Study
- Anukramaṇī
- Source
3 suhastyo ghauṣeyaḥ| aśvinau| jagatī|
sa̱mā̱namu̱ tyaṃ pu̍ruhū̱tamu̱kthyaṃ1 ratha̍ṃ trica̱kraṃ sava̍nā̱ gani̍gmatam |
pari̍jmānaṃ vida̱thya̍ṃ suvṛ̱ktibhi̍rva̱yaṃ vyu̍ṣṭā u̱ṣaso̍ havāmahe
||1||स॒मा॒नमु॒ त्यं पु॑रुहू॒तमु॒क्थ्यं१ रथं॑ त्रिच॒क्रं सव॑ना॒ गनि॑ग्मतम् ।
परि॑ज्मानं विद॒थ्यं॑ सुवृ॒क्तिभि॑र्व॒यं व्यु॑ष्टा उ॒षसो॑ हवामहे
prā̱ta̱ryuja̍ṃ nāsa̱tyādhi̍ tiṣṭhathaḥ prāta̱ryāvā̍ṇaṃ madhu̱vāha̍na̱ṃ ratha̍m |
viśo̱ yena̱ gaccha̍tho̱ yajva̍rīrnarā kī̱reści̍dya̱jñaṃ hotṛ̍mantamaśvinā
||2||प्रा॒त॒र्युजं॑ नास॒त्याधि॑ तिष्ठथः प्रात॒र्यावा॑णं मधु॒वाह॑नं॒ रथ॑म् ।
विशो॒ येन॒ गच्छ॑थो॒ यज्व॑रीर्नरा की॒रेश्चि॑द्य॒ज्ञं होतृ॑मन्तमश्विना
a̱dhva̱ryuṃ vā̱ madhu̍pāṇiṃ su̱hastya̍ma̱gnidha̍ṃ vā dhṛ̱tada̍kṣa̱ṃ damū̍nasam |
vipra̍sya vā̱ yatsava̍nāni̱ gaccha̱tho'ta̱ ā yā̍taṃ madhu̱peya̍maśvinā
||3||अ॒ध्व॒र्युं वा॒ मधु॑पाणिं सु॒हस्त्य॑म॒ग्निधं॑ वा धृ॒तद॑क्षं॒ दमू॑नसम् ।
विप्र॑स्य वा॒ यत्सव॑नानि॒ गच्छ॒थोऽत॒ आ या॑तं मधु॒पेय॑मश्विना