gandharveśvaramāhātmyavarṇanam
īśvara uvāca
tato gacchenmahādevi gaṃdharveśvaramuttamam ||
daṇḍapāṇestu bhavanāduttare nikaṭe sthitam
||1||ततो गच्छेन्महादेवि गंधर्वेश्वरमुत्तमम् ॥
दण्डपाणेस्तु भवनादुत्तरे निकटे स्थितम्
yatra gaṃdharvarājo vai ghanavāheti viśrutaḥ ||
tasya gaṃdharvaseneti khyātā putrī mahāprabhā
||2||यत्र गंधर्वराजो वै घनवाहेति विश्रुतः ॥
तस्य गंधर्वसेनेति ख्याता पुत्री महाप्रभा
śikhaṃḍinā gaṇenaiva sā śaptā rūpagarvitā ||
tato gośṛṃgaṛṣiṇā dattastasyā anugrahaḥ
||3||शिखंडिना गणेनैव सा शप्ता रूपगर्विता ॥
ततो गोशृंगऋषिणा दत्तस्तस्या अनुग्रहः
somavāravratenaiva someśārādhanaṃ prati ||
tataḥ kṣetraṃ samāgatya tapaḥ kṛtvā suduścaram
||4||सोमवारव्रतेनैव सोमेशाराधनं प्रति ॥
ततः क्षेत्रं समागत्य तपः कृत्वा सुदुश्चरम्
liṃgaṃ pratiṣṭhayāmāsa tatra gaṃdharvarāṭ svayam ||
tathaiva putryā tasyaiva tatra liṃgaṃ pratiṣṭhitam
||5||लिंगं प्रतिष्ठयामास तत्र गंधर्वराट् स्वयम् ॥
तथैव पुत्र्या तस्यैव तत्र लिंगं प्रतिष्ठितम्
atha tatraiva deveśi daṃḍapāṇeḥ samīpataḥ ||
ghanavāheśvaraṃ nāma yo liṃgaṃ yatnato'rcayet
||6||अथ तत्रैव देवेशि दंडपाणेः समीपतः ॥
घनवाहेश्वरं नाम यो लिंगं यत्नतोऽर्चयेत्
gaṃdharvalokamāpnoti dṛṣṭvā sa prayataḥ śuciḥ ||
iti te kathitaṃ devi gāṃdharvaṃ liṃgamuttamam
||7||गंधर्वलोकमाप्नोति दृष्ट्वा स प्रयतः शुचिः ॥
इति ते कथितं देवि गांधर्वं लिंगमुत्तमम्
tṛtīyaṃ sarvapāpānāṃ nāśanaṃ puṇyavarddhanam ||
agnitīrthe naraḥ snātvā pūjya gaṃdharvapūjitam
||8||तृतीयं सर्वपापानां नाशनं पुण्यवर्द्धनम् ॥
अग्नितीर्थे नरः स्नात्वा पूज्य गंधर्वपूजितम्
ayane cottare prāpte nirvāṇamadhigacchati ||
śrutvā 'bhinaṃdya māhātmyaṃ mucyate mahato bhayāt
||9||अयने चोत्तरे प्राप्ते निर्वाणमधिगच्छति ॥
श्रुत्वा ऽभिनंद्य माहात्म्यं मुच्यते महतो भयात्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe prathame prabhāsakṣetra māhātmye gandharveśvaramāhātmyavarṇanaṃnāma catuḥpaṃcāśo'dhyāyaḥ || 54 ||