Sūktam 1 — mā (34 mantras) — Śākala Saṃhitā (Ṛgveda)

Study

Anukramaṇī
Source

mā ci̍da̱nyadvi śa̍ṃsata̱ sakhā̍yo̱ mā ri̍ṣaṇyata | indra̱mitsto̍tā̱ vṛṣa̍ṇa̱ṃ sacā̍ su̱te muhu̍ru̱kthā ca̍ śaṃsata

||1||

मा चि॑द॒न्यद्वि शं॑सत॒ सखा॑यो॒ मा रि॑षण्यत । इन्द्र॒मित्स्तो॑ता॒ वृष॑णं॒ सचा॑ सु॒ते मुहु॑रु॒क्था च॑ शंसत

a̱va̱kra̱kṣiṇa̍ṃ vṛṣa̱bhaṃ ya̍thā̱jura̱ṃ gāṃ na ca̍rṣaṇī̱saha̍m | vi̱dveṣa̍ṇaṃ sa̱ṃvana̍nobhayaṃka̱raṃ maṃhi̍ṣṭhamubhayā̱vina̍m

||2||

अ॒व॒क्र॒क्षिणं॑ वृष॒भं य॑था॒जुरं॒ गां न च॑र्षणी॒सह॑म् । वि॒द्वेष॑णं सं॒वन॑नोभयंक॒रं मंहि॑ष्ठमुभया॒विन॑म्

adha̱ plāyo̍gi̱rati̍ dāsada̱nyānā̍sa̱ṅgo a̍gne da̱śabhi̍: sa̱hasrai̍: | adho̱kṣaṇo̱ daśa̱ mahya̱ṃ ruśa̍nto na̱l̤ā i̍va̱ sara̍so̱ nira̍tiṣṭhan

||3||

२

अध॒ प्लायो॑गि॒रति॑ दासद॒न्याना॑स॒ङ्गो अ॑ग्ने द॒शभि॑: स॒हस्रै॑: । अधो॒क्षणो॒ दश॒ मह्यं॒ रुश॑न्तो न॒ळा इ॑व॒ सर॑सो॒ निर॑तिष्ठन्

vi ta̍rtūryante maghavanvipa̱ścito̱'ryo vipo̱ janā̍nām | upa̍ kramasva puru̱rūpa̱mā bha̍ra̱ vāja̱ṃ nedi̍ṣṭhamū̱taye̍

||4||

वि त॑र्तूर्यन्ते मघवन्विप॒श्चितो॒ऽर्यो विपो॒ जना॑नाम् । उप॑ क्रमस्व पुरु॒रूप॒मा भ॑र॒ वाजं॒ नेदि॑ष्ठमू॒तये॑

ma̱he ca̱na tvāma̍driva̱: parā̍ śu̱lkāya̍ deyām | na sa̱hasrā̍ya̱ nāyutā̍ya vajrivo̱ na śa̱tāya̍ śatāmagha

||5||

म॒हे च॒न त्वाम॑द्रिव॒: परा॑ शु॒ल्काय॑ देयाम् । न स॒हस्रा॑य॒ नायुता॑य वज्रिवो॒ न श॒ताय॑ शतामघ

vasyā̍m̐ indrāsi me pi̱turu̱ta bhrātu̱rabhu̍ñjataḥ | mā̱tā ca̍ me chadayathaḥ sa̱mā va̍so vasutva̱nāya̱ rādha̍se

||6||

वस्याँ॑ इन्द्रासि मे पि॒तुरु॒त भ्रातु॒रभु॑ञ्जतः । मा॒ता च॑ मे छदयथः स॒मा व॑सो वसुत्व॒नाय॒ राध॑से

kve̍yatha̱ kveda̍si puru̱trā ci̱ddhi te̱ mana̍: | ala̍rṣi yudhma khajakṛtpuraṃdara̱ pra gā̍ya̱trā a̍gāsiṣuḥ

||7||

क्वे॑यथ॒ क्वेद॑सि पुरु॒त्रा चि॒द्धि ते॒ मन॑: । अल॑र्षि युध्म खजकृत्पुरंदर॒ प्र गा॑य॒त्रा अ॑गासिषुः

prāsmai̍ gāya̱trama̍rcata vā̱vātu̱ryaḥ pu̍raṃda̱raḥ | yābhi̍: kā̱ṇvasyopa̍ ba̱rhirā̱sada̱ṃ yāsa̍dva̱jrī bhi̱natpura̍:

||8||

प्रास्मै॑ गाय॒त्रम॑र्चत वा॒वातु॒र्यः पु॑रंद॒रः । याभि॑: का॒ण्वस्योप॑ ब॒र्हिरा॒सदं॒ यास॑द्व॒ज्री भि॒नत्पुर॑:

ye te̱ santi̍ daśa̱gvina̍: śa̱tino̱ ye sa̍ha̱sriṇa̍: | aśvā̍so̱ ye te̱ vṛṣa̍ṇo raghu̱druva̱stebhi̍rna̱stūya̱mā ga̍hi

||9||

ये ते॒ सन्ति॑ दश॒ग्विन॑: श॒तिनो॒ ये स॑ह॒स्रिण॑: । अश्वा॑सो॒ ये ते॒ वृष॑णो रघु॒द्रुव॒स्तेभि॑र्न॒स्तूय॒मा ग॑हि

