tato gacchedvarārohe kapālīśvaramuttamam
īśvara uvāca
tato gacchedvarārohe kapālīśvaramuttamam ||
rudraṃ tṛtīyaṃ pāpaghnaṃ nīlarudrasyapūrvataḥ
||1||ततो गच्छेद्वरारोहे कपालीश्वरमुत्तमम् ॥
रुद्रं तृतीयं पापघ्नं नीलरुद्रस्यपूर्वतः
budheśvarātpaścimato dhanuṣāṃ saptake sthitam ||
chinnaṃ mayā purā devi brahmaṇaḥ paṃcamaṃ śiraḥ
||2||बुधेश्वरात्पश्चिमतो धनुषां सप्तके स्थितम् ॥
छिन्नं मया पुरा देवि ब्रह्मणः पंचमं शिरः
tatkapālaṃ kare lagnaṃ prabhāsakṣetramāgataḥ ||
tato varṣasahasraṃ tu saṃsthitaḥ kṣetramadhyataḥ
||3||तत्कपालं करे लग्नं प्रभासक्षेत्रमागतः ॥
ततो वर्षसहस्रं तु संस्थितः क्षेत्रमध्यतः
kapāladhārī digvāsāḥ kapālī tena ca smṛtaḥ ||
tanmayā pūjitaṃ liṃgaṃ varṣāṇāmayutaṃ priye
||4||कपालधारी दिग्वासाः कपाली तेन च स्मृतः ॥
तन्मया पूजितं लिंगं वर्षाणामयुतं प्रिये
kapālirūpamāsthāya kapālīśastataḥ smṛtaḥ ||
sarvapāpaharo nṛṇāṃ darśanātsparśanādapi
||5||कपालिरूपमास्थाय कपालीशस्ततः स्मृतः ॥
सर्वपापहरो नृणां दर्शनात्स्पर्शनादपि
mayā tatra niyuktā vai rakṣārthaṃ śūlapāṇayaḥ ||
gaṇāḥ sahasraśo devi pāpināṃ duṣṭacetasām
||6||मया तत्र नियुक्ता वै रक्षार्थं शूलपाणयः ॥
गणाः सहस्रशो देवि पापिनां दुष्टचेतसाम्
tasmātsarvaprayatnena samyakchraddhāsamanvitaḥ ||
pūjayettaṃ mahādevaṃ kapālinamanāmayam
||7||तस्मात्सर्वप्रयत्नेन सम्यक्छ्रद्धासमन्वितः ॥
पूजयेत्तं महादेवं कपालिनमनामयम्
hiraṇyaṃ tatra dātavyaṃ brāhmaṇe vedapārage ||
pūjayitvā vidhānena samyaktatpuruṣāṇunā
||8||हिरण्यं तत्र दातव्यं ब्राह्मणे वेदपारगे ॥
पूजयित्वा विधानेन सम्यक्तत्पुरुषाणुना
janmaprabhṛti yatpāpaṃ prāṇibhiḥ samupārjitam ||
ṣaḍaśītimukhe dṛṣṭvā talliṃgaṃ tu vyapohati
||9||जन्मप्रभृति यत्पापं प्राणिभिः समुपार्जितम् ॥
षडशीतिमुखे दृष्ट्वा तल्लिंगं तु व्यपोहति
iti saṃkṣepataḥ proktaṃ māhātmyaṃ pāpanāśanam ||
kapālirudradevasya tṛtīyasya varānane
||10||इति संक्षेपतः प्रोक्तं माहात्म्यं पापनाशनम् ॥
कपालिरुद्रदेवस्य तृतीयस्य वरानने
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetramāhātmya ekādaśarudramāhātmye kapā līśvaramāhātmyavarṇanaṃnāmaikonanavatitamo'dhyāyaḥ || 89 ||