tato gacchenmahādevi liṃgaṃ tatraiva saṃsthitam
tato gacchenmahādevi liṃgaṃ tatraiva saṃsthitam ||
dakṣiṇe varuṇeśasya dhanuṣāṃ tritaye sthitam
||1||ततो गच्छेन्महादेवि लिंगं तत्रैव संस्थितम् ॥
दक्षिणे वरुणेशस्य धनुषां त्रितये स्थितम्
bhāryayā varuṇasyaiva uṣā nāmnyā varānane ||
kṛtvā tapo mahāghoraṃ bhartṛduḥkhaparītayā
||2||भार्यया वरुणस्यैव उषा नाम्न्या वरानने ॥
कृत्वा तपो महाघोरं भर्तृदुःखपरीतया
sthāpitaṃ tu mahalliṃgaṃ sarvasiddhipradāyakam ||
uṣeśvareti vikhyātaṃ sarvasiddhiprapūjitam
||3||स्थापितं तु महल्लिंगं सर्वसिद्धिप्रदायकम् ॥
उषेश्वरेति विख्यातं सर्वसिद्धिप्रपूजितम्
yastatpūjayate bhaktyā liṃgaṃ pāpapraṇāśanam ||
mahāpāpaughayukto'pi sa gacchetparamāṃ gatim
||4||यस्तत्पूजयते भक्त्या लिंगं पापप्रणाशनम् ॥
महापापौघयुक्तोऽपि स गच्छेत्परमां गतिम्
strīṇāṃ saubhāgyaphaladaṃ duḥkhadaurbhāgyanā śanam
||5||स्त्रीणां सौभाग्यफलदं दुःखदौर्भाग्यना शनम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya uṣeśvaramāhātmyavarṇanaṃ nāmaikasaptatitamo'dhyāyaḥ || 71 ||