koṭīśvaramāhātmyavarṇanam
īśvara uvāca
tato gacchenmahādevi koṭīśvaramanuttamam ||
tasmāduttarato devi koṭīśamiti viśrutam
||1||ततो गच्छेन्महादेवि कोटीश्वरमनुत्तमम् ॥
तस्मादुत्तरतो देवि कोटीशमिति विश्रुतम्
pāpaghnaṃ sarvajaṃtūnāṃ paśupāśavimokṣadam ||
purā pāśupatā devi kapāleśvarasaṃnidhau
||2||पापघ्नं सर्वजंतूनां पशुपाशविमोक्षदम् ॥
पुरा पाशुपता देवि कपालेश्वरसंनिधौ
tapaḥ kurvaṃti vipulaṃ bhasmoddhūlitavigrahāḥ ||
jaṭāmukuṭasaṃyuktā muṃjamekhaladhāriṇaḥ
||3||तपः कुर्वंति विपुलं भस्मोद्धूलितविग्रहाः ॥
जटामुकुटसंयुक्ता मुंजमेखलधारिणः
śāṃtāḥ sarve jitakrodhā brāhmaṇāḥ śivayoginaḥ ||
tapaḥ kurvaṃti tatrasthā vyāpya kṣetraṃ caturddiśam
||4||शांताः सर्वे जितक्रोधा ब्राह्मणाः शिवयोगिनः ॥
तपः कुर्वंति तत्रस्था व्याप्य क्षेत्रं चतुर्द्दिशम्
koṭisaṃkhyā mahādevi mantrajāpyaparāyaṇāḥ ||
samyaksaṃsthāpya te liṃgaṃ kapāleśasamīpagam
||5||कोटिसंख्या महादेवि मन्त्रजाप्यपरायणाः ॥
सम्यक्संस्थाप्य ते लिंगं कपालेशसमीपगम्
tataste pūjayāṃcakrustalliṃgaṃ bhaktisaṃyutāḥ ||
tatastuṣṭo mahādevo muktiṃ teṣāṃ dadau haraḥ
||6||ततस्ते पूजयांचक्रुस्तल्लिंगं भक्तिसंयुताः ॥
ततस्तुष्टो महादेवो मुक्तिं तेषां ददौ हरः
ṛṣayaḥ koṭisaṃkhyātāstasminsiddhā yataḥ priye ||
tena koṭīśvaraṃ liṃgaṃ nāmnā khyātaṃ dharātale
||7||ऋषयः कोटिसंख्यातास्तस्मिन्सिद्धा यतः प्रिये ॥
तेन कोटीश्वरं लिंगं नाम्ना ख्यातं धरातले
yastaṃ pūjayate bhaktyā koṭīśvaramanāmayam ||
sa koṭimantrajāpyasya phalaṃ prāpsyati mānavaḥ
||8||यस्तं पूजयते भक्त्या कोटीश्वरमनामयम् ॥
स कोटिमन्त्रजाप्यस्य फलं प्राप्स्यति मानवः
hiraṇyaṃ tatra dātavyaṃ brāhmaṇe vedapārage ||
koṭihomaphalaṃ tasya samyagyātrāphalaṃ bhavet
||9||हिरण्यं तत्र दातव्यं ब्राह्मणे वेदपारगे ॥
कोटिहोमफलं तस्य सम्यग्यात्राफलं भवेत्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye koṭīśvaramāhātmyavarṇanaṃnāma caturadhika śatatamo'dhyāyaḥ || 104 ||