Study
- Anukramaṇī
- Source
3 krameṇa- pratho vāsiṣṭhaḥ, sapratho bhāradvājaḥ, dharmaḥ sauryaḥ| viśvedevāḥ| triṣṭup|
pratha̍śca̱ yasya̍ sa̱pratha̍śca̱ nāmā''nu̍ṣṭubhasya ha̱viṣo̍ ha̱viryat |
dhā̱turdyutā̍nātsavi̱tuśca̱ viṣṇo̍ rathaṃta̱ramā ja̍bhārā̱ vasi̍ṣṭhaḥ
||1||प्रथ॑श्च॒ यस्य॑ स॒प्रथ॑श्च॒ नामाऽऽनु॑ष्टुभस्य ह॒विषो॑ ह॒विर्यत् ।
धा॒तुर्द्युता॑नात्सवि॒तुश्च॒ विष्णो॑ रथंत॒रमा ज॑भारा॒ वसि॑ष्ठः
avi̍nda̱nte ati̍hita̱ṃ yadāsī̍dya̱jñasya̱ dhāma̍ para̱maṃ guhā̱ yat |
dhā̱turdyutā̍nātsavi̱tuśca̱ viṣṇo̍rbha̱radvā̍jo bṛ̱hadā ca̍kre a̱gneḥ
||2||अवि॑न्द॒न्ते अति॑हितं॒ यदासी॑द्य॒ज्ञस्य॒ धाम॑ पर॒मं गुहा॒ यत् ।
धा॒तुर्द्युता॑नात्सवि॒तुश्च॒ विष्णो॑र्भ॒रद्वा॑जो बृ॒हदा च॑क्रे अ॒ग्नेः
te̍'vinda̱nmana̍sā̱ dīdhyā̍nā̱ yaju̍: ṣka̱nnaṃ pra̍tha̱maṃ de̍va̱yāna̍m |
dhā̱turdyutā̍nātsavi̱tuśca̱ viṣṇo̱rā sūryā̍dabharangha̱rmame̱te
||3||ते॑ऽविन्द॒न्मन॑सा॒ दीध्या॑ना॒ यजु॑: ष्क॒न्नं प्र॑थ॒मं दे॑व॒यान॑म् ।
धा॒तुर्द्युता॑नात्सवि॒तुश्च॒ विष्णो॒रा सूर्या॑दभरन्घ॒र्ममे॒ते