Study
- Anukramaṇī
- Source
10 manurvaivasvata:, kaśyapo vā mārīca:| viśve devā: | dvipadā virāṭ|
ba̱bhrureko̱ viṣu̍ṇaḥ sū̱naro̱ yuvā̱ñjya̍ṅkte hira̱ṇyaya̍m
yoni̱meka̱ ā sa̍sāda̱ dyota̍no̱'ntarde̱veṣu̱ medhi̍raḥ
||1||ब॒भ्रुरेको॒ विषु॑णः सू॒नरो॒ युवा॒ञ्ज्य॑ङ्क्ते हिर॒ण्यय॑म्
योनि॒मेक॒ आ स॑साद॒ द्योत॑नो॒ऽन्तर्दे॒वेषु॒ मेधि॑रः
vāśī̱meko̍ bibharti̱ hasta̍ āya̱sīma̱ntarde̱veṣu̱ nidhru̍viḥ
vajra̱meko̍ bibharti̱ hasta̱ āhi̍ta̱ṃ tena̍ vṛ̱trāṇi̍ jighnate
||2||वाशी॒मेको॑ बिभर्ति॒ हस्त॑ आय॒सीम॒न्तर्दे॒वेषु॒ निध्रु॑विः
वज्र॒मेको॑ बिभर्ति॒ हस्त॒ आहि॑तं॒ तेन॑ वृ॒त्राणि॑ जिघ्नते
ti̱gmameko̍ bibharti̱ hasta̱ āyu̍dha̱ṃ śuci̍ru̱gro jalā̍ṣabheṣajaḥ
pa̱tha eka̍: pīpāya̱ taska̍ro yathām̐ e̱ṣa ve̍da nidhī̱nām
||3||ति॒ग्ममेको॑ बिभर्ति॒ हस्त॒ आयु॑धं॒ शुचि॑रु॒ग्रो जला॑षभेषजः
प॒थ एक॑: पीपाय॒ तस्क॑रो यथाँ ए॒ष वे॑द निधी॒नाम्
trīṇyeka̍ urugā̱yo vi ca̍krame̱ yatra̍ de̱vāso̱ mada̍nti
vibhi̱rdvā ca̍rata̱ eka̍yā sa̱ha pra pra̍vā̱seva̍ vasataḥ
||4||त्रीण्येक॑ उरुगा॒यो वि च॑क्रमे॒ यत्र॑ दे॒वासो॒ मद॑न्ति
विभि॒र्द्वा च॑रत॒ एक॑या स॒ह प्र प्र॑वा॒सेव॑ वसतः
sado̱ dvā ca̍krāte upa̱mā di̱vi sa̱mrājā̍ sa̱rpirā̍sutī
arca̍nta̱ eke̱ mahi̱ sāma̍ manvata̱ tena̱ sūrya̍marocayan
||5||सदो॒ द्वा च॑क्राते उप॒मा दि॒वि स॒म्राजा॑ स॒र्पिरा॑सुती
अर्च॑न्त॒ एके॒ महि॒ साम॑ मन्वत॒ तेन॒ सूर्य॑मरोचयन्