Study
- Anukramaṇī
- Source
5 bārhaspatyo bharadvāja: | indrāsomau|triṣṭup |
indrā̍somā̱ mahi̱ tadvā̍ṃ mahi̱tvaṃ yu̱vaṃ ma̱hāni̍ pratha̱māni̍ cakrathuḥ |
yu̱vaṃ sūrya̍ṃ vivi̱dathu̍ryu̱vaṃ sva1rviśvā̱ tamā̍ṃsyahataṃ ni̱daśca̍
||1||इन्द्रा॑सोमा॒ महि॒ तद्वां॑ महि॒त्वं यु॒वं म॒हानि॑ प्रथ॒मानि॑ चक्रथुः ।
यु॒वं सूर्यं॑ विवि॒दथु॑र्यु॒वं स्व१र्विश्वा॒ तमां॑स्यहतं नि॒दश्च॑
indrā̍somā vā̱saya̍tha u̱ṣāsa̱mutsūrya̍ṃ nayatho̱ jyoti̍ṣā sa̱ha |
upa̱ dyāṃ ska̱mbhathu̱: skambha̍ne̱nāpra̍thataṃ pṛthi̱vīṃ mā̱tara̱ṃ vi
||2||इन्द्रा॑सोमा वा॒सय॑थ उ॒षास॒मुत्सूर्यं॑ नयथो॒ ज्योति॑षा स॒ह ।
उप॒ द्यां स्क॒म्भथु॒: स्कम्भ॑ने॒नाप्र॑थतं पृथि॒वीं मा॒तरं॒ वि
indrā̍somā̱vahi̍ma̱paḥ pa̍ri̱ṣṭhāṃ ha̱tho vṛ̱tramanu̍ vā̱ṃ dyaura̍manyata |
prārṇā̍ṃsyairayataṃ na̱dīnā̱mā sa̍mu̱drāṇi̍ paprathuḥ pu̱rūṇi̍
||3||इन्द्रा॑सोमा॒वहि॑म॒पः प॑रि॒ष्ठां ह॒थो वृ॒त्रमनु॑ वां॒ द्यौर॑मन्यत ।
प्रार्णां॑स्यैरयतं न॒दीना॒मा स॑मु॒द्राणि॑ पप्रथुः पु॒रूणि॑
indrā̍somā pa̱kvamā̱māsva̱ntarni gavā̱midda̍dhathurva̱kṣaṇā̍su |
ja̱gṛ̱bhathu̱rana̍pinaddhamāsu̱ ruśa̍cci̱trāsu̱ jaga̍tīṣva̱ntaḥ
||4||इन्द्रा॑सोमा प॒क्वमा॒मास्व॒न्तर्नि गवा॒मिद्द॑धथुर्व॒क्षणा॑सु ।
ज॒गृ॒भथु॒रन॑पिनद्धमासु॒ रुश॑च्चि॒त्रासु॒ जग॑तीष्व॒न्तः
indrā̍somā yu̱vama̱ṅga taru̍tramapatya̱sāca̱ṃ śrutya̍ṃ rarāthe |
yu̱vaṃ śuṣma̱ṃ narya̍ṃ carṣa̱ṇibhya̱: saṃ vi̍vyathuḥ pṛtanā̱ṣāha̍mugrā
||5||इन्द्रा॑सोमा यु॒वम॒ङ्ग तरु॑त्रमपत्य॒साचं॒ श्रुत्यं॑ रराथे ।
यु॒वं शुष्मं॒ नर्यं॑ चर्ष॒णिभ्य॒: सं वि॑व्यथुः पृतना॒षाह॑मुग्रा