Study
- Anukramaṇī
- Source
3 prajāvān prājāpatyaḥ| 1 yajamānaḥ, 2 yajamānapatnī, 3 hotrāśivaḥ| triṣṭup|
apa̍śyaṃ tvā̱ mana̍sā̱ ceki̍tāna̱ṃ tapa̍so jā̱taṃ tapa̍so̱ vibhū̍tam |
i̱ha pra̱jāmi̱ha ra̱yiṃ rarā̍ṇa̱: pra jā̍yasva pra̱jayā̍ putrakāma
||1||अप॑श्यं त्वा॒ मन॑सा॒ चेकि॑तानं॒ तप॑सो जा॒तं तप॑सो॒ विभू॑तम् ।
इ॒ह प्र॒जामि॒ह र॒यिं ररा॑ण॒: प्र जा॑यस्व प्र॒जया॑ पुत्रकाम
apa̍śyaṃ tvā̱ mana̍sā̱ dīdhyā̍nā̱ṃ svāyā̍ṃ ta̱nū ṛtvye̱ nādha̍mānām |
upa̱ māmu̱ccā yu̍va̱tirba̍bhūyā̱: pra jā̍yasva pra̱jayā̍ putrakāme
||2||अप॑श्यं त्वा॒ मन॑सा॒ दीध्या॑नां॒ स्वायां॑ त॒नू ऋत्व्ये॒ नाध॑मानाम् ।
उप॒ मामु॒च्चा यु॑व॒तिर्ब॑भूया॒: प्र जा॑यस्व प्र॒जया॑ पुत्रकामे
a̱haṃ garbha̍madadhā̱moṣa̍dhīṣva̱haṃ viśve̍ṣu̱ bhuva̍neṣva̱ntaḥ |
a̱haṃ pra̱jā a̍janayaṃ pṛthi̱vyāma̱haṃ jani̍bhyo apa̱rīṣu̍ pu̱trān
||3||अ॒हं गर्भ॑मदधा॒मोष॑धीष्व॒हं विश्वे॑षु॒ भुव॑नेष्व॒न्तः ।
अ॒हं प्र॒जा अ॑जनयं पृथि॒व्याम॒हं जनि॑भ्यो अप॒रीषु॑ पु॒त्रान्