Study
- Anukramaṇī
- Source
4 medhya: kāṇva:| aśvinau | triṣṭup |
yu̱vaṃ de̍vā̱ kratu̍nā pū̱rvyeṇa̍ yu̱ktā rathe̍na tavi̱ṣaṃ ya̍jatrā |
āga̍cchataṃ nāsatyā̱ śacī̍bhiri̱daṃ tṛ̱tīya̱ṃ sava̍naṃ pibāthaḥ
||1||यु॒वं दे॑वा॒ क्रतु॑ना पू॒र्व्येण॑ यु॒क्ता रथे॑न तवि॒षं य॑जत्रा ।
आग॑च्छतं नासत्या॒ शची॑भिरि॒दं तृ॒तीयं॒ सव॑नं पिबाथः
yu̱vāṃ de̱vāstraya̍ ekāda̱śāsa̍: sa̱tyāḥ sa̱tyasya̍ dadṛśe pu̱rastā̍t |
a̱smāka̍ṃ ya̱jñaṃ sava̍naṃ juṣā̱ṇā pā̱taṃ soma̍maśvinā̱ dīdya̍gnī
||2||यु॒वां दे॒वास्त्रय॑ एकाद॒शास॑: स॒त्याः स॒त्यस्य॑ ददृशे पु॒रस्ता॑त् ।
अ॒स्माकं॑ य॒ज्ञं सव॑नं जुषा॒णा पा॒तं सोम॑मश्विना॒ दीद्य॑ग्नी
pa̱nāyya̱ṃ tada̍śvinā kṛ̱taṃ vā̍ṃ vṛṣa̱bho di̱vo raja̍saḥ pṛthi̱vyāḥ |
sa̱hasra̱ṃ śaṃsā̍ u̱ta ye gavi̍ṣṭau̱ sarvā̱m̐ ittām̐ upa̍ yātā̱ piba̍dhyai
||3||प॒नाय्यं॒ तद॑श्विना कृ॒तं वां॑ वृष॒भो दि॒वो रज॑सः पृथि॒व्याः ।
स॒हस्रं॒ शंसा॑ उ॒त ये गवि॑ष्टौ॒ सर्वाँ॒ इत्ताँ उप॑ याता॒ पिब॑ध्यै
a̱yaṃ vā̍ṃ bhā̱go nihi̍to yajatre̱mā giro̍ nāsa̱tyopa̍ yātam |
piba̍ta̱ṃ soma̱ṃ madhu̍mantama̱sme pra dā̱śvāṃsa̍mavata̱ṃ śacī̍bhiḥ
||4||अ॒यं वां॑ भा॒गो निहि॑तो यजत्रे॒मा गिरो॑ नास॒त्योप॑ यातम् ।
पिब॑तं॒ सोमं॒ मधु॑मन्तम॒स्मे प्र दा॒श्वांस॑मवतं॒ शची॑भिः