tato gacchenmahādevi sāgarādityamuttamam
īśvara uvāca
tato gacchenmahādevi sāgarādityamuttamam ||
bhairaveśātpaścimato rudrānmṛtyuñjayāttathā
||1||ततो गच्छेन्महादेवि सागरादित्यमुत्तमम् ॥
भैरवेशात्पश्चिमतो रुद्रान्मृत्युञ्जयात्तथा
kāmeśāddakṣiṇāgneye nātidūre vyavasthitam ||
sarva rogapraśamanaṃ dāridryaughavighātakam ||
pratiṣṭhitaṃ mahādevi sagareṇa mahātmanā
||2||कामेशाद्दक्षिणाग्नेये नातिदूरे व्यवस्थितम् ॥
सर्व रोगप्रशमनं दारिद्र्यौघविघातकम् ॥
प्रतिष्ठितं महादेवि सगरेण महात्मना
ṣaṣṭiputrasahasrāṇi yaḥ prāpārātisūdanaḥ ||
sūryaṃ tatra samārādhya sagaraḥ pṛthivīpatiḥ
||3||षष्टिपुत्रसहस्राणि यः प्रापारातिसूदनः ॥
सूर्यं तत्र समाराध्य सगरः पृथिवीपतिः
ya eṣa sāgaro devi yojanāyatavistaraḥ ||
āyato'śītisāhasraṃ yojanānāṃ prakīrtitaḥ
||4||य एष सागरो देवि योजनायतविस्तरः ॥
आयतोऽशीतिसाहस्रं योजनानां प्रकीर्तितः
asminmanvantare kṣiptaḥ sāgaraiśca caturdiśam ||
tasyedaṃ kīrtitaṃ devi nāma sāgarasaṃjñitam
||5||अस्मिन्मन्वन्तरे क्षिप्तः सागरैश्च चतुर्दिशम् ॥
तस्येदं कीर्तितं देवि नाम सागरसंज्ञितम्
yasyādyāpīha gāyanti purāṇe prathitaṃ yaśaḥ ||
tenāyaṃ sthāpito devo bhāskaro vāritaskaraḥ
||6||यस्याद्यापीह गायन्ति पुराणे प्रथितं यशः ॥
तेनायं स्थापितो देवो भास्करो वारितस्करः
taṃ dṛṣṭvā na jaḍo nāndho na daridro na duḥkhitaḥ ||
na caiveṣṭaviyogī syānna rogī naiva pāpakṛt
||7||तं दृष्ट्वा न जडो नान्धो न दरिद्रो न दुःखितः ॥
न चैवेष्टवियोगी स्यान्न रोगी नैव पापकृत्
māghe māsi mahādevi site pakṣe jitendriyaḥ ||
ṣaṣṭhyāmupoṣito bhūtvā rātrau tasyāgrataḥ svapet
||8||माघे मासि महादेवि सिते पक्षे जितेन्द्रियः ॥
षष्ठ्यामुपोषितो भूत्वा रात्रौ तस्याग्रतः स्वपेत्
vibuddhastvatha saptamyāṃ bhaktyā bhānuṃ samarcayet ||
brāhmaṇānbhojayedbhaktyā vittaśāṭhyaṃ vivarjayet
||9||विबुद्धस्त्वथ सप्तम्यां भक्त्या भानुं समर्चयेत् ॥
ब्राह्मणान्भोजयेद्भक्त्या वित्तशाठ्यं विवर्जयेत्
sutapteneha tapasā yajñairvā bahudakṣiṇaiḥ ||
tāṃ gatiṃ na narā yānti yāṃ gatāḥ sūryamāśritāḥ
||10||सुतप्तेनेह तपसा यज्ञैर्वा बहुदक्षिणैः ॥
तां गतिं न नरा यान्ति यां गताः सूर्यमाश्रिताः
bhaktyā tu puruṣaiḥ pūjā kṛtā dūrvāṃkurairapi ||
bhānurdadāti hi phalaṃ sarvayajñaiḥ sudurlabham
||11||भक्त्या तु पुरुषैः पूजा कृता दूर्वांकुरैरपि ॥
भानुर्ददाति हि फलं सर्वयज्ञैः सुदुर्लभम्
tasmātsarvaprayatnena sūryamevābhipūjayet ||
janakādayo yathā siddhiṃ gatā bhānuṃ prapūjya ca
||12||तस्मात्सर्वप्रयत्नेन सूर्यमेवाभिपूजयेत् ॥
जनकादयो यथा सिद्धिं गता भानुं प्रपूज्य च
sarvātmā sarvalokeśo devadevaḥ prajāpatiḥ ||
