śrīmadgaṇeśadivyasahasranāmāmṛtastotrakathanannāma ṣaṭcatvāriṃśo'dhyāyaḥ
vyāsa uvāca
kathaṃ nāmnāṃ sahasraṃ tad gaṇeśa upadiṣṭavān |
śivāyaitanmamācakṣva lokānugraha tatpara
||1||कथं नाम्नां सहस्रं तद् गणेश उपदिष्टवान् ।
शिवायैतन्ममाचक्ष्व लोकानुग्रह तत्पर
brahmovāca
devaḥ evaṃ purārātiḥ puratrayajayodyame |
anarcanādgaṇeśasya jāto vighnākulaḥ kila
||2||देवः एवं पुरारातिः पुरत्रयजयोद्यमे ।
अनर्चनाद्गणेशस्य जातो विघ्नाकुलः किल
manasā sa vinirdhārya tatastadvighnakāraṇam |
mahāgaṇapatiṃ bhaktyā samabhyarcya yathāvidhī
||3||मनसा स विनिर्धार्य ततस्तद्विघ्नकारणम् ।
महागणपतिं भक्त्या समभ्यर्च्य यथाविधी
vighnapraśamanopāyamapṛcchadaparājitaḥ |
santuṣṭaḥ pūjayā śambhormahāgaṇapatiḥ svayam
||4||विघ्नप्रशमनोपायमपृच्छदपराजितः ।
सन्तुष्टः पूजया शम्भोर्महागणपतिः स्वयम्
sarvavighnaikaharaṇaṃ sarvakāmaphalapradam |
tatastamai svakaṃ nāmnāṃ sahasramidamabravīt
||5||सर्वविघ्नैकहरणं सर्वकामफलप्रदम् ।
ततस्तमै स्वकं नाम्नां सहस्रमिदमब्रवीत्
asya śrīmadgaṇeśadivyasahasranāmāmṛtastotramālāmahāmantrasya gaṇeśaṛṣiḥ |
śrīmahāgaṇapatirdevatā |
śrīsvānandeśo brahmaṇaspatirdevatā |
nānāvidhānicchandāsi |
gamiti bījam |
tuṇḍamitī śaktiḥ |
svāhāśaktiriti kīlakam |
sakalavighnavināśanadvārā śrībrahmaṇaspatiprītyarthe (mahāgaṇapatiprītyarthaṃ) jape viniyogaḥ |
atha nyāsāḥ |
gaṇeśvaro gaṇakrīḍa ityaṅguṣṭhābhyāṃ namaḥ |
kumāragururīśāneti tarjanībhyāṃ namaḥ |
brahmāṇḍakumbhaścidvyometi madhyamābhyāṃ namaḥ |
raktoraktāmbaradhara ityanāmikābhyāṃ namaḥ |
sarvasadgurusaṃsevya itikaniṣṭhikābhyāṃ namaḥ |
luptavighnaḥ subhaktāmiti karatalakarapṛṣṭhābhyāṃ namaḥ |
atha hṛdayādinyāsāḥ |
chandaścchandovapuriti hṛdayāya namaḥ |
niṣkalo nirmala iti śirase svāhā |
sṛṣṭisthitilayakrīḍa iti śikhāyai vaṣaṭ |
jñānaṃ vijñānamānandaṃ iti kavacāya hum |
aṣṭāṅgayogaphalabhṛditi netratrayāya vauṣaṭ |
anantaśaktasahita ityastrāya phaṭ |
iti digbandhaḥ |
atha dhyānam |
raktāmbhodhisthapotollasadarūṇasarojādhiruḍhaṃ trinetram pāśaṃ caivāṅkuśākhyaṃ paraśumabhayadaṃ bāhubhirdhārayantam |
śaktyā yuktaṃ gajāsyaṃ pṛthutarajaṭharaṃ siddhibuddhīsametaṃ raktaṃ candrārdhamauliṃ sakalabhayaharaṃ vighnarājaṃ namāmi ||
śrīsiddhibuddhisahitāya salakṣalābhāya śrīsvānandeśāya brahmaṇaspataye sāṅgāya saparivārāya saśaktikāya sāyudhāya savāhanāya sāvaraṇāya namaḥ |
iti nāmamantreṇa mānasaḥ pañcopacāraiḥ sampūjya paṭhet |
śrīmahāgaṇapatirūvāca |
asya śrīmahāgaṇapatidivyasahasranāmastotramālāmahāmantrasya gaṇeśaṛṣiḥ ||
mahāgaṇapatirdevatā ||
nānāvidhānicchandāṃsi ||
gaṃ iti bījam ||
tuṇḍaṃ iti śaktiḥ ||
svāhā kīlakam ||
sakalavighnavināśanadvārā śrīmahāgaṇapatiprītyarthe jape viniyogaḥ |
śrīmahāgaṇapatirūvāca |
oṃ gaṇeśvaro gaṇakrīḍo gaṇanātho gaṇādhipaḥ |
ekadaṃṣṭro vakratuṇḍo gajavaktro mahodaraḥ
||6||अस्य श्रीमद्गणेशदिव्यसहस्रनामामृतस्तोत्रमालामहामन्त्रस्य गणेशऋषिः ।
श्रीमहागणपतिर्देवता ।
श्रीस्वानन्देशो ब्रह्मणस्पतिर्देवता ।
नानाविधानिच्छन्दासि ।
गमिति बीजम् ।
तुण्डमिती शक्तिः ।
स्वाहाशक्तिरिति कीलकम् ।
सकलविघ्नविनाशनद्वारा श्रीब्रह्मणस्पतिप्रीत्यर्थे (महागणपतिप्रीत्यर्थं) जपे विनियोगः ।
अथ न्यासाः ।
गणेश्वरो गणक्रीड इत्यङ्गुष्ठाभ्यां नमः ।
कुमारगुरुरीशानेति तर्जनीभ्यां नमः ।
ब्रह्माण्डकुम्भश्चिद्व्योमेति मध्यमाभ्यां नमः ।
रक्तोरक्ताम्बरधर इत्यनामिकाभ्यां नमः ।
सर्वसद्गुरुसंसेव्य इतिकनिष्ठिकाभ्यां नमः ।
लुप्तविघ्नः सुभक्तामिति करतलकरपृष्ठाभ्यां नमः ।
अथ हृदयादिन्यासाः ।
छन्दश्च्छन्दोवपुरिति हृदयाय नमः ।
निष्कलो निर्मल इति शिरसे स्वाहा ।
सृष्टिस्थितिलयक्रीड इति शिखायै वषट् ।
ज्ञानं विज्ञानमानन्दं इति कवचाय हुम् ।
अष्टाङ्गयोगफलभृदिति नेत्रत्रयाय वौषट् ।
अनन्तशक्तसहित इत्यस्त्राय फट् ।
इति दिग्बन्धः ।
अथ ध्यानम् ।
रक्ताम्भोधिस्थपोतोल्लसदरूणसरोजाधिरुढं त्रिनेत्रम् पाशं चैवाङ्कुशाख्यं परशुमभयदं बाहुभिर्धारयन्तम् ।
शक्त्या युक्तं गजास्यं पृथुतरजठरं सिद्धिबुद्धीसमेतं रक्तं चन्द्रार्धमौलिं सकलभयहरं विघ्नराजं नमामि ॥
श्रीसिद्धिबुद्धिसहिताय सलक्षलाभाय श्रीस्वानन्देशाय ब्रह्मणस्पतये साङ्गाय सपरिवाराय सशक्तिकाय सायुधाय सवाहनाय सावरणाय नमः ।
इति नाममन्त्रेण मानसः पञ्चोपचारैः सम्पूज्य पठेत् ।
श्रीमहागणपतिरूवाच ।
अस्य श्रीमहागणपतिदिव्यसहस्रनामस्तोत्रमालामहामन्त्रस्य गणेशऋषिः ॥
महागणपतिर्देवता ॥
नानाविधानिच्छन्दांसि ॥
गं इति बीजम् ॥
तुण्डं इति शक्तिः ॥
स्वाहा कीलकम् ॥
सकलविघ्नविनाशनद्वारा श्रीमहागणपतिप्रीत्यर्थे जपे विनियोगः ।
श्रीमहागणपतिरूवाच ।
ॐ गणेश्वरो गणक्रीडो गणनाथो गणाधिपः ।
एकदंष्ट्रो वक्रतुण्डो गजवक्त्रो महोदरः
lambodaro dhamravarṇo vikaṭo vighnanāyakaḥ |
sumukho durmukho buddho vighnarājo gajānanaḥ
||7||लम्बोदरो धम्रवर्णो विकटो विघ्ननायकः ।
सुमुखो दुर्मुखो बुद्धो विघ्नराजो गजाननः
bhīmaḥ pramoda āmodaḥ surānando mahotkaṭaḥ |
herambaḥ śambaraḥ śambhurlambakarṇo mahābalaḥ
||8||भीमः प्रमोद आमोदः सुरानन्दो महोत्कटः ।
हेरम्बः शम्बरः शम्भुर्लम्बकर्णो महाबलः
nandano'lampaṭo'bhīruḥ meghanādo gaṇañjayaḥ |
