya̱ praśa̍staya indrā̱gnī tā ha̍vāmahe | so̱ma̱pā soma̍pītaye
||3||ता मि॒त्रस्य॒ प्रश॑स्तय इन्द्रा॒ग्नी ता ह॑वामहे । सो॒म॒पा सोम॑पीतये
u̱grā santā̍ havāmaha̱ upe̱daṃ sava̍naṃ su̱tam | i̱ndrā̱gnī eha ga̍cchatām
||4||उ॒ग्रा सन्ता॑ हवामह॒ उपे॒दं सव॑नं सु॒तम् । इ॒न्द्रा॒ग्नी एह ग॑च्छताम्
tā ma̱hāntā̱ sada̱spatī̱ indrā̍gnī̱ rakṣa̍ ubjatam | apra̍jāḥ santva̱triṇa̍:
||5||ता म॒हान्ता॒ सद॒स्पती॒ इन्द्रा॑ग्नी॒ रक्ष॑ उब्जतम् । अप्र॑जाः सन्त्व॒त्रिण॑:
tena̍ sa̱tyena̍ jāgṛta̱madhi̍ prace̱tune̍ pa̱de | indrā̍gnī̱ śarma̍ yacchatam
||6||तेन॑ स॒त्येन॑ जागृत॒मधि॑ प्रचे॒तुने॑ प॒दे । इन्द्रा॑ग्नी॒ शर्म॑ यच्छतम्