अध्ययनम्
- अनुक्रमणिका
- मूलम्
५ केतुराग्नेयः। अग्निः। गायत्री।
अ॒ग्निं हि॑न्वन्तु नो॒ धिय॒: सप्ति॑मा॒शुमि॑वा॒जिषु॑ । तेन॑ जेष्म॒ धनं॑धनम्
॥१॥a̱gniṃ hi̍nvantu no̱ dhiya̱: sapti̍mā̱śumi̍vā̱jiṣu̍ | tena̍ jeṣma̱ dhana̍ṃdhanam
यया॒ गा आ॒करा॑महे॒ सेन॑याग्ने॒ तवो॒त्या । तां नो॑ हिन्व म॒घत्त॑ये
॥२॥yayā̱ gā ā̱karā̍mahe̱ sena̍yāgne̱ tavo̱tyā | tāṃ no̍ hinva ma̱ghatta̍ye
आग्ने॑ स्थू॒रं र॒यिं भ॑र पृ॒थुं गोम॑न्तम॒श्विन॑म् । अ॒ङ्धि खं व॒र्तया॑ प॒णिम्
॥३॥āgne̍ sthū̱raṃ ra̱yiṃ bha̍ra pṛ̱thuṃ goma̍ntama̱śvina̍m | a̱ṅdhi khaṃ va̱rtayā̍ pa̱ṇim
अग्ने॒ नक्ष॑त्रम॒जर॒मा सूर्यं॑ रोहयो दि॒वि । दध॒ज्ज्योति॒र्जने॑भ्यः
॥४॥agne̱ nakṣa̍trama̱jara̱mā sūrya̍ṃ rohayo di̱vi | dadha̱jjyoti̱rjane̍bhyaḥ
अग्ने॑ के॒तुर्वि॒शाम॑सि॒ प्रेष्ठ॒: श्रेष्ठ॑ उपस्थ॒सत् । बोधा॑ स्तो॒त्रे वयो॒ दध॑त्
॥५॥agne̍ ke̱turvi̱śāma̍si̱ preṣṭha̱: śreṣṭha̍ upastha̱sat | bodhā̍ sto̱tre vayo̱ dadha̍t