vināyako virūpākṣo dhīraśūro varapradaḥ
||9||नन्दनोऽलम्पटोऽभीरुः मेघनादो गणञ्जयः ।
विनायको विरूपाक्षो धीरशूरो वरप्रदः
mahāgaṇapatirbuddhipriyaḥ kṣipraprasādanaḥ |
rudrapriyo gaṇādhyakṣa umāputro'ghanāśanaḥ
||10||महागणपतिर्बुद्धिप्रियः क्षिप्रप्रसादनः ।
रुद्रप्रियो गणाध्यक्ष उमापुत्रोऽघनाशनः
kumāra gururīśāna putro mūṣakavāhanaḥ |
siddhi priyaḥ siddhipatiḥ siddhiḥ siddhivināyakaḥ
||11||कुमार गुरुरीशान पुत्रो मूषकवाहनः ।
सिद्धि प्रियः सिद्धिपतिः सिद्धिः सिद्धिविनायकः
avighnastumbaruḥ siṃhavāhano mohinīpriyaḥ |
kaṭaṅkaṭo rājaputraḥ śākalaḥ sammito'mitaḥ
||12||अविघ्नस्तुम्बरुः सिंहवाहनो मोहिनीप्रियः ।
कटङ्कटो राजपुत्रः शाकलः सम्मितोऽमितः
kūṣmāṇḍasāmasambhūtirdurjayo dhūrjayo jayaḥ |
bhūpatirbhuvanapatirbhūtānāṃ patiravyayaḥ
||13||कूष्माण्डसामसम्भूतिर्दुर्जयो धूर्जयो जयः ।
भूपतिर्भुवनपतिर्भूतानां पतिरव्ययः
viśvakartā viśvamukho viśvarupo nidhirghṛṇiḥ |
kaviḥ kavīnāmṛṣabho brahmaṇyo brahmaṇaspatiḥ
||14||विश्वकर्ता विश्वमुखो विश्वरुपो निधिर्घृणिः ।
कविः कवीनामृषभो ब्रह्मण्यो ब्रह्मणस्पतिः
jyeṣṭharājo nidhipatirnidhipriyapatipriyaḥ |
hiraṇmayapurāntasthaḥ sūyamaṇḍalamadhyagaḥ
||15||ज्येष्ठराजो निधिपतिर्निधिप्रियपतिप्रियः ।
हिरण्मयपुरान्तस्थः सूयमण्डलमध्यगः
karāhatidhvastasindhusalilaḥ pūṣadantabhit |
umāṅkakelikutukī muktidaḥ kulapālanaḥ
||16||कराहतिध्वस्तसिन्धुसलिलः पूषदन्तभित् ।
उमाङ्ककेलिकुतुकी मुक्तिदः कुलपालनः
kirīṭī kuṇḍalīhārī vanamālī manomayaḥ |
vaimukhyahatadaityaśrīḥ pādāhatijitakṣitiḥ
||17||किरीटी कुण्डलीहारी वनमाली मनोमयः ।
वैमुख्यहतदैत्यश्रीः पादाहतिजितक्षितिः
sadyojātaḥsvarṇamuñjamekhalī durnimittahṛt |
duḥsvapnaprahṛt prasahano guṇīnādapratiṣṭhitaḥ
||18||सद्योजातःस्वर्णमुञ्जमेखली दुर्निमित्तहृत् ।
दुःस्वप्नप्रहृत् प्रसहनो गुणीनादप्रतिष्ठितः
surūpaḥ sarvanetrādhivāso vīrāsanāśrayaḥ |
pītāmbaraḥ khaṇḍaradaḥ khaṇḍendukṛtaśekharaḥ
||19||सुरूपः सर्वनेत्राधिवासो वीरासनाश्रयः ।
पीताम्बरः खण्डरदः खण्डेन्दुकृतशेखरः
citrāṅkaśyāmadaśano bhālacandro caturbhujaḥ |
yogādhipastārakasthaḥ puruṣo gajakarṇakaḥ
||20||चित्राङ्कश्यामदशनो भालचन्द्रो चतुर्भुजः ।
योगाधिपस्तारकस्थः पुरुषो गजकर्णकः
gaṇādhirājo vijayasthiro gajapatirdhvajī |
devadevaḥ smaraprāṇo dīpako vāyukīlakaḥ
||21||गणाधिराजो विजयस्थिरो गजपतिर्ध्वजी ।
देवदेवः स्मरप्राणो दीपको वायुकीलकः
vipaścidvaradonādonnādabhinna balāhakaḥ |
varāharadano mṛtyujayo vyāghrājināmbaraḥ
||22||विपश्चिद्वरदोनादोन्नादभिन्न बलाहकः ।
वराहरदनो मृत्युजयो व्याघ्राजिनाम्बरः
icchāśaktidharo devatrātā daityavimardanaḥ |
śambhuvaktrodbhavaḥ śambhukopahā śambhuhāsyabhūḥ
||23||इच्छाशक्तिधरो देवत्राता दैत्यविमर्दनः ।
शम्भुवक्त्रोद्भवः शम्भुकोपहा शम्भुहास्यभूः
śambhutejāḥ śivāśokahārī gaurīsukhāvahaḥ |
umāṅgamalajo gaurītejobhūḥ svardhunībhavaḥ
||24||शम्भुतेजाः शिवाशोकहारी गौरीसुखावहः ।
उमाङ्गमलजो गौरीतेजोभूः स्वर्धुनीभवः
yajñakāyo mahānādo girivarṣmā śubhānanaḥ |
sarvātmā sarvadevātmā brahmamūrddhā kakupśrutiḥ
||25||यज्ञकायो महानादो गिरिवर्ष्मा शुभाननः ।
सर्वात्मा सर्वदेवात्मा ब्रह्ममूर्द्धा ककुप्श्रुतिः
brahmāṇḍakumbhaśvidvyomabhālaḥ satyaśiroruhaḥ |
jagajjanmalayonmeṣanimeṣo'gnyarka somadṛk
||26||ब्रह्माण्डकुम्भश्विद्व्योमभालः सत्यशिरोरुहः ।
जगज्जन्मलयोन्मेषनिमेषोऽग्न्यर्क सोमदृक्
girīndraikarado dharmodharmoṣṭhaḥ sāmabṛṃhitaḥ |
graharkṣadaśano vāṇījivho vāsavanāsikaḥ
||27||गिरीन्द्रैकरदो धर्मोधर्मोष्ठः सामबृंहितः ।
ग्रहर्क्षदशनो वाणीजिव्हो वासवनासिकः
bhrūmadhyasaṃsthitakaro brahmavidyā madotkaṭaḥ |
kulācalāṃsaḥ somārkaghaṇṭo rudraśirodharaḥ
||28||भ्रूमध्यसंस्थितकरो ब्रह्मविद्या मदोत्कटः ।
कुलाचलांसः सोमार्कघण्टो रुद्रशिरोधरः
nadīnadabhajaḥ sarpāṅgulīkastārakānakhaḥ |
vyomanābhiḥ śrīhṛdayo merupṛṣṭho'rṇavodaraḥ
||29||नदीनदभजः सर्पाङ्गुलीकस्तारकानखः ।
व्योमनाभिः श्रीहृदयो मेरुपृष्ठोऽर्णवोदरः
kukṣisthayakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailorurdrasrajānukaḥ
||30||कुक्षिस्थयक्षगन्धर्वरक्षःकिन्नरमानुषः ।
पृथ्वीकटिः सृष्टिलिङ्गः शैलोरुर्द्रस्रजानुकः
pātālajaṅgho munipāt kālāṅguṣṭhasrayītanuḥ |
jyotirmaṇḍalalāṅgulo hṛdayālānaniścalaḥ
||31||पातालजङ्घो मुनिपात् कालाङ्गुष्ठस्रयीतनुः ।
ज्योतिर्मण्डललाङ्गुलो हृदयालाननिश्चलः
hatpadmakarṇikāśāliviyatkelisarovaraḥ |
sadbhaktadhyānanigaḍaḥ pūjāvārinivāritaḥ
||32||हत्पद्मकर्णिकाशालिवियत्केलिसरोवरः ।
सद्भक्तध्याननिगडः पूजावारिनिवारितः
pratāpī kaśyapasuto gaṇapo viṣṭapī balī |
yaśasvī dhārmikaḥ svojā prathamaḥ prathameśvaraḥ
||33||प्रतापी कश्यपसुतो गणपो विष्टपी बली ।
यशस्वी धार्मिकः स्वोजा प्रथमः प्रथमेश्वरः
cintāmaṇidvīpapatiḥ kalpadrumavanālayaḥ |
ratnamaṇḍapamadhyastho ratnasiṃhāsanāśrayaḥ
||34||चिन्तामणिद्वीपपतिः कल्पद्रुमवनालयः ।
रत्नमण्डपमध्यस्थो रत्नसिंहासनाश्रयः
tīvrāśiroghṛtapado jvālinīmaulilālitaḥ |
nandānanditapīṭhaśrīḥ bhogadābhūṣitāsanaḥ
||35||तीव्राशिरोघृतपदो ज्वालिनीमौलिलालितः ।
नन्दानन्दितपीठश्रीः भोगदाभूषितासनः
