Study
- Anukramaṇī
- Source
5 pūrurātreyaḥ| agniḥ| anuṣṭup, 5 paṃktiḥ|
ā ya̱jñairde̍va̱ martya̍ i̱tthā tavyā̍ṃsamū̱taye̍ |
a̱gniṃ kṛ̱te sva̍dhva̱re pū̱rurī̍l̤ī̱tāva̍se
||1||आ य॒ज्ञैर्दे॑व॒ मर्त्य॑ इ॒त्था तव्यां॑समू॒तये॑ ।
अ॒ग्निं कृ॒ते स्व॑ध्व॒रे पू॒रुरी॑ळी॒ताव॑से
asya̱ hi svaya̍śastara ā̱sā vi̍dharma̱n manya̍se |
taṃ nāka̍ṃ ci̱traśo̍ciṣaṃ ma̱ndraṃ pa̱ro ma̍nī̱ṣayā̍
||2||अस्य॒ हि स्वय॑शस्तर आ॒सा वि॑धर्म॒न् मन्य॑से ।
तं नाकं॑ चि॒त्रशो॑चिषं म॒न्द्रं प॒रो म॑नी॒षया॑
a̱sya vāsā u̍ a̱rciṣā̱ ya āyu̍kta tu̱jā gi̱rā |
di̱vo na yasya̱ reta̍sā bṛ̱hacchoca̍ntya̱rcaya̍:
||3||अ॒स्य वासा उ॑ अ॒र्चिषा॒ य आयु॑क्त तु॒जा गि॒रा ।
दि॒वो न यस्य॒ रेत॑सा बृ॒हच्छोच॑न्त्य॒र्चय॑:
a̱sya kratvā̱ vice̍taso da̱smasya̱ vasu̱ ratha̱ ā |
adhā̱ viśvā̍su̱ havyo̱'gnirvi̱kṣu pra śa̍syate
||4||अ॒स्य क्रत्वा॒ विचे॑तसो द॒स्मस्य॒ वसु॒ रथ॒ आ ।
अधा॒ विश्वा॑सु॒ हव्यो॒ऽग्निर्वि॒क्षु प्र श॑स्यते
nū na̱ iddhi vārya̍mā̱sā sa̍canta sū̱raya̍: |
ūrjo̍ napāda̱bhiṣṭa̍ye pā̱hi śa̱gdhi sva̱staya̍ u̱taidhi̍ pṛ̱tsu no̍ vṛ̱dhe
||5||नू न॒ इद्धि वार्य॑मा॒सा स॑चन्त सू॒रय॑: ।
ऊर्जो॑ नपाद॒भिष्ट॑ये पा॒हि श॒ग्धि स्व॒स्तय॑ उ॒तैधि॑ पृ॒त्सु नो॑ वृ॒धे