Study
- Anukramaṇī
- Source
6 sutaṃbhara ātreyaḥ| agniḥ | gāyatrī|
arca̍ntastvā havāma̱he'rca̍nta̱: sami̍dhīmahi | agne̱ arca̍nta ū̱taye̍
||1||अर्च॑न्तस्त्वा हवाम॒हेऽर्च॑न्त॒: समि॑धीमहि । अग्ने॒ अर्च॑न्त ऊ॒तये॑
a̱gneḥ stoma̍ṃ manāmahe si̱dhrama̱dya di̍vi̱spṛśa̍: | de̱vasya̍ draviṇa̱syava̍:
||2||अ॒ग्नेः स्तोमं॑ मनामहे सि॒ध्रम॒द्य दि॑वि॒स्पृश॑: । दे॒वस्य॑ द्रविण॒स्यव॑:
a̱gnirju̍ṣata no̱ giro̱ hotā̱ yo mānu̍ṣe̱ṣvā | sa ya̍kṣa̱d daivya̱ṃ jana̍m
||3||अ॒ग्निर्जु॑षत नो॒ गिरो॒ होता॒ यो मानु॑षे॒ष्वा । स य॑क्ष॒द् दैव्यं॒ जन॑म्
tvama̍gne sa̱prathā̍ asi̱ juṣṭo̱ hotā̱ vare̍ṇyaḥ | tvayā̍ ya̱jñaṃ vi ta̍nvate
||4||त्वम॑ग्ने स॒प्रथा॑ असि॒ जुष्टो॒ होता॒ वरे॑ण्यः । त्वया॑ य॒ज्ञं वि त॑न्वते
tvāma̍gne vāja̱sāta̍ma̱ṃ viprā̍ vardhanti̱ suṣṭu̍tam | sa no̍ rāsva su̱vīrya̍m
||5||त्वाम॑ग्ने वाज॒सात॑मं॒ विप्रा॑ वर्धन्ति॒ सुष्टु॑तम् । स नो॑ रास्व सु॒वीर्य॑म्
agne̍ ne̱mira̱rām̐ i̍va de̱vām̐stvaṃ pa̍ri̱bhūra̍si | ā rādha̍ści̱tramṛ̍ñjase
||6||अग्ने॑ ने॒मिर॒राँ इ॑व दे॒वाँस्त्वं प॑रि॒भूर॑सि । आ राध॑श्चि॒त्रमृ॑ञ्जसे