sakāmadāyinīpīṭhaḥ sphuradugrāsanāśrayaḥ |
tejovatīśiroratnaṃ satyānityāvataṃsitaḥ
||36||सकामदायिनीपीठः स्फुरदुग्रासनाश्रयः ।
तेजोवतीशिरोरत्नं सत्यानित्यावतंसितः
savighnanāśinīpīṭhaḥ sarvaśaktyambujāśrayaḥ |
lipipadmāsanādhāro vahnidhāmatrayāśrayaḥ
||37||सविघ्ननाशिनीपीठः सर्वशक्त्यम्बुजाश्रयः ।
लिपिपद्मासनाधारो वह्निधामत्रयाश्रयः
unnataprapado gūḍhagulphaḥ saṃvṛtapārṣṇikaḥ |
pīnajaṅghaḥ śliṣṭajānuḥ sthūloruḥ pronnamatkaṭiḥ
||38||उन्नतप्रपदो गूढगुल्फः संवृतपार्ष्णिकः ।
पीनजङ्घः श्लिष्टजानुः स्थूलोरुः प्रोन्नमत्कटिः
nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukaṇṭho lamboṣṭho lambanāsikaḥ
||39||निम्ननाभिः स्थूलकुक्षिः पीनवक्षा बृहद्भुजः ।
पीनस्कन्धः कम्बुकण्ठो लम्बोष्ठो लम्बनासिकः
bhagnavāmaradastuṅga savyadanto mahāhanuḥ |
hṛsvanetratrayaḥ śūrpakarṇo nibiḍamastakaḥ
||40||भग्नवामरदस्तुङ्ग सव्यदन्तो महाहनुः ।
हृस्वनेत्रत्रयः शूर्पकर्णो निबिडमस्तकः
stabakākārakumbhāgro ratnamaulirniraṅkuśaḥ |
sarpahārakaṭīsūtraḥ sarpayajñopavītavān
||41||स्तबकाकारकुम्भाग्रो रत्नमौलिर्निरङ्कुशः ।
सर्पहारकटीसूत्रः सर्पयज्ञोपवीतवान्
sarpakoṭīrakaṭakaḥ sarpagraiveyakāṅgadaḥ |
sarpakakṣodarābandhaḥ sarparājottarīyakaḥ
||42||सर्पकोटीरकटकः सर्पग्रैवेयकाङ्गदः ।
सर्पकक्षोदराबन्धः सर्पराजोत्तरीयकः
rakto raktāmbaradharo raktamālyavibhūṣaṇaḥ |
raktekṣaṇo raktakaro raktatātvoṣṭhapallavaḥ
||43||रक्तो रक्ताम्बरधरो रक्तमाल्यविभूषणः ।
रक्तेक्षणो रक्तकरो रक्ततात्वोष्ठपल्लवः
śvetaḥśvetāmbaradharaḥ śvetamālyavibhūṣaṇaḥ |
śvetātapatraruciraḥ śvetacāmaravījitaḥ
||44||श्वेतःश्वेताम्बरधरः श्वेतमाल्यविभूषणः ।
श्वेतातपत्ररुचिरः श्वेतचामरवीजितः
sarvāvayavasampūrṇaḥ sarvalakṣaṇalakṣitaḥ |
sarvābharaṇaśobhāḍhyaḥ sarvaśobhāsamanvitaḥ
||45||सर्वावयवसम्पूर्णः सर्वलक्षणलक्षितः ।
सर्वाभरणशोभाढ्यः सर्वशोभासमन्वितः
sarvamaṅgalamāṅgalyaḥ sarvakāraṇakāraṇam |
sarvadaikakaraḥśārṅgī bījapūrī gadādharaḥ
||46||सर्वमङ्गलमाङ्गल्यः सर्वकारणकारणम् ।
सर्वदैककरःशार्ङ्गी बीजपूरी गदाधरः
śuklāṅgo lokasukhadaḥ sutantustantuvardhanaḥ |
kirīṭī kuṇḍalīhārī vanamālī śubhāṃgadaḥ
||47||शुक्लाङ्गो लोकसुखदः सुतन्तुस्तन्तुवर्धनः ।
किरीटी कुण्डलीहारी वनमाली शुभांगदः
ikṣucāpadharaḥ śūlī cakrapāṇiḥ sarojabhṛt |
pāśī dhṛtotpalaḥśālīmañjarībhṛtsvadantabhṛt
||48||इक्षुचापधरः शूली चक्रपाणिः सरोजभृत् ।
पाशी धृतोत्पलःशालीमञ्जरीभृत्स्वदन्तभृत्
kalpavallīdharo viśvābhayadaikakarovaśī |
akṣamālādharo jñānamudrāvān mudgarāyudhaḥ
||49||कल्पवल्लीधरो विश्वाभयदैककरोवशी ।
अक्षमालाधरो ज्ञानमुद्रावान् मुद्गरायुधः
pūrṇapātrī kambudharo vidhṛtālisamūhakaḥ |
mātuliṅgadharaścūtakalikābhṛt kuṭhāravān
||50||पूर्णपात्री कम्बुधरो विधृतालिसमूहकः ।
मातुलिङ्गधरश्चूतकलिकाभृत् कुठारवान्
puṣkarasthasvarṇaghaṭīpūrṇaratnābhivarṣakaḥ |
bhāratīsundarīnātho vināyakaratipriyaḥ
||51||पुष्करस्थस्वर्णघटीपूर्णरत्नाभिवर्षकः ।
भारतीसुन्दरीनाथो विनायकरतिप्रियः
mahālakṣmīpriyatamaḥ siddhalakṣmīmanoramaḥ |
ramārameśapūrvāṅgo dakṣiṇomāmaheśvaraḥ
||52||महालक्ष्मीप्रियतमः सिद्धलक्ष्मीमनोरमः ।
रमारमेशपूर्वाङ्गो दक्षिणोमामहेश्वरः
mahivarāhavāmāṅgo ratikandarpapaścimaḥ |
āmodamodajananaḥ sapramodapramodanaḥ
||53||महिवराहवामाङ्गो रतिकन्दर्पपश्चिमः ।
आमोदमोदजननः सप्रमोदप्रमोदनः
samedhitasamṛddhi śrīrriddhisiddhipravarttakaḥ |
dattasaumukhyasumukhaḥ kāntikandalitāśrayaḥ
||54||समेधितसमृद्धि श्रीर्रिद्धिसिद्धिप्रवर्त्तकः ।
दत्तसौमुख्यसुमुखः कान्तिकन्दलिताश्रयः
madanāvatyāśritāṅghriḥ kṛtadaurmukhyadurmukhaḥ |
vighnasampallavopaghnaḥ sevonnidramadadravaḥ
||55||मदनावत्याश्रिताङ्घ्रिः कृतदौर्मुख्यदुर्मुखः ।
विघ्नसम्पल्लवोपघ्नः सेवोन्निद्रमदद्रवः
vighnakṛnnighnacaraṇo drāviṇīśaktisatkṛtaḥ |
(śaktisaṃvṛtaḥ) tīvrāprasannanayano jvālinīpālitaikadṛk
||56||विघ्नकृन्निघ्नचरणो द्राविणीशक्तिसत्कृतः ।
(शक्तिसंवृतः) तीव्राप्रसन्ननयनो ज्वालिनीपालितैकदृक्
mohinīmohano bhogadāyinī kāntimaṇḍitaḥ |
kāminīkāntavaktraśrīradhiṣṭhitavasundharaḥ
||57||मोहिनीमोहनो भोगदायिनी कान्तिमण्डितः ।
कामिनीकान्तवक्त्रश्रीरधिष्ठितवसुन्धरः
(yuktaśrīstejinyadhiṣṭhitaikadṛk) vasundharāmadonnaddha mahāśaṅkhanidhiprabhuḥ |
(nidhipriyaḥ) namadvasumatīmaulimahāpadmanidhiprabhuḥ
||58||(युक्तश्रीस्तेजिन्यधिष्ठितैकदृक्) वसुन्धरामदोन्नद्ध महाशङ्खनिधिप्रभुः ।
(निधिप्रियः) नमद्वसुमतीमौलिमहापद्मनिधिप्रभुः
sarvasadgurūsaṃsevyaḥ śociṣkeśahṛdāśrayaḥ |
īśānamūrdhā devendraśikhaḥ pavananandanaḥ
||59||सर्वसद्गुरूसंसेव्यः शोचिष्केशहृदाश्रयः ।
ईशानमूर्धा देवेन्द्रशिखः पवननन्दनः
agrapratyagranayano divyāstrāṇāṃ prayogavit |
airāvatādisarvāśāvāvāraṇāvaraṇapriyaḥ
||60||अग्रप्रत्यग्रनयनो दिव्यास्त्राणां प्रयोगवित् ।
ऐरावतादिसर्वाशावावारणावरणप्रियः
vajrādyastraparīvāro gaṇacaṇḍasamāśrayaḥ |
jayājayaparīvāro vijayāvijayāvahaḥ
||61||वज्राद्यस्त्रपरीवारो गणचण्डसमाश्रयः ।
जयाजयपरीवारो विजयाविजयावहः
ajitārcitapādābjo nityānityāvataṃsitaḥ |
vilāsinīkṛtollāsaḥśauṇḍīsaundaryamaṇḍitaḥ
||62||अजितार्चितपादाब्जो नित्यानित्यावतंसितः ।
