gautameśvaramāhātmyavarṇanam
īśvara uvāca
mārkaṇḍeśvarato devi uttare liṃgamuttamam ||
dhanuṣāṃ pañcadaśabhirgautameśvaranāmakam
||1||मार्कण्डेश्वरतो देवि उत्तरे लिंगमुत्तमम् ॥
धनुषां पञ्चदशभिर्गौतमेश्वरनामकम्
guruṃ hatvā purā devi gautamaḥ pāpaduḥkhitaḥ ||
tatra liṃgaṃ pratiṣṭhāpya tasmātpāpādvyamucyata
||2||गुरुं हत्वा पुरा देवि गौतमः पापदुःखितः ॥
तत्र लिंगं प्रतिष्ठाप्य तस्मात्पापाद्व्यमुच्यत
yastatra kapilāṃ dadyātsnātvā nadyāṃ vidhānataḥ ||
saṃpūjya vidhivalliṃgaṃ mucyate pañcapātakaiḥ
||3||यस्तत्र कपिलां दद्यात्स्नात्वा नद्यां विधानतः ॥
संपूज्य विधिवल्लिंगं मुच्यते पञ्चपातकैः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmye gautameśvaramāhātmyavarṇanaṃnāma ṣoḍaśottaradviśatatamo'dhyāyaḥ || 216 ||