Study
- Anukramaṇī
- Source
5 āṅgirhavirdhānaḥ| vivasvānādityo vā| havirdhāne| triṣṭup, 5 jagatī|
yu̱je vā̱ṃ brahma̍ pū̱rvyaṃ namo̍bhi̱rvi śloka̍ etu pa̱thye̍va sū̱reḥ |
śṛ̱ṇvantu̱ viśve̍ a̱mṛta̍sya pu̱trā ā ye dhāmā̍ni di̱vyāni̍ ta̱sthuḥ
||1||यु॒जे वां॒ ब्रह्म॑ पू॒र्व्यं नमो॑भि॒र्वि श्लोक॑ एतु प॒थ्ये॑व सू॒रेः ।
शृ॒ण्वन्तु॒ विश्वे॑ अ॒मृत॑स्य पु॒त्रा आ ये धामा॑नि दि॒व्यानि॑ त॒स्थुः
ya̱me i̍va̱ yata̍māne̱ yadaita̱ṃ pra vā̍ṃ bhara̱nmānu̍ṣā deva̱yanta̍: |
ā sī̍data̱ṃ svamu̍ lo̱kaṃ vidā̍ne svāsa̱sthe bha̍vata̱minda̍ve naḥ
||2||य॒मे इ॑व॒ यत॑माने॒ यदैतं॒ प्र वां॑ भर॒न्मानु॑षा देव॒यन्त॑: ।
आ सी॑दतं॒ स्वमु॑ लो॒कं विदा॑ने स्वास॒स्थे भ॑वत॒मिन्द॑वे नः
pañca̍ pa̱dāni̍ ru̱po anva̍roha̱ṃ catu̍ṣpadī̱manve̍mi vra̱tena̍ |
a̱kṣare̍ṇa̱ prati̍ mima e̱tāmṛ̱tasya̱ nābhā̱vadhi̱ saṃ pu̍nāmi
||3||पञ्च॑ प॒दानि॑ रु॒पो अन्व॑रोहं॒ चतु॑ष्पदी॒मन्वे॑मि व्र॒तेन॑ ।
अ॒क्षरे॑ण॒ प्रति॑ मिम ए॒तामृ॒तस्य॒ नाभा॒वधि॒ सं पु॑नामि
de̱vebhya̱: kama̍vṛṇīta mṛ̱tyuṃ pra̱jāyai̱ kama̱mṛta̱ṃ nāvṛ̍ṇīta |
bṛha̱spati̍ṃ ya̱jñama̍kṛṇvata̱ ṛṣi̍ṃ pri̱yāṃ ya̱masta̱nvaṃ1 prāri̍recīt
||4||दे॒वेभ्य॒: कम॑वृणीत मृ॒त्युं प्र॒जायै॒ कम॒मृतं॒ नावृ॑णीत ।
बृह॒स्पतिं॑ य॒ज्ञम॑कृण्वत॒ ऋषिं॑ प्रि॒यां य॒मस्त॒न्वं१ प्रारि॑रेचीत्
sa̱pta kṣa̍ranti̱ śiśa̍ve ma̱rutva̍te pi̱tre pu̱trāso̱ apya̍vīvatannṛ̱tam |
u̱bhe ida̍syo̱bhaya̍sya rājata u̱bhe ya̍tete u̱bhaya̍sya puṣyataḥ
||5||स॒प्त क्ष॑रन्ति॒ शिश॑वे म॒रुत्व॑ते पि॒त्रे पु॒त्रासो॒ अप्य॑वीवतन्नृ॒तम् ।
उ॒भे इद॑स्यो॒भय॑स्य राजत उ॒भे य॑तेते उ॒भय॑स्य पुष्यतः