विलासिनीकृतोल्लासःशौण्डीसौन्दर्यमण्डितः
anantānantasukhadaḥ sumaṅgalasumaṅgalaḥ |
icchāśaktijñānaśaktikriyāśaktiniṣevitaḥ
||63||अनन्तानन्तसुखदः सुमङ्गलसुमङ्गलः ।
इच्छाशक्तिज्ञानशक्तिक्रियाशक्तिनिषेवितः
subhagāsaṃśrītapadaḥ lalitālalitāśrayaḥ |
kāminīkāmanaḥ kāmamālinīkelilālitaḥ
||64||सुभगासंश्रीतपदः ललिताललिताश्रयः ।
कामिनीकामनः काममालिनीकेलिलालितः
sarasvatyāśrayo gaurīnandanaḥ śrīniketanaḥ |
guruguptapado vācāsiddho vāgīśvarīpatiḥ
||65||सरस्वत्याश्रयो गौरीनन्दनः श्रीनिकेतनः ।
गुरुगुप्तपदो वाचासिद्धो वागीश्वरीपतिः
nalinīkāmuko vāmārāmo jyeṣṭhāmanoramaḥ |
raudrīmudritapādābjo humbījastuṅgaśaktikaḥ
||66||नलिनीकामुको वामारामो ज्येष्ठामनोरमः ।
रौद्रीमुद्रितपादाब्जो हुम्बीजस्तुङ्गशक्तिकः
viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāso madaghūrṇitalocanaḥ
||67||विश्वादिजननत्राणः स्वाहाशक्तिः सकीलकः ।
अमृताब्धिकृतावासो मदघूर्णितलोचनः
ucchiṣṭagaṇa ucchiṣṭagaṇeśo gaṇanāyakaḥ |
sārvakālikasaṃsiddhiḥ nityaśaivo digambaraḥ
||68||उच्छिष्टगण उच्छिष्टगणेशो गणनायकः ।
सार्वकालिकसंसिद्धिः नित्यशैवो दिगम्बरः
anāpāyo'nantadṛṣṭiraprameyo'jarāmaraḥ |
anāvilo'pratiratho hyacyuto'mṛtamakṣaram
||69||अनापायोऽनन्तदृष्टिरप्रमेयोऽजरामरः ।
अनाविलोऽप्रतिरथो ह्यच्युतोऽमृतमक्षरम्
apratarkyo'kṣayo'jayyo'nādhāro'nāmayo'malaḥ |
amoghasiddhiradvaitamaghoro'pramitānanaḥ
||70||अप्रतर्क्योऽक्षयोऽजय्योऽनाधारोऽनामयोऽमलः ।
अमोघसिद्धिरद्वैतमघोरोऽप्रमिताननः
anākāro'bdhibhūmyagnibalaghno'vyaktalakṣaṇaḥ |
ādhārapīṭhaḥ ādhāraḥ ādhārādheyavarjitaḥ
||71||अनाकारोऽब्धिभूम्यग्निबलघ्नोऽव्यक्तलक्षणः ।
आधारपीठः आधारः आधाराधेयवर्जितः
ākhuketana āśāpūraka ākhumahārathaḥ |
ikṣusāgaramadhyasthaḥ ikṣubhakṣaṇalālasaḥ
||72||आखुकेतन आशापूरक आखुमहारथः ।
इक्षुसागरमध्यस्थः इक्षुभक्षणलालसः
ikṣucātirekaśrīrikṣucāpaniṣevitaḥ
||73||इक्षुचातिरेकश्रीरिक्षुचापनिषेवितः
indragopasamānaśrīrindranīlasamadyutiḥ |
indīvaradalaśyāma indumaṇḍalanirmalaḥ
||74||इन्द्रगोपसमानश्रीरिन्द्रनीलसमद्युतिः ।
इन्दीवरदलश्याम इन्दुमण्डलनिर्मलः
idhmapriya iḍābhāga iḍādhāmendirāpriyaḥ |
ikṣvākuvighnavidhvaṃsī itikartavyatepsitaḥ
||75||इध्मप्रिय इडाभाग इडाधामेन्दिराप्रियः ।
इक्ष्वाकुविघ्नविध्वंसी इतिकर्तव्यतेप्सितः
īśānamaulirīśāna īśānasuta ītihā |
īṣaṇātrayakalpānta īhāmātravivarjitaḥ
||75||ईशानमौलिरीशान ईशानसुत ईतिहा ।
ईषणात्रयकल्पान्त ईहामात्रविवर्जितः
upendra uḍubhṛnmauliruṇḍerakabalipriyaḥ |
unnatānana uttuṅga udāratridaśāgraṇīḥ
||77||उपेन्द्र उडुभृन्मौलिरुण्डेरकबलिप्रियः ।
उन्नतानन उत्तुङ्ग उदारत्रिदशाग्रणीः
ūrjasvān ūṣmalamada ūhāpohadurāsadaḥ |
ṛgyajuḥ sāmasambhūtirriddhisiddhipravartakaḥ
||78||ऊर्जस्वान् ऊष्मलमद ऊहापोहदुरासदः ।
ऋग्यजुः सामसम्भूतिर्रिद्धिसिद्धिप्रवर्तकः
ṛjucittaikasulabha ṛṇatrayavimocakaḥ |
luptavighnaḥ svabhaktānāṃ luptaśaktiḥsuradviṣām
||79||ऋजुचित्तैकसुलभ ऋणत्रयविमोचकः ।
लुप्तविघ्नः स्वभक्तानां लुप्तशक्तिःसुरद्विषाम्
luptaśrīrvimukhārcānāṃlūtāvisphoṭanāśanaḥ |
ekārapīṭhamadhyastha ekapādakṛtāsanaḥ
||80||लुप्तश्रीर्विमुखार्चानांलूताविस्फोटनाशनः ।
एकारपीठमध्यस्थ एकपादकृतासनः
ejitākhiladaitya śrīrejitākhilasaṃśraya |
aiśvaryanidhiraiśvaryamaihikāmuṣmikapradaḥ
||81||एजिताखिलदैत्य श्रीरेजिताखिलसंश्रय ।
ऐश्वर्यनिधिरैश्वर्यमैहिकामुष्मिकप्रदः
airammadasamonmeṣa airāvatanibhānanaḥ |
oṃkāravācya oṃkāra ojasvānoṣadhīpatiḥ
||82||ऐरम्मदसमोन्मेष ऐरावतनिभाननः ।
ॐकारवाच्य ॐकार ओजस्वानोषधीपतिः
audāryanidhirauddhatyadhurya aunnatyaniḥsvanaḥ |
aṅkuśaḥsuranāgānāmaṅkuśaḥsuravidviṣām
||83||औदार्यनिधिरौद्धत्यधुर्य औन्नत्यनिःस्वनः ।
अङ्कुशःसुरनागानामङ्कुशःसुरविद्विषाम्
aḥsamastavisargānta padeṣu parikīrtitaḥ |
kamaṇḍaludharaḥ kalpaḥ kapardī kalabhānanaḥ
||84||अःसमस्तविसर्गान्त पदेषु परिकीर्तितः ।
कमण्डलुधरः कल्पः कपर्दी कलभाननः
karmasākṣī karmakartā karmākarmaphalapradaḥ |
kadambagolakākāraḥkūṣmāṇḍagaṇanāyakaḥ
||85||कर्मसाक्षी कर्मकर्ता कर्माकर्मफलप्रदः ।
कदम्बगोलकाकारःकूष्माण्डगणनायकः
kāruṇyadehaḥ kapilaḥ kathakaḥ kaṭisūtrabhṛt |
kharvaḥkhaḍgapriyaḥkhaḍga khātāntasthaḥkhanirmalaḥ
||86||कारुण्यदेहः कपिलः कथकः कटिसूत्रभृत् ।
खर्वःखड्गप्रियःखड्ग खातान्तस्थःखनिर्मलः
khalvāṭaśaṛṅganilayaḥkhaṭvāṅgī khadurāsadaḥ |
guṇāḍhyo gahano gastho gadyapadyasudhārṇavaḥ
||87||खल्वाटशृङ्गनिलयःखट्वाङ्गी खदुरासदः ।
गुणाढ्यो गहनो गस्थो गद्यपद्यसुधार्णवः
gadyagānapriyo garjo gītagīrvāṇapūrvajaḥ |
guhyācārarato guhyo guhyāgamanirūpitaḥ
||88||गद्यगानप्रियो गर्जो गीतगीर्वाणपूर्वजः ।
गुह्याचाररतो गुह्यो गुह्यागमनिरूपितः
guhāśayo guhābdhistho gurugamyo gurorguruḥ |
ghaṇṭāghargharikāmālī ghaṭakumbho ghaṭodaraḥ
||89||गुहाशयो गुहाब्धिस्थो गुरुगम्यो गुरोर्गुरुः ।
घण्टाघर्घरिकामाली घटकुम्भो घटोदरः
ṅakāravācyo ṅākāro ṅakārākāraśuṇḍabhṛt |
caṇḍaścaṇḍeśvarasuhṛt caṇḍīśaścaṇḍavikramaḥ
||90||ङकारवाच्यो ङाकारो ङकाराकारशुण्डभृत् ।
चण्डश्चण्डेश्वरसुहृत् चण्डीशश्चण्डविक्रमः
carācarapatiścintāmaṇiścarvaṇalālasaḥ |
chandaśchandovapuśchando durlakṣyaśchandavigrahaḥ
||91||चराचरपतिश्चिन्तामणिश्चर्वणलालसः ।
छन्दश्छन्दोवपुश्छन्दो दुर्लक्ष्यश्छन्दविग्रहः
jagadyonirjagatsākṣī jagadīśojaganmayaḥ |
japojapaparo jāpyo jihvāsiṃhāsanaprabhuḥ
||92||जगद्योनिर्जगत्साक्षी जगदीशोजगन्मयः ।
जपोजपपरो जाप्यो जिह्वासिंहासनप्रभुः
jhalajhjhallollasaddānajhaṅkāribhramarākulaḥ |
ṭaṅkārasphārasaṃrāvaṣṭaṅkārimaṇinūpuraḥ
||93||झलझ्झल्लोल्लसद्दानझङ्कारिभ्रमराकुलः ।
टङ्कारस्फारसंरावष्टङ्कारिमणिनूपुरः
ṭhadvayīpallavāntasthaḥsarvamantraikasiddhidaḥ |
ḍiṇḍimuṇḍo ḍākinīśo ḍāmaro ḍiṇḍimapriyaḥ
||94||ठद्वयीपल्लवान्तस्थःसर्वमन्त्रैकसिद्धिदः ।
डिण्डिमुण्डो डाकिनीशो डामरो डिण्डिमप्रियः
ḍhakkāninādamudito ḍhaukau ḍhuṇḍhivināyakaḥ
||95||ढक्कानिनादमुदितो ढौकौ ढुण्ढिविनायकः
tattvānāṃ paramaṃ tattvaṃ tattvaṃ padanirūpitaḥ |
tārakāntarasaṃsthānastārakastārakāntakaḥ
||96||तत्त्वानां परमं तत्त्वं तत्त्वं पदनिरूपितः ।
तारकान्तरसंस्थानस्तारकस्तारकान्तकः
sthāṇuḥsthāṇupriyaḥsthātāsthāvaraṃ jaṅgamaṃ jagat |
dakṣayajñapramathano dātā dānavamohanaḥ
||97||स्थाणुःस्थाणुप्रियःस्थातास्थावरं जङ्गमं जगत् ।
दक्षयज्ञप्रमथनो दाता दानवमोहनः
dayāvān divyavibhavo daṇḍabhṛddṇḍanāyakaḥ |
dantaprabhinnābhramālo daityavāraṇadāraṇaḥ
||98||दयावान् दिव्यविभवो दण्डभृद्द्ण्डनायकः ।
दन्तप्रभिन्नाभ्रमालो दैत्यवारणदारणः
daṃṣṭrālagnadvipaghaṭo devārthanṛgajākṛtiḥ |
dhanadhānyapatirdhanyo dhanado dharaṇīdharaḥ
||99||दंष्ट्रालग्नद्विपघटो देवार्थनृगजाकृतिः ।
धनधान्यपतिर्धन्यो धनदो धरणीधरः
dhyānaikaprakaṭo dhyeyo dhyānaṃ dhyānaparāyaṇaḥ |
dhvaniprakṛticītkārabrahmāṇḍāvalimekhalaḥ
||100||ध्यानैकप्रकटो ध्येयो ध्यानं ध्यानपरायणः ।
ध्वनिप्रकृतिचीत्कारब्रह्माण्डावलिमेखलः
nando nandipriyo nādo nādamadhye pratiṣṭhitaḥ |
niṣkalo nirmalo nityo nityānityo nirāmayaḥ
||101||नन्दो नन्दिप्रियो नादो नादमध्ये प्रतिष्ठितः ।
निष्कलो निर्मलो नित्यो नित्यानित्यो निरामयः
paraṃvyoma paraṃdhāma paramātmā paraṃpadam |
parātparaḥ paśupatiḥ paśupāśavimocakaḥ
||102||परंव्योम परंधाम परमात्मा परंपदम् ।
परात्परः पशुपतिः पशुपाशविमोचकः
pūrṇānandaḥ parānandaḥ purāṇapuruṣottamaḥ |
padmaprasannanayanaḥ praṇatājñānamocanaḥ
||103||पूर्णानन्दः परानन्दः पुराणपुरुषोत्तमः ।
पद्मप्रसन्ननयनः प्रणताज्ञानमोचनः
pramāṇapratyayātītaḥ praṇatārtinivāraṇaḥ |
phalahastaḥ phaṇipatiḥ phetkāraḥ phāṇitapriyaḥ
||104||प्रमाणप्रत्ययातीतः प्रणतार्तिनिवारणः ।
फलहस्तः फणिपतिः फेत्कारः फाणितप्रियः
bāṇārcitāṅghriyugulo bālakelīkutūhalī |
brahma brahmārcitapado brahmacārī bṛhaspatiḥ
||105||बाणार्चिताङ्घ्रियुगुलो बालकेलीकुतूहली ।
ब्रह्म ब्रह्मार्चितपदो ब्रह्मचारी बृहस्पतिः
bṛhattamo brahmaparo brahmaṇyo brahmavitpriyaḥ |
bṛhannādāgryacītkāro brahmāṇḍāvalimekhalaḥ
||106||बृहत्तमो ब्रह्मपरो ब्रह्मण्यो ब्रह्मवित्प्रियः ।
बृहन्नादाग्र्यचीत्कारो ब्रह्माण्डावलिमेखलः
bhrūkṣepadattalakṣmīko bhargo bhadro bhayāpahaḥ ||
bhagavān bhaktisulabho bhūtido bhūtibhūṣaṇaḥ
||107||भ्रूक्षेपदत्तलक्ष्मीको भर्गो भद्रो भयापहः ॥
भगवान् भक्तिसुलभो भूतिदो भूतिभूषणः
bhavyo bhūtālayo bhogadātā bhrūmadhyagocaraḥ |
mantro mantrapatirmantrī madamattamanoramaḥ
||108||भव्यो भूतालयो भोगदाता भ्रूमध्यगोचरः ।
मन्त्रो मन्त्रपतिर्मन्त्री मदमत्तमनोरमः
mekhavān mandagatirmatimatkamalekṣaṇaḥ |
mahābalo mahāvīryo mahāprāṇo mahāmanāḥ
||109||मेखवान् मन्दगतिर्मतिमत्कमलेक्षणः ।
महाबलो महावीर्यो महाप्राणो महामनाः
yajño yajñapatiryajñagoptā yajñaphalapradaḥ |
yaśaskaro yogagamyo yājñiko yācakapriyaḥ
||110||यज्ञो यज्ञपतिर्यज्ञगोप्ता यज्ञफलप्रदः ।
यशस्करो योगगम्यो याज्ञिको याचकप्रियः
raso rasapriyo rasyo rañjako rāvaṇārcitaḥ ||
rakṣorakṣākaro ratnagarbho rājyasukhapradaḥ
||111||रसो रसप्रियो रस्यो रञ्जको रावणार्चितः ॥
रक्षोरक्षाकरो रत्नगर्भो राज्यसुखप्रदः
lakṣyaṃ lakṣyaprado lakṣyo layastho laḍḍukapriyaḥ ||
lānapriyo lāsyaparo lābhakṛllokaviśrutaḥ
||112||लक्ष्यं लक्ष्यप्रदो लक्ष्यो लयस्थो लड्डुकप्रियः ॥
लानप्रियो लास्यपरो लाभकृल्लोकविश्रुतः
vareṇyo vahnivadano vandyo vedāntagocaraḥ ||
vikartā viśvataścakṣurvidhātā viśvatomukhaḥ
||113||वरेण्यो वह्निवदनो वन्द्यो वेदान्तगोचरः ॥
विकर्ता विश्वतश्चक्षुर्विधाता विश्वतोमुखः
vāmadevo viśvanetā vajrivajranivāraṇaḥ ||
viśvabandhana viṣkambhādhāro viśveśvaraḥ vibhuḥ
||114||वामदेवो विश्वनेता वज्रिवज्रनिवारणः ॥
विश्वबन्धन विष्कम्भाधारो विश्वेश्वरः विभुः
śabdabrahmaśamaprāpyaḥ śambhuśaktigaṇeśvaraḥ ||
śāstā śikhāgranilayaḥ śaraṇyaḥ śikharīśvaraḥ
||115||शब्दब्रह्मशमप्राप्यः शम्भुशक्तिगणेश्वरः ॥
शास्ता शिखाग्रनिलयः शरण्यः शिखरीश्वरः
ṣaḍ ṛtukusumasragvī ṣaḍādhāraḥ ṣaḍakṣaraḥ ||
saṃsāravaidyaḥ sarvajñaḥ sarvabheṣajabheṣajam
||116||षड् ऋतुकुसुमस्रग्वी षडाधारः षडक्षरः ॥
संसारवैद्यः सर्वज्ञः सर्वभेषजभेषजम्
sṛṣṭisthitilayakrīḍaḥ surakuñjarabhedanaḥ ||
sindūritamahākumbhaḥ sadasadvyaktidāyakaḥ
||117||सृष्टिस्थितिलयक्रीडः सुरकुञ्जरभेदनः ॥
सिन्दूरितमहाकुम्भः सदसद्व्यक्तिदायकः
sākṣī samudramathanaḥ svasaṃvedyaḥ svadakṣiṇaḥ ||
svatantraḥ satyasaṅkalpaḥ sāmagānarataḥ sukhī
||118||साक्षी समुद्रमथनः स्वसंवेद्यः स्वदक्षिणः ॥
स्वतन्त्रः सत्यसङ्कल्पः सामगानरतः सुखी
haṃso hastipiśācīśo havanaṃ havyakavyabhuk ||
havyaṃ hutapriyo harṣo hṛllekhāmantramadhyagaḥ
||119||हंसो हस्तिपिशाचीशो हवनं हव्यकव्यभुक् ॥
हव्यं हुतप्रियो हर्षो हृल्लेखामन्त्रमध्यगः
kṣetrādhipaḥ kṣamābhartā kṣamāparapararāyaṇam ||
kṣiprakṣemakaraḥ kṣemānandaḥ kṣoṇīsuradrumaḥ
||120||क्षेत्राधिपः क्षमाभर्ता क्षमापरपररायणम् ॥
क्षिप्रक्षेमकरः क्षेमानन्दः क्षोणीसुरद्रुमः
dharmaprado'rthadaḥ kāmadātā saubhāgyavardhanaḥ ||
vidyāprado vibhavado bhuktimuktipradāyakaḥ
||121||धर्मप्रदोऽर्थदः कामदाता सौभाग्यवर्धनः ॥
विद्याप्रदो विभवदो भुक्तिमुक्तिप्रदायकः
ābhirūpyakaro vīraśrīprado vijayapradaḥ ||
sarvavaśyakaro garbhadoṣahāputrapautradaḥ
||122||आभिरूप्यकरो वीरश्रीप्रदो विजयप्रदः ॥
सर्ववश्यकरो गर्भदोषहापुत्रपौत्रदः
medhādaḥ kīrtidaḥ śokahārī daurbhāgyanāśanaḥ ||
śrīśokahārī daurbhāgyanāśanaḥ sarvaśaktibhṛt
||123||मेधादः कीर्तिदः शोकहारी दौर्भाग्यनाशनः ॥
श्रीशोकहारी दौर्भाग्यनाशनः सर्वशक्तिभृत्
prativādimukhastambho ruṣṭacittaprasādanaḥ |
parābhicāraśamano duḥkhabhañjanakārakaḥ
||124||प्रतिवादिमुखस्तम्भो रुष्टचित्तप्रसादनः ।
पराभिचारशमनो दुःखभञ्जनकारकः
lavastruṭiḥ kalā kāṣṭhā nimeṣastatparakṣaṇaḥ |
ghaṭīmuhūrta praharo divānaktamaharniśam
||125||लवस्त्रुटिः कला काष्ठा निमेषस्तत्परक्षणः ।
घटीमुहूर्त प्रहरो दिवानक्तमहर्निशम्
pakṣomāso'yanaṃ varṣaṃ yugaṃ kalpomahālayaḥ |
rāśistārā tithiryogo vāraḥ karaṇamaṃśakam
||126||पक्षोमासोऽयनं वर्षं युगं कल्पोमहालयः ।
राशिस्तारा तिथिर्योगो वारः करणमंशकम्
lagnaṃ horā kālacakraṃ meruḥ saptarṣayo dhruvaḥ |
rāhurmandaḥ kavirjīvo budho bhaumaḥ śaśī raviḥ
||127||लग्नं होरा कालचक्रं मेरुः सप्तर्षयो ध्रुवः ।
राहुर्मन्दः कविर्जीवो बुधो भौमः शशी रविः
kālaḥ sṛṣṭiḥ sthitirviśvaṃ sthāvaraṃ jaṅgamaṃ ca yat |
bhūrāpo'gnirmarudvyomāhaṅkṛtiḥ prakṛtiḥ pumān
||128||कालः सृष्टिः स्थितिर्विश्वं स्थावरं जङ्गमं च यत् ।
भूरापोऽग्निर्मरुद्व्योमाहङ्कृतिः प्रकृतिः पुमान्
brahmā viṣṇuḥ śivo rudra īśaḥ śaktiḥ sadāśivaḥ |
tridaśāḥ pitaraḥ siddhā yakṣā rakṣāṃsi kinnarāḥ
||129||ब्रह्मा विष्णुः शिवो रुद्र ईशः शक्तिः सदाशिवः ।
त्रिदशाः पितरः सिद्धा यक्षा रक्षांसि किन्नराः
sādhyā vidyādhara bhūtā manuṣyāḥ paśavaḥ khagāḥ |
samudrāḥ saritaḥ śailā bhūtaṃ bhavyaṃ bhavodbhavaḥ
||130||साध्या विद्याधर भूता मनुष्याः पशवः खगाः ।
समुद्राः सरितः शैला भूतं भव्यं भवोद्भवः
sāṅkhyaṃ pātañjalaṃ yogaḥ purāṇāni śrutiḥ smṛtiḥ |
vedāṅgāni sadācāro mīmāṃsā nyāyavistaraḥ
||131||साङ्ख्यं पातञ्जलं योगः पुराणानि श्रुतिः स्मृतिः ।
वेदाङ्गानि सदाचारो मीमांसा न्यायविस्तरः
āyurvedo dhanurvedo gāndharvaṃ kāvyanāṭakam |
vaikhānasaṃ bhāgavataṃ sātvataṃ pāñcarātrakam
||132||आयुर्वेदो धनुर्वेदो गान्धर्वं काव्यनाटकम् ।
वैखानसं भागवतं सात्वतं पाञ्चरात्रकम्
śaivaṃ pāśupataṃ kālamukhaṃ bhairavaśāsanam |
śāktaṃ vaināyaka sauraṃ jainamārhatasaṃhitā
||133||शैवं पाशुपतं कालमुखं भैरवशासनम् ।
शाक्तं वैनायक सौरं जैनमार्हतसंहिता
sadasad vyaktamavyaktaṃ sacetanamacetanam |
bandho mokṣaḥ sukhaṃ bhogo'yogaḥ satyamaṇurmahān
||134||सदसद् व्यक्तमव्यक्तं सचेतनमचेतनम् ।
बन्धो मोक्षः सुखं भोगोऽयोगः सत्यमणुर्महान्
svasti huṃ phaṭ svadhā svāhā śrauṣaḍvauṣaḍvaṣaṇnamaḥ |
jñānaṃ vijñānamānando bodhaḥ saṃvicchamo yamaḥ
||135||स्वस्ति हुं फट् स्वधा स्वाहा श्रौषड्वौषड्वषण्नमः ।
ज्ञानं विज्ञानमानन्दो बोधः संविच्छमो यमः
eka ekākṣarādhāra ekākṣaraparāyaṇaḥ |
ekāgradhīrekavīra ekānekasvarūpadhṛk
||136||एक एकाक्षराधार एकाक्षरपरायणः ।
एकाग्रधीरेकवीर एकानेकस्वरूपधृक्
dvirūpo dvibhujo dvyakṣo dviradodvīparakṣakaḥ |
dvaimāturo dvivadano dvandvātīto dvayātigaḥ
||137||द्विरूपो द्विभुजो द्व्यक्षो द्विरदोद्वीपरक्षकः ।
द्वैमातुरो द्विवदनो द्वन्द्वातीतो द्वयातिगः
tridhāmāstrikarasretātrivargaphaladāyakaḥ |
triguṇātmā trilokādistriśaktīśastrilocanaḥ
||138||त्रिधामास्त्रिकरस्रेतात्रिवर्गफलदायकः ।
त्रिगुणात्मा त्रिलोकादिस्त्रिशक्तीशस्त्रिलोचनः
caturbāhuścaturdataścaturātmā caturmukhaḥ |
caturvidhopāyamayaścaturvarṇāśramāśrayaḥ
||139||चतुर्बाहुश्चतुर्दतश्चतुरात्मा चतुर्मुखः ।
चतुर्विधोपायमयश्चतुर्वर्णाश्रमाश्रयः
caturvidhavacovṛttiparivṛttipravartakaḥ |
caturthīpūjanaprītaḥ caturthītithi sambhavaḥ
||140||चतुर्विधवचोवृत्तिपरिवृत्तिप्रवर्तकः ।
चतुर्थीपूजनप्रीतः चतुर्थीतिथि सम्भवः
pañcākṣarātmā pañcātmā pañcāsya pañcakṛtyakṛt |
pañcādhāraḥ pañcavarṇaḥ pañcākṣaraparāyaṇaḥ
||141||पञ्चाक्षरात्मा पञ्चात्मा पञ्चास्य पञ्चकृत्यकृत् ।
पञ्चाधारः पञ्चवर्णः पञ्चाक्षरपरायणः
pañcatālaḥ pañcakaraḥ pañcapraṇavabhāvitaḥ |
pañcabrahmamayasphūrtiḥ pañcavāraṇavāritaḥ
||142||पञ्चतालः पञ्चकरः पञ्चप्रणवभावितः ।
पञ्चब्रह्ममयस्फूर्तिः पञ्चवारणवारितः
pañcabhakṣyapriyaḥ pañcabāṇaḥ pañcaśivātmakaḥ |
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ
||143||पञ्चभक्ष्यप्रियः पञ्चबाणः पञ्चशिवात्मकः ।
षट्कोणपीठः षट्चक्रधामा षड्ग्रन्थिभेदकः
ṣaḍadhvadhvāntavidhvaṃsī ṣaḍaṅgulamahāhṛdaḥ |
ṣaṇmukhaḥ ṣaṇmukhabhrātā ṣaṭśaktiparivāritaḥ
||144||षडध्वध्वान्तविध्वंसी षडङ्गुलमहाहृदः ।
षण्मुखः षण्मुखभ्राता षट्शक्तिपरिवारितः
ṣaḍvairivargavidhvaṃsī ṣaḍūrmibhayabhañjanaḥ |
ṣaṭtarkadūraḥ ṣaṭkarmanirataḥ ṣaḍrasāśrayaḥ
||145||षड्वैरिवर्गविध्वंसी षडूर्मिभयभञ्जनः ।
षट्तर्कदूरः षट्कर्मनिरतः षड्रसाश्रयः
saptapātālacaraṇaḥ saptadvīporumaṇḍalaḥ |
saptasvarlokamukuṭaḥ saptasaptivarapradaḥ
||146||सप्तपातालचरणः सप्तद्वीपोरुमण्डलः ।
सप्तस्वर्लोकमुकुटः सप्तसप्तिवरप्रदः
saptāṅgarājyasukhadaḥ saptarṣigaṇamaṇḍitaḥ |
saptacchandonidhīḥ saptahotā saptasvarāśrayaḥ
||147||सप्ताङ्गराज्यसुखदः सप्तर्षिगणमण्डितः ।
सप्तच्छन्दोनिधीः सप्तहोता सप्तस्वराश्रयः
saptābdhikelikāsāraḥ saptamātṛniṣevitaḥ |
saptacchandomodamadaḥ saptacchandomakhaprabhuḥ
||148||सप्ताब्धिकेलिकासारः सप्तमातृनिषेवितः ।
सप्तच्छन्दोमोदमदः सप्तच्छन्दोमखप्रभुः
aṣṭamūrtidhyeyamūrtiraṣṭaprakṛtikāraṇam |
aṣṭāṅgayogaphalabhūraṣṭapatrāmbujāsanaḥ
||149||अष्टमूर्तिध्येयमूर्तिरष्टप्रकृतिकारणम् ।
अष्टाङ्गयोगफलभूरष्टपत्राम्बुजासनः
aṣṭaśaktisamṛddhaśrīraṣṭaiśvaryapradāyakaḥ |
aṣṭhapīṭhopapīṭhaśrīraṣṭamātṛsamāvṛtaḥ
||150||अष्टशक्तिसमृद्धश्रीरष्टैश्वर्यप्रदायकः ।
अष्ठपीठोपपीठश्रीरष्टमातृसमावृतः
aṣṭabhairavasevyo'ṣṭavasuvandyo'ṣṭamūrtibhṛt |
aṣṭacakrasphuranmūrtiraṣṭadravyahaviḥpriyaḥ
||151||अष्टभैरवसेव्योऽष्टवसुवन्द्योऽष्टमूर्तिभृत् ।
अष्टचक्रस्फुरन्मूर्तिरष्टद्रव्यहविःप्रियः
navanāgāsanādhyāsī navanidhyanuśāsitā |
navadvārapurādhāro navadvāraniketanaḥ
||152||नवनागासनाध्यासी नवनिध्यनुशासिता ।
नवद्वारपुराधारो नवद्वारनिकेतनः
navanārāyaṇastutyo navadurgāniṣevitaḥ |
navanāthamahānātho navanāgavibhūṣaṇaḥ
||153||नवनारायणस्तुत्यो नवदुर्गानिषेवितः ।
नवनाथमहानाथो नवनागविभूषणः
navaratnavicitrāṅgo navaśaktiśirodhṛtaḥ |
daśātmako daśabhujo daśadikpativanditaḥ
||154||नवरत्नविचित्राङ्गो नवशक्तिशिरोधृतः ।
दशात्मको दशभुजो दशदिक्पतिवन्दितः
daśādhyāyo daśaprāṇo daśendriyaniyāmakaḥ |
daśākṣaramahāmantro daśāśāvyāpivigrahaḥ
||155||दशाध्यायो दशप्राणो दशेन्द्रियनियामकः ।
दशाक्षरमहामन्त्रो दशाशाव्यापिविग्रहः
ekādaśamahārudraiḥ stutaekādaśākṣaraḥ |
dvādaśoddṇḍadordaṇḍo dvādaśāntaniketanaḥ
||156||एकादशमहारुद्रैः स्तुतएकादशाक्षरः ।
द्वादशोद्द्ण्डदोर्दण्डो द्वादशान्तनिकेतनः
trayodaśabhidābhinna viśvedevādhidaivatam |
caturdaśendravaradaścaturdaśamanuprabhuḥ
||157||त्रयोदशभिदाभिन्न विश्वेदेवाधिदैवतम् ।
चतुर्दशेन्द्रवरदश्चतुर्दशमनुप्रभुः
caturdaśādividyāḍhyaścaturdaśajagatprabhuḥ |
sāmapañcadaśaḥ pañcadaśīśītāṃśunirmalaḥ
||158||चतुर्दशादिविद्याढ्यश्चतुर्दशजगत्प्रभुः ।
सामपञ्चदशः पञ्चदशीशीतांशुनिर्मलः
ṣoḍaśādhāranilayaḥ ṣoḍaśasvaramātṛkaḥ |
ṣoḍaśāntapadāvāsaḥ ṣoḍaśendukalātmakaḥ
||159||षोडशाधारनिलयः षोडशस्वरमातृकः ।
षोडशान्तपदावासः षोडशेन्दुकलात्मकः
kalāsaptadaśīsaptadaśaḥ saptadaśākṣaraḥ |
aṣṭādaśadvīpapatiraṣṭādaśapurāṇakṛt
||160||कलासप्तदशीसप्तदशः सप्तदशाक्षरः ।
अष्टादशद्वीपपतिरष्टादशपुराणकृत्
aṣṭādaśauṣadhisṛṣṭiraṣṭādaśavidhismṛtaḥ |
aṣṭādaśalipivyaṣṭisamaṣṭijñānakovidaḥ
||161||अष्टादशौषधिसृष्टिरष्टादशविधिस्मृतः ।
अष्टादशलिपिव्यष्टिसमष्टिज्ञानकोविदः
ekaviṃśaḥ pumānekaviṃśatyaṅgulipallavaḥ |
caturviṃśatitattvātmā pañcaviśākhya pūruṣaḥ
||162||एकविंशः पुमानेकविंशत्यङ्गुलिपल्लवः ।
चतुर्विंशतितत्त्वात्मा पञ्चविशाख्य पूरुषः
saptaviṃśatitāreśaḥ saptaviṃśatiyogakṛt |
dvātriṃśadbhairavādhīśaścatustriṃśanmahāhṛdaḥ
||163||सप्तविंशतितारेशः सप्तविंशतियोगकृत् ।
द्वात्रिंशद्भैरवाधीशश्चतुस्त्रिंशन्महाहृदः
ṣaṭtriṃśattattvasambhūtiraṣṭatriṃśatkalātanuḥ |
namadekonapañcāśanmarudvargonirargalaḥ
||164||षट्त्रिंशत्तत्त्वसम्भूतिरष्टत्रिंशत्कलातनुः ।
नमदेकोनपञ्चाशन्मरुद्वर्गोनिरर्गलः
pañcāśadakṣaraśreṇīḥ pañcāśadrudravigrahaḥ |
pañcāśadviṣṇuśaktīśaḥ pañcāśanmātṛkālayaḥ
||165||पञ्चाशदक्षरश्रेणीः पञ्चाशद्रुद्रविग्रहः ।
पञ्चाशद्विष्णुशक्तीशः पञ्चाशन्मातृकालयः
dvipañcāśadvapuḥśreṇīstriṣaṣṭayakṣarasaṃśrayaḥ |
catuḥṣaṣṭyarṇanirṇetā catuḥṣaṣṭikalānidhiḥ
||166||द्विपञ्चाशद्वपुःश्रेणीस्त्रिषष्टयक्षरसंश्रयः ।
चतुःषष्ट्यर्णनिर्णेता चतुःषष्टिकलानिधिः
catuḥṣaṣṭimahāsiddhayoginīvṛndavanditaḥ |
aṣṭaṣaṣṭimahātīrthakṣetrabhairavabhāvanaḥ
||167||चतुःषष्टिमहासिद्धयोगिनीवृन्दवन्दितः ।
अष्टषष्टिमहातीर्थक्षेत्रभैरवभावनः
caturnavatimantrātmā ṣaṇṇavatyadhikaḥprabhuḥ |
śatānandaḥ śatadhṛtiḥ śatapatrāyatekṣaṇaḥ
||168||चतुर्नवतिमन्त्रात्मा षण्णवत्यधिकःप्रभुः ।
शतानन्दः शतधृतिः शतपत्रायतेक्षणः
śatānīkaḥ śatamakhaḥ śatadhāravarāyudhaḥ |
sahasrapatranilayaḥ sahasraphaṇabhūṣaṇaḥ
||169||शतानीकः शतमखः शतधारवरायुधः ।
सहस्रपत्रनिलयः सहस्रफणभूषणः
sahasraśīrṣā puruṣaḥ sahasrākṣaḥ sahasrapāt |
sahasranāmasaṃstutyaḥ sahasrākṣabalāpahaḥ
||170||सहस्रशीर्षा पुरुषः सहस्राक्षः सहस्रपात् ।
सहस्रनामसंस्तुत्यः सहस्राक्षबलापहः
daśasahasraphaṇibhṛt phaṇirājakṛtāsanaḥ |
aṣṭāśītisahasraughamaharṣistotrayantritaḥ
||171||दशसहस्रफणिभृत् फणिराजकृतासनः ।
अष्टाशीतिसहस्रौघमहर्षिस्तोत्रयन्त्रितः
lakṣādhīśapriyādhāro lakṣādhīśamanomayaḥ |
caturlakṣajapaprītaḥ caturlakṣaprakāśitaḥ
||172||लक्षाधीशप्रियाधारो लक्षाधीशमनोमयः ।
चतुर्लक्षजपप्रीतः चतुर्लक्षप्रकाशितः
caturāśītilakṣāṇāṃ jīvānāṃ dehasaṃsthitaḥ |
koṭisūryapratīkāśaḥ koṭicandrāṃśunirmalaḥ
||173||चतुराशीतिलक्षाणां जीवानां देहसंस्थितः ।
कोटिसूर्यप्रतीकाशः कोटिचन्द्रांशुनिर्मलः
śivābhavādhyuṣṭakoṭivināyakadhurandharaḥ |
saptakoṭimahāmantramantritāvayavadyutiḥ
||174||शिवाभवाध्युष्टकोटिविनायकधुरन्धरः ।
सप्तकोटिमहामन्त्रमन्त्रितावयवद्युतिः
trayastriṃśat koṭisuraśreṇī praṇatapādukaḥ |
anantadevatāsevyo hyanantamunisaṃstutaḥ
||175||त्रयस्त्रिंशत् कोटिसुरश्रेणी प्रणतपादुकः ।
अनन्तदेवतासेव्यो ह्यनन्तमुनिसंस्तुतः
anantānāmānantaśrīranantānantasaukhyadaḥ |
anantaśaktisahito hyanantamunisaṃstutaḥ |
anantamunisaṃstuta oṃ nama iti |
oṃ iti vaināyakaṃ nāmnāṃ sahasramidamīritam
||176||अनन्तानामानन्तश्रीरनन्तानन्तसौख्यदः ।
अनन्तशक्तिसहितो ह्यनन्तमुनिसंस्तुतः ।
अनन्तमुनिसंस्तुत ॐ नम इति ।
ॐ इति वैनायकं नाम्नां सहस्रमिदमीरितम्
idaṃ brāhmemuhūrte vai yaḥ paṭhet pratyahaṃ naraḥ |
karasthaṃ tasya sakalamaihikāmuṣmikaṃ sukham
||177||इदं ब्राह्मेमुहूर्ते वै यः पठेत् प्रत्यहं नरः ।
करस्थं तस्य सकलमैहिकामुष्मिकं सुखम्
āyurārogyamaiśvaryaṃ dhairya śaurya balaṃ yaśaḥ |
medhā prajñā dhṛtiḥ kāntiḥ saubhāgyamatirūpatā
||178||आयुरारोग्यमैश्वर्यं धैर्य शौर्य बलं यशः ।
मेधा प्रज्ञा धृतिः कान्तिः सौभाग्यमतिरूपता
satyaṃ dayā kṣamā śāntirdākṣiṇyaṃ dharmaśīlatā |
jagatsaṃyamanaṃ viśvasaṃvādo vādapāṭavam
||179||सत्यं दया क्षमा शान्तिर्दाक्षिण्यं धर्मशीलता ।
जगत्संयमनं विश्वसंवादो वादपाटवम्
sabhāpāṇḍityamaudāryaṃ gāmbhīryaṃ brahmavarcasam ||
aunnatyaṃca kulaṃ śīlaṃ pratāpo vīryamāryatā
||180||सभापाण्डित्यमौदार्यं गाम्भीर्यं ब्रह्मवर्चसम् ॥
औन्नत्यंच कुलं शीलं प्रतापो वीर्यमार्यता
jñānaṃ vijñānamāstikyaṃ dhairyaṃ viśvātiśāyitā |
dhanadhānyābhivṛddhiśca sakṛdasya japādbhavet
||181||ज्ञानं विज्ञानमास्तिक्यं धैर्यं विश्वातिशायिता ।
धनधान्याभिवृद्धिश्च सकृदस्य जपाद्भवेत्
vaśyaṃ caturvidhaṃ nṝṇāṃ japādasya prajāyate ||
rājño rājakalatrasya rājaputrasya mantriṇaḥ
||182||वश्यं चतुर्विधं नॄणां जपादस्य प्रजायते ॥
राज्ञो राजकलत्रस्य राजपुत्रस्य मन्त्रिणः
japyeta yasya vaśyārthe sa dāsastasya jāyate ||
dharmārthakāmamokṣaṇāmanāyāsena sādhanam
||183||जप्येत यस्य वश्यार्थे स दासस्तस्य जायते ॥
धर्मार्थकाममोक्षणामनायासेन साधनम्
śākinīḍākinīrakṣoyakṣoragabhayāpaham ||
sāmrājyasukhadaṃ caiva samastaripumardanam
||184||शाकिनीडाकिनीरक्षोयक्षोरगभयापहम् ॥
साम्राज्यसुखदं चैव समस्तरिपुमर्दनम्
samastakalahadhvaṃsī dagdhabījaprarohaṇam |
duḥsvapnapraśamanaṃ kruddhasvāmicittaprasādanam
||185||समस्तकलहध्वंसी दग्धबीजप्ररोहणम् ।
दुःस्वप्नप्रशमनं क्रुद्धस्वामिचित्तप्रसादनम्
ṣaṭkarmāṣṭamahāsiddhitrikālajñānasādhanam |
parakṛtyopaśamanaṃ paracakravimardanam
||186||षट्कर्माष्टमहासिद्धित्रिकालज्ञानसाधनम् ।
परकृत्योपशमनं परचक्रविमर्दनम्
saṃgrāmaraṅge sarveṣāmidamekaṃ jayāvaham ||
sarvavandhyātvadoṣaghnaṃ garbharakṣaikakāraṇam
||187||संग्रामरङ्गे सर्वेषामिदमेकं जयावहम् ॥
सर्ववन्ध्यात्वदोषघ्नं गर्भरक्षैककारणम्
paṭhyate pratyahaṃ yatra stotraṃ gaṇapateridam ||
deśe tatra na durbhikṣaramītayo duritāni ca
||188||पठ्यते प्रत्यहं यत्र स्तोत्रं गणपतेरिदम् ॥
देशे तत्र न दुर्भिक्षरमीतयो दुरितानि च
na tadgehaṃ jahāti śrīryatrāyaṃ japyate stavaḥ ||
kṣayakuṣṭhapramehārśo bhagandaraviṣūcikāḥ
||189||न तद्गेहं जहाति श्रीर्यत्रायं जप्यते स्तवः ॥
क्षयकुष्ठप्रमेहार्शो भगन्दरविषूचिकाः
gulmaṃ plīhānamaśmāna matisāraṃ mahaudaram ||
kāsaṃ śvāsamudāvarttaṃ śūlaṃ śophādisambhavam
||190||गुल्मं प्लीहानमश्मान मतिसारं महौदरम् ॥
कासं श्वासमुदावर्त्तं शूलं शोफादिसम्भवम्
śirorogaṃ vamiṃ hikkāṃ gaṇḍamālāmarocakam ||
vātapittakaphadvandvatridoṣajanitajvaram
||191||शिरोरोगं वमिं हिक्कां गण्डमालामरोचकम् ॥
वातपित्तकफद्वन्द्वत्रिदोषजनितज्वरम्
āgantuṃ viṣamaṃ śītamuṣṇaṃ caikāhikādikam ||
ityādyuktamanuktaṃ vā roga doṣādisambhavam
||192||आगन्तुं विषमं शीतमुष्णं चैकाहिकादिकम् ॥
इत्याद्युक्तमनुक्तं वा रोग दोषादिसम्भवम्
sarvaṃ praśamayatyāśu stotrasyāsya sakṛjjapaḥ ||
sakṛtpāṭhena saṃsiddhaḥ strīśūdrapatitairapi
||193||सर्वं प्रशमयत्याशु स्तोत्रस्यास्य सकृज्जपः ॥
सकृत्पाठेन संसिद्धः स्त्रीशूद्रपतितैरपि
(prāpyate'sya japāt siddhiḥ strīśūdrapatitaiḥsakṛt
||193||(प्राप्यतेऽस्य जपात् सिद्धिः स्त्रीशूद्रपतितैःसकृत्
) sahasranāmamantro'yaṃ japtavyastu śubhāptaye ||
mahāgaṇapateḥ stotraṃ sakāmaḥ prajapannidam
||194||) सहस्रनाममन्त्रोऽयं जप्तव्यस्तु शुभाप्तये ॥
महागणपतेः स्तोत्रं सकामः प्रजपन्निदम्
icchayā sakalān bhogānupabhujyeha pārthivān ||
manorathaphalairdivyairvyomayānairmanoramaiḥ
||195||इच्छया सकलान् भोगानुपभुज्येह पार्थिवान् ॥
मनोरथफलैर्दिव्यैर्व्योमयानैर्मनोरमैः
candredrabhāskaropendrabrahmarudrādisadmasu ||