अध्ययनम्
- अनुक्रमणिका
- मूलम्
६ बन्धु: श्रुतबन्धुर्विप्रबन्धुर्गौपायनाः।विश्वेदेवाः। गायत्री।
मा प्र गा॑म प॒थो व॒यं मा य॒ज्ञादि॑न्द्र सो॒मिन॑: । मान्त स्थु॑र्नो॒ अरा॑तयः
॥१॥mā pra gā̍ma pa̱tho va̱yaṃ mā ya̱jñādi̍ndra so̱mina̍: | mānta sthu̍rno̱ arā̍tayaḥ
यो य॒ज्ञस्य॑ प्र॒साध॑न॒स्तन्तु॑र्दे॒वेष्वात॑तः । तमाहु॑तं नशीमहि
॥२॥yo ya̱jñasya̍ pra̱sādha̍na̱stantu̍rde̱veṣvāta̍taḥ | tamāhu̍taṃ naśīmahi
मनो॒ न्वा हु॑वामहे नाराशं॒सेन॒ सोमे॑न । पि॒तॄ॒णां च॒ मन्म॑भिः
॥३॥mano̱ nvā hu̍vāmahe nārāśa̱ṃsena̱ some̍na | pi̱tṝ̱ṇāṃ ca̱ manma̍bhiḥ
आ त॑ एतु॒ मन॒: पुन॒: क्रत्वे॒ दक्षा॑य जी॒वसे॑ । ज्योक्च॒ सूर्यं॑ दृ॒शे
॥४॥ā ta̍ etu̱ mana̱: puna̱: kratve̱ dakṣā̍ya jī̱vase̍ | jyokca̱ sūrya̍ṃ dṛ̱śe
पुन॑र्नः पितरो॒ मनो॒ ददा॑तु॒ दैव्यो॒ जन॑: । जी॒वं व्रातं॑ सचेमहि
॥५॥puna̍rnaḥ pitaro̱ mano̱ dadā̍tu̱ daivyo̱ jana̍: | jī̱vaṃ vrāta̍ṃ sacemahi
व॒यं सो॑म व्र॒ते तव॒ मन॑स्त॒नूषु॒ बिभ्र॑तः । प्र॒जाव॑न्तः सचेमहि
॥६॥va̱yaṃ so̍ma vra̱te tava̱ mana̍sta̱nūṣu̱ bibhra̍taḥ | pra̱jāva̍ntaḥ sacemahi