jalavāsagaṇapatimāhātmyavarṇanam
īśvara uvāca
tatraiva saṃsthitaṃ paśyedvighneśaṃ jalavāsasam ||
sarvavighnavināśāya sarvakāryaprasiddhaye
||1||तत्रैव संस्थितं पश्येद्विघ्नेशं जलवाससम् ॥
सर्वविघ्नविनाशाय सर्वकार्यप्रसिद्धये
varuṇena mahādevi taponirvighnahetave ||
pūjito jalajairbhaktyā jalavāsāstataḥ smṛtaḥ
||2||वरुणेन महादेवि तपोनिर्विघ्नहेतवे ॥
पूजितो जलजैर्भक्त्या जलवासास्ततः स्मृतः
caturthyāṃ tarpayedbhaktyā gandhaiḥ puṣpaiḥ sa modakaiḥ ||
yathābhaktyanusāreṇa tasya tuṣyedgaṇādhipaḥ
||3||चतुर्थ्यां तर्पयेद्भक्त्या गन्धैः पुष्पैः स मोदकैः ॥
यथाभक्त्यनुसारेण तस्य तुष्येद्गणाधिपः
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye jalavāsagaṇapatimāhātmyavarṇanaṃnāma dvisaptatitamo'dhyāyaḥ || 72 ||