Study
- Anukramaṇī
- Source
3 bārhaspatyo bharadvāja: | bṛhaspati:| triṣṭup |
yo a̍dri̱bhitpra̍thama̱jā ṛ̱tāvā̱ bṛha̱spati̍rāṅgira̱so ha̱viṣmā̍n |
dvi̱barha̍jmā prāgharma̱satpi̱tā na̱ ā roda̍sī vṛṣa̱bho ro̍ravīti
||1||यो अ॑द्रि॒भित्प्र॑थम॒जा ऋ॒तावा॒ बृह॒स्पति॑राङ्गिर॒सो ह॒विष्मा॑न् ।
द्वि॒बर्ह॑ज्मा प्राघर्म॒सत्पि॒ता न॒ आ रोद॑सी वृष॒भो रो॑रवीति
janā̍ya ci̱dya īva̍ta u lo̱kaṃ bṛha̱spati̍rde̱vahū̍tau ca̱kāra̍ |
ghnanvṛ̱trāṇi̱ vi puro̍ dardarīti̱ jaya̱ñchatrū̍m̐ra̱mitrā̍npṛ̱tsu sāha̍n
||2||जना॑य चि॒द्य ईव॑त उ लो॒कं बृह॒स्पति॑र्दे॒वहू॑तौ च॒कार॑ ।
घ्नन्वृ॒त्राणि॒ वि पुरो॑ दर्दरीति॒ जय॒ञ्छत्रूँ॑र॒मित्रा॑न्पृ॒त्सु साह॑न्
bṛha̱spati̱: sama̍jaya̱dvasū̍ni ma̱ho vra̱jāngoma̍to de̱va e̱ṣaḥ |
a̱paḥ siṣā̍sa̱ntsva1rapra̍tīto̱ bṛha̱spati̱rhantya̱mitra̍ma̱rkaiḥ
||3||बृह॒स्पति॒: सम॑जय॒द्वसू॑नि म॒हो व्र॒जान्गोम॑तो दे॒व ए॒षः ।
अ॒पः सिषा॑स॒न्त्स्व१रप्र॑तीतो॒ बृह॒स्पति॒र्हन्त्य॒मित्र॑म॒र्कैः