sūrya eva trilokasya mūlaṃ paramadaivatam
||13||सर्वात्मा सर्वलोकेशो देवदेवः प्रजापतिः ॥
सूर्य एव त्रिलोकस्य मूलं परमदैवतम्
vasante kapilaḥ sūryo grīṣme kāñcanasaprabhaḥ ||
śvetavarṇaśca varṣāsu pāṃḍuḥ śaradi bhāskaraḥ
||14||वसन्ते कपिलः सूर्यो ग्रीष्मे काञ्चनसप्रभः ॥
श्वेतवर्णश्च वर्षासु पांडुः शरदि भास्करः
hemante tāmravarṇastu śiśire lohito raviḥ ||
evaṃ varṇaviśeṣeṇa dhyāyetsūryaṃ yathākramam
||15||हेमन्ते ताम्रवर्णस्तु शिशिरे लोहितो रविः ॥
एवं वर्णविशेषेण ध्यायेत्सूर्यं यथाक्रमम्
pūjayitvā vidhānena yatātmā saṃyatendriyaḥ ||
paṭhennāmasahasraṃ tu sarvapātakanāśanam
||16||पूजयित्वा विधानेन यतात्मा संयतेन्द्रियः ॥
पठेन्नामसहस्रं तु सर्वपातकनाशनम्
devyuvāca
nāmnāṃ sahasraṃ me brūhi prasādāñchaṃkara prabho ||
tulyaṃ nāmasahasrasya kimapyanyatprakīrtaya
||17||नाम्नां सहस्रं मे ब्रूहि प्रसादाञ्छंकर प्रभो ॥
तुल्यं नामसहस्रस्य किमप्यन्यत्प्रकीर्तय
īśvara uvāca
alaṃ nāmasahasreṇa paṭhasvaivaṃ śubhaṃ stavam ||
yāni guhyāni nāmāni pavitrāṇi śubhāni ca ||
tāni te kīrtayiṣyāmi prayatnādavadhāraya
||18||अलं नामसहस्रेण पठस्वैवं शुभं स्तवम् ॥
यानि गुह्यानि नामानि पवित्राणि शुभानि च ॥
तानि ते कीर्तयिष्यामि प्रयत्नादवधारय
vikartano vivasvāṃśca mārtaṇḍo bhāskaro raviḥ ||
lokaprakāśakaḥ śrīmām̐llokacakṣurgraheśvaraḥ
||19||विकर्तनो विवस्वांश्च मार्तण्डो भास्करो रविः ॥
लोकप्रकाशकः श्रीमाँल्लोकचक्षुर्ग्रहेश्वरः
lokasākṣī trilokeśaḥ karttā harttā tamisrahā ||
tapanastāpanaścaiva śuciḥ saptāśvavāhanaḥ
||20||लोकसाक्षी त्रिलोकेशः कर्त्ता हर्त्ता तमिस्रहा ॥
तपनस्तापनश्चैव शुचिः सप्ताश्ववाहनः
gabhastihasto brahmā ca sarvadevanamaskṛtaḥ ||
ekaviṃśatirityeṣa stava iṣṭo mahātmanaḥ
||21||गभस्तिहस्तो ब्रह्मा च सर्वदेवनमस्कृतः ॥
एकविंशतिरित्येष स्तव इष्टो महात्मनः
śarīrārogyadaścaiva dhanavṛddhiyaśaskaraḥ ||
stavarāja iti khyātastriṣu lokeṣu viśrutaḥ
||22||शरीरारोग्यदश्चैव धनवृद्धियशस्करः ॥
स्तवराज इति ख्यातस्त्रिषु लोकेषु विश्रुतः
yaścānena mahādevi dve saṃdhye'stamanodaye ||
stautyarkaṃ prayato bhūtvā sarvapāpaiḥ pramucyate ||
sarvakāmasamṛddhātmā sūryalokaṃ sa gacchati
||23||यश्चानेन महादेवि द्वे संध्येऽस्तमनोदये ॥
स्तौत्यर्कं प्रयतो भूत्वा सर्वपापैः प्रमुच्यते ॥
सर्वकामसमृद्धात्मा सूर्यलोकं स गच्छति
ityevaṃ kathitaṃ devi māhātmyaṃ sāgarārkajam ||
śrutaṃ duḥkhaughaśamanaṃ mahāpātakanāśanam
||24||इत्येवं कथितं देवि माहात्म्यं सागरार्कजम् ॥
श्रुतं दुःखौघशमनं महापातकनाशनम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye sāgarādityamāhātmyavarṇanaṃnāmāṣṭāviṃśatyuttaraśatatamo'dhyāyaḥ || 128 ||