Study
- Anukramaṇī
- Source
4 vāmadevo gautamaḥ| indravāyū, 1 vāyuḥ| anuṣṭup |
vāyo̍ śu̱kro a̍yāmi te̱ madhvo̱ agra̱ṃ divi̍ṣṭiṣu |
ā yā̍hi̱ soma̍pītaye spā̱rho de̍va ni̱yutva̍tā
||1||वायो॑ शु॒क्रो अ॑यामि ते॒ मध्वो॒ अग्रं॒ दिवि॑ष्टिषु ।
आ या॑हि॒ सोम॑पीतये स्पा॒र्हो दे॑व नि॒युत्व॑ता
indra̍śca vāyaveṣā̱ṃ somā̍nāṃ pī̱tima̍rhathaḥ |
yu̱vāṃ hi yantīnda̍vo ni̱mnamāpo̱ na sa̱dhrya̍k
||2||इन्द्र॑श्च वायवेषां॒ सोमा॑नां पी॒तिम॑र्हथः ।
यु॒वां हि यन्तीन्द॑वो नि॒म्नमापो॒ न स॒ध्र्य॑क्
vāya̱vindra̍śca śu̱ṣmiṇā̍ sa̱ratha̍ṃ śavasaspatī |
ni̱yutva̍ntā na ū̱taya̱ ā yā̍ta̱ṃ soma̍pītaye
||3||वाय॒विन्द्र॑श्च शु॒ष्मिणा॑ स॒रथं॑ शवसस्पती ।
नि॒युत्व॑न्ता न ऊ॒तय॒ आ या॑तं॒ सोम॑पीतये
yā vā̱ṃ santi̍ puru̱spṛho̍ ni̱yuto̍ dā̱śuṣe̍ narā |
a̱sme tā ya̍jñavāha̱sendra̍vāyū̱ ni ya̍cchatam
||4||या वां॒ सन्ति॑ पुरु॒स्पृहो॑ नि॒युतो॑ दा॒शुषे॑ नरा ।
अ॒स्मे ता य॑ज्ञवाह॒सेन्द्र॑वायू॒ नि य॑च्छतम्