ā tva1dya sa̍ba̱rdughā̍ṃ hu̱ve gā̍ya̱trave̍pasam | indra̍ṃ dhe̱nuṃ su̱dughā̱manyā̱miṣa̍mu̱rudhā̍rāmara̱ṃkṛta̍m

||10||

आ त्व१द्य स॑ब॒र्दुघां॑ हु॒वे गा॑य॒त्रवे॑पसम् । इन्द्रं॑ धे॒नुं सु॒दुघा॒मन्या॒मिष॑मु॒रुधा॑रामरं॒कृत॑म्

yattu̱datsūra̱ eta̍śaṃ va̱ṅkū vāta̍sya pa̱rṇinā̍ | vaha̱tkutsa̍mārjune̱yaṃ śa̱takra̍tu̱: tsara̍dgandha̱rvamastṛ̍tam

||11||

यत्तु॒दत्सूर॒ एत॑शं व॒ङ्कू वात॑स्य प॒र्णिना॑ । वह॒त्कुत्स॑मार्जुने॒यं श॒तक्र॑तु॒: त्सर॑द्गन्ध॒र्वमस्तृ॑तम्

ya ṛ̱te ci̍dabhi̱śriṣa̍: pu̱rā ja̱trubhya̍ ā̱tṛda̍: | saṃdhā̍tā sa̱ṃdhiṃ ma̱ghavā̍ purū̱vasu̱riṣka̍rtā̱ vihru̍ta̱ṃ puna̍:

||12||

य ऋ॒ते चि॑दभि॒श्रिष॑: पु॒रा ज॒त्रुभ्य॑ आ॒तृद॑: । संधा॑ता सं॒धिं म॒घवा॑ पुरू॒वसु॒रिष्क॑र्ता॒ विह्रु॑तं॒ पुन॑:

mā bhū̍ma̱ niṣṭyā̍ i̱vendra̱ tvadara̍ṇā iva | vanā̍ni̱ na pra̍jahi̱tānya̍drivo du̱roṣā̍so amanmahi

||13||

मा भू॑म॒ निष्ट्या॑ इ॒वेन्द्र॒ त्वदर॑णा इव । वना॑नि॒ न प्र॑जहि॒तान्य॑द्रिवो दु॒रोषा॑सो अमन्महि

ama̍nma̱hīda̍nā̱śavo̍'nu̱grāsa̍śca vṛtrahan | sa̱kṛtsu te̍ maha̱tā śū̍ra̱ rādha̍sā̱ 'nu̱ stoma̍ṃ mudīmahi

||14||

अम॑न्म॒हीद॑ना॒शवो॑ऽनु॒ग्रास॑श्च वृत्रहन् । स॒कृत्सु ते॑ मह॒ता शू॑र॒ राध॑सा॒ ऽनु॒ स्तोमं॑ मुदीमहि

yadi̱ stoma̱ṃ mama̱ śrava̍da̱smāka̱mindra̱minda̍vaḥ | ti̱raḥ pa̱vitra̍ṃ sasṛ̱vāṃsa̍ ā̱śavo̱ manda̍ntu tugryā̱vṛdha̍:

||15||

यदि॒ स्तोमं॒ मम॒ श्रव॑द॒स्माक॒मिन्द्र॒मिन्द॑वः । ति॒रः प॒वित्रं॑ ससृ॒वांस॑ आ॒शवो॒ मन्द॑न्तु तुग्र्या॒वृध॑:

ā tva1dya sa̱dhastu̍tiṃ vā̱vātu̱: sakhyu̱rā ga̍hi | upa̍stutirma̱ghonā̱ṃ pra tvā̍va̱tvadhā̍ te vaśmi suṣṭu̱tim

||16||

आ त्व१द्य स॒धस्तु॑तिं वा॒वातु॒: सख्यु॒रा ग॑हि । उप॑स्तुतिर्म॒घोनां॒ प्र त्वा॑व॒त्वधा॑ ते वश्मि सुष्टु॒तिम्

sotā̱ hi soma̱madri̍bhi̱reme̍nama̱psu dhā̍vata | ga̱vyā vastre̍va vā̱saya̍nta̱ innaro̱ nirdhu̍kṣanva̱kṣaṇā̍bhyaḥ

||17||

सोता॒ हि सोम॒मद्रि॑भि॒रेमे॑नम॒प्सु धा॑वत । ग॒व्या वस्त्रे॑व वा॒सय॑न्त॒ इन्नरो॒ निर्धु॑क्षन्व॒क्षणा॑भ्यः

adha̱ jmo adha̍ vā di̱vo bṛ̍ha̱to ro̍ca̱nādadhi̍ | a̱yā va̍rdhasva ta̱nvā̍ gi̱rā mamā ''jā̱tā su̍krato pṛṇa

||18||

अध॒ ज्मो अध॑ वा दि॒वो बृ॑ह॒तो रो॑च॒नादधि॑ । अ॒या व॑र्धस्व त॒न्वा॑ गि॒रा ममा ऽऽजा॒ता सु॑क्रतो पृण

indrā̍ya̱ su ma̱dinta̍ma̱ṃ soma̍ṃ sotā̱ vare̍ṇyam | śa̱kra e̍ṇaṃ pīpaya̱dviśva̍yā dhi̱yā hi̍nvā̱naṃ na vā̍ja̱yum

||19||

इन्द्रा॑य॒ सु म॒दिन्त॑मं॒ सोमं॑ सोता॒ वरे॑ण्यम् । श॒क्र ए॑णं पीपय॒द्विश्व॑या धि॒या हि॑न्वा॒नं न वा॑ज॒युम्

mā tvā̱ soma̍sya̱ galda̍yā̱ sadā̱ yāca̍nna̱haṃ gi̱rā | bhūrṇi̍ṃ mṛ̱gaṃ na sava̍neṣu cukrudha̱ṃ ka īśā̍na̱ṃ na yā̍ciṣat

||20||

मा त्वा॒ सोम॑स्य॒ गल्द॑या॒ सदा॒ याच॑न्न॒हं गि॒रा । भूर्णिं॑ मृ॒गं न सव॑नेषु चुक्रुधं॒ क ईशा॑नं॒ न या॑चिषत्

made̍neṣi̱taṃ mada̍mu̱gramu̱greṇa̱ śava̍sā | viśve̍ṣāṃ taru̱tāra̍ṃ mada̱cyuta̱ṃ made̱ hi ṣmā̱ dadā̍ti naḥ

||21||

मदे॑नेषि॒तं मद॑मु॒ग्रमु॒ग्रेण॒ शव॑सा । विश्वे॑षां तरु॒तारं॑ मद॒च्युतं॒ मदे॒ हि ष्मा॒ ददा॑ति नः

śevā̍re̱ vāryā̍ pu̱ru de̱vo martā̍ya dā̱śuṣe̍ | sa su̍nva̱te ca̍ stuva̱te ca̍ rāsate vi̱śvagū̍rto ariṣṭu̱taḥ

||22||

शेवा॑रे॒ वार्या॑ पु॒रु दे॒वो मर्ता॑य दा॒शुषे॑ । स सु॑न्व॒ते च॑ स्तुव॒ते च॑ रासते वि॒श्वगू॑र्तो अरिष्टु॒तः

endra̍ yāhi̱ matsva̍ ci̱treṇa̍ deva̱ rādha̍sā | saro̱ na prā̍syu̱dara̱ṃ sapī̍tibhi̱rā some̍bhiru̱ru sphi̱ram

||23||

एन्द्र॑ याहि॒ मत्स्व॑ चि॒त्रेण॑ देव॒ राध॑सा । सरो॒ न प्रा॑स्यु॒दरं॒ सपी॑तिभि॒रा सोमे॑भिरु॒रु स्फि॒रम्

ā tvā̍ sa̱hasra̱mā śa̱taṃ yu̱ktā rathe̍ hira̱ṇyaye̍ | bra̱hma̱yujo̱ hara̍ya indra ke̱śino̱ vaha̍ntu̱ soma̍pītaye

||24||

आ त्वा॑ स॒हस्र॒मा श॒तं यु॒क्ता रथे॑ हिर॒ण्यये॑ । ब्र॒ह्म॒युजो॒ हर॑य इन्द्र के॒शिनो॒ वह॑न्तु॒ सोम॑पीतये

ā tvā̱ rathe̍ hira̱ṇyaye̱ harī̍ ma̱yūra̍śepyā | śi̱ti̱pṛ̱ṣṭhā va̍hatā̱ṃ madhvo̱ andha̍so vi̱vakṣa̍ṇasya pī̱taye̍

||25||

आ त्वा॒ रथे॑ हिर॒ण्यये॒ हरी॑ म॒यूर॑शेप्या । शि॒ति॒पृ॒ष्ठा व॑हतां॒ मध्वो॒ अन्ध॑सो वि॒वक्ष॑णस्य पी॒तये॑

pibā̱ tva1sya gi̍rvaṇaḥ su̱tasya̍ pūrva̱pā i̍va | pari̍ṣkṛtasya ra̱sina̍ i̱yamā̍su̱tiścāru̱rmadā̍ya patyate

||26||

पिबा॒ त्व१स्य गि॑र्वणः सु॒तस्य॑ पूर्व॒पा इ॑व । परि॑ष्कृतस्य र॒सिन॑ इ॒यमा॑सु॒तिश्चारु॒र्मदा॑य पत्यते

ya eko̱ asti̍ da̱ṃsanā̍ ma̱hām̐ u̱gro a̱bhi vra̱taiḥ | gama̱tsa śi̱prī na sa yo̍ṣa̱dā ga̍ma̱ddhava̱ṃ na pari̍ varjati

||27||

य एको॒ अस्ति॑ दं॒सना॑ म॒हाँ उ॒ग्रो अ॒भि व्र॒तैः । गम॒त्स शि॒प्री न स यो॑ष॒दा ग॑म॒द्धवं॒ न परि॑ वर्जति

tvaṃ pura̍ṃ cari̱ṣṇva̍ṃ va̱dhaiḥ śuṣṇa̍sya̱ saṃ pi̍ṇak | tvaṃ bhā anu̍ caro̱ adha̍ dvi̱tā yadi̍ndra̱ havyo̱ bhuva̍:

||28||

त्वं पुरं॑ चरि॒ष्ण्वं॑ व॒धैः शुष्ण॑स्य॒ सं पि॑णक् । त्वं भा अनु॑ चरो॒ अध॑ द्वि॒ता यदि॑न्द्र॒ हव्यो॒ भुव॑:

mama̍ tvā̱ sūra̱ udi̍te̱ mama̍ ma̱dhyaṃdi̍ne di̱vaḥ | mama̍ prapi̱tve a̍piśarva̱re va̍sa̱vā stomā̍so avṛtsata

||29||

मम॑ त्वा॒ सूर॒ उदि॑ते॒ मम॑ म॒ध्यंदि॑ने दि॒वः । मम॑ प्रपि॒त्वे अ॑पिशर्व॒रे व॑स॒वा स्तोमा॑सो अवृत्सत

stu̱hi stu̱hīde̱te ghā̍ te̱ maṃhi̍ṣṭhāso ma̱ghonā̍m | ni̱ndi̱tāśva̍: prapa̱thī pa̍rama̱jyā ma̱ghasya̍ medhyātithe

||30||

स्तु॒हि स्तु॒हीदे॒ते घा॑ ते॒ मंहि॑ष्ठासो म॒घोना॑म् । नि॒न्दि॒ताश्व॑: प्रप॒थी प॑रम॒ज्या म॒घस्य॑ मेध्यातिथे

adha̱ plāyo̍gi̱rati̍ dāsada̱nyānā̍sa̱ṅgo a̍gne da̱śabhi̍: sa̱hasrai̍: | adho̱kṣaṇo̱ daśa̱ mahya̱ṃ ruśa̍nto na̱l̤ā i̍va̱ sara̍so̱ nira̍tiṣṭhan

||3||

२

adha̱ plāyo̍gi̱rati̍ dāsada̱nyānā̍sa̱ṅgo a̍gne da̱śabhi̍: sa̱hasrai̍: | adho̱kṣaṇo̱ daśa̱ mahya̱ṃ ruśa̍nto na̱l̤ā i̍va̱ sara̍so̱ nira̍tiṣṭhan

||3||

२

adha̱ plāyo̍gi̱rati̍ dāsada̱nyānā̍sa̱ṅgo a̍gne da̱śabhi̍: sa̱hasrai̍: | adho̱kṣaṇo̱ daśa̱ mahya̱ṃ ruśa̍nto na̱l̤ā i̍va̱ sara̍so̱ nira̍tiṣṭhan

||3||

२

anva̍sya sthū̱raṃ da̍dṛśe pu̱rastā̍dana̱stha ū̱rura̍va̱ramba̍māṇaḥ | śaśva̍tī̱ nārya̍bhi̱cakṣyā̍ha̱ subha̍dramarya̱ bhoja̍naṃ bibharṣi

||34||

३

अन्व॑स्य स्थू॒रं द॑दृशे पु॒रस्ता॑दन॒स्थ ऊ॒रुर॑व॒रम्ब॑माणः । शश्व॑ती॒ नार्य॑भि॒चक्ष्या॑ह॒ सुभ॑द्रमर्य॒ भोज॑नं बिभर्षि