yogeśvaramāhātmyavarṇanam
īśvara uvāca
tato gacchenmahādevi yogeśvaramiti śrutam ||
kāmeśādvāyave bhāge dhanuṣāṃ saptake sthitam
||1||ततो गच्छेन्महादेवि योगेश्वरमिति श्रुतम् ॥
कामेशाद्वायवे भागे धनुषां सप्तके स्थितम्
liṃgaṃ mahāprabhāvaṃ hi darśanātpāpanāśanam ||
pūrve yuge tu saṃkhyātaṃ gaṇeśvaramiti śrutam
||2||लिंगं महाप्रभावं हि दर्शनात्पापनाशनम् ॥
पूर्वे युगे तु संख्यातं गणेश्वरमिति श्रुतम्
purā mama gaṇā devi asaṃkhyātā mahāvalāḥ ||
kṣetraṃ māheśvaraṃ jñātvā prabhāsaṃ samupāgaman
||3||पुरा मम गणा देवि असंख्याता महावलाः ॥
क्षेत्रं माहेश्वरं ज्ञात्वा प्रभासं समुपागमन्
tatrasthāśca tapo ghoraṃ tepuste yogamāśritāḥ ||
divyābdānāṃ sahasraṃ tu tatastuṣṭo maheśvaraḥ
||4||तत्रस्थाश्च तपो घोरं तेपुस्ते योगमाश्रिताः ॥
दिव्याब्दानां सहस्रं तु ततस्तुष्टो महेश्वरः
sālokyāṃ ca dadau muktiṃ teṣāṃ yogabalena 3 ||
yasmā tṣaḍaṃgayogena teṣāṃ tuṣṭo vṛṣadhvajaḥ ||
tena yogeśvaraṃ nāma liṃgaṃ yogaphalapradam
||5||सालोक्यां च ददौ मुक्तिं तेषां योगबलेन ३ ॥
यस्मा त्षडंगयोगेन तेषां तुष्टो वृषध्वजः ॥
तेन योगेश्वरं नाम लिंगं योगफलप्रदम्
yastamarcayate bhaktyā samyakpūjāvidhānataḥ ||
sa yogasiddhimāpnoti modate divi devavat
||6||यस्तमर्चयते भक्त्या सम्यक्पूजाविधानतः ॥
स योगसिद्धिमाप्नोति मोदते दिवि देववत्
yo dadyātkāṃcanaṃ meruṃ kṛtsnāṃ caiva vasundharām ||
yogeśaṃ pūjayedyastu sa tayoradhikaḥ smṛtaḥ
||7||यो दद्यात्कांचनं मेरुं कृत्स्नां चैव वसुन्धराम् ॥
योगेशं पूजयेद्यस्तु स तयोरधिकः स्मृतः
vṛṣabhastatra dātavyaḥ saṃpūrṇaphalahetave ||
evamekādaśa proktā rudrāḥ prābhāsamāśritāḥ ||
nityaṃ pūjyāśca vaṃdyāśca kṣetrasya phalamīpsubhiḥ
||8||वृषभस्तत्र दातव्यः संपूर्णफलहेतवे ॥
एवमेकादश प्रोक्ता रुद्राः प्राभासमाश्रिताः ॥
नित्यं पूज्याश्च वंद्याश्च क्षेत्रस्य फलमीप्सुभिः
ya etāṃ caiva śṛṇuyādrudraikādaśasaṃhitām ||
tasya kṣetraphalaṃ sarvaṃ prabhāsāṃtaravāsinaḥ
||9||य एतां चैव शृणुयाद्रुद्रैकादशसंहिताम् ॥
तस्य क्षेत्रफलं सर्वं प्रभासांतरवासिनः
yaścaitānnaiva jānāti rudrānprābhāsamāśritān ||
sa kṣetramadhyasaṃstho'pi nāstyeva sa paśuḥ smṛtaḥ
||10||यश्चैतान्नैव जानाति रुद्रान्प्राभासमाश्रितान् ॥
स क्षेत्रमध्यसंस्थोऽपि नास्त्येव स पशुः स्मृतः
eteṣāṃ caiva rudrāṇāṃ sarvānvāpyekameva vā ||
someśvaraṃ pūjayitvā japedvai śatarudriyam ||
sarveṣāṃ labhate puṇyaṃ rudrāṇāṃ nātra saṃśayaḥ
||11||एतेषां चैव रुद्राणां सर्वान्वाप्येकमेव वा ॥
सोमेश्वरं पूजयित्वा जपेद्वै शतरुद्रियम् ॥
सर्वेषां लभते पुण्यं रुद्राणां नात्र संशयः
idaṃ rahasyaṃ saṃkhyātaṃ māhātmyaṃ tava bhāmini ||
rudrāṇāṃ pāpaśamanaṃ śrutaṃ puṇyavivarddhanam
||12||इदं रहस्यं संख्यातं माहात्म्यं तव भामिनि ॥
रुद्राणां पापशमनं श्रुतं पुण्यविवर्द्धनम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye yogeśvaramāhātmyavarṇanaṃnāma saptanavatitamo'dhyāyaḥ || 97 ||