अध्ययनम्
- अनुक्रमणिका
- मूलम्
३ क्रमेण- शिविरौशीनरः, काशिराजः प्रतर्दनः, रौहिदश्वो वसुमनाः। इन्द्रः। त्रिष्टुप्,१ अनुष्टुप्।
उत्ति॑ष्ठ॒ताव॑ पश्य॒तेन्द्र॑स्य भा॒गमृ॒त्विय॑म् ।
यदि॑ श्रा॒तो जु॒होत॑न॒ यद्यश्रा॑तो मम॒त्तन॑
॥१॥utti̍ṣṭha̱tāva̍ paśya̱tendra̍sya bhā̱gamṛ̱tviya̍m |
yadi̍ śrā̱to ju̱hota̍na̱ yadyaśrā̍to mama̱ttana̍
श्रा॒तं ह॒विरो ष्वि॑न्द्र॒ प्र या॑हि ज॒गाम॒ सूरो॒ अध्व॑नो॒ विम॑ध्यम् ।
परि॑ त्वासते नि॒धिभि॒: सखा॑यः कुल॒पा न व्रा॒जप॑तिं॒ चर॑न्तम्
॥२॥śrā̱taṃ ha̱viro ṣvi̍ndra̱ pra yā̍hi ja̱gāma̱ sūro̱ adhva̍no̱ vima̍dhyam |
pari̍ tvāsate ni̱dhibhi̱: sakhā̍yaḥ kula̱pā na vrā̱japa̍ti̱ṃ cara̍ntam
श्रा॒तं म॑न्य॒ ऊध॑नि श्रा॒तम॒ग्नौ सुश्रा॑तं मन्ये॒ तदृ॒तं नवी॑यः ।
माध्यं॑दिनस्य॒ सव॑नस्य द॒ध्नः पिबे॑न्द्र वज्रिन्पुरुकृज्जुषा॒णः
॥३॥śrā̱taṃ ma̍nya̱ ūdha̍ni śrā̱tama̱gnau suśrā̍taṃ manye̱ tadṛ̱taṃ navī̍yaḥ |
mādhya̍ṃdinasya̱ sava̍nasya da̱dhnaḥ pibe̍ndra vajrinpurukṛjjuṣā̱ṇaḥ