अध्ययनम्
- अनुक्रमणिका
- मूलम्
५ भौमोऽत्रिः। इन्द्रः। अनुष्टुप्।
उ॒रोष्ट॑ इन्द्र॒ राध॑सो वि॒भ्वी रा॒तिः श॑तक्रतो ।
अधा॑ नो विश्वचर्षणे द्यु॒म्ना सु॑क्षत्र मंहय
॥१॥u̱roṣṭa̍ indra̱ rādha̍so vi̱bhvī rā̱tiḥ śa̍takrato |
adhā̍ no viśvacarṣaṇe dyu̱mnā su̍kṣatra maṃhaya
यदी॑मिन्द्र श्र॒वाय्य॒मिषं॑ शविष्ठ दधि॒षे ।
प॒प्र॒थे दी॑र्घ॒श्रुत्त॑मं॒ हिर॑ण्यवर्ण दु॒ष्टर॑म्
॥२॥yadī̍mindra śra̱vāyya̱miṣa̍ṃ śaviṣṭha dadhi̱ṣe |
pa̱pra̱the dī̍rgha̱śrutta̍ma̱ṃ hira̍ṇyavarṇa du̱ṣṭara̍m
शुष्मा॑सो॒ ये ते॑ अद्रिवो मे॒हना॑ केत॒साप॑: ।
उ॒भा दे॒वाव॒भिष्ट॑ये दि॒वश्च॒ ग्मश्च॑ राजथः
॥३॥śuṣmā̍so̱ ye te̍ adrivo me̱hanā̍ keta̱sāpa̍: |
u̱bhā de̱vāva̱bhiṣṭa̍ye di̱vaśca̱ gmaśca̍ rājathaḥ
उ॒तो नो॑ अ॒स्य कस्य॑ चि॒द् दक्ष॑स्य॒ तव॑ वृत्रहन् ।
अ॒स्मभ्यं॑ नृ॒म्णमा भ॑रा॒ऽस्मभ्यं॑ नृमणस्यसे
॥४॥u̱to no̍ a̱sya kasya̍ ci̱d dakṣa̍sya̱ tava̍ vṛtrahan |
a̱smabhya̍ṃ nṛ̱mṇamā bha̍rā̱'smabhya̍ṃ nṛmaṇasyase
नू त॑ आ॒भिर॒भिष्टि॑भि॒स्तव॒ शर्म॑ञ्छतक्रतो ।
इन्द्र॒ स्याम॑ सुगो॒पाः शूर॒ स्याम॑ सुगो॒पाः
॥५॥nū ta̍ ā̱bhira̱bhiṣṭi̍bhi̱stava̱ śarma̍ñchatakrato |
indra̱ syāma̍ sugo̱pāḥ śūra̱ syāma̍ sugo̱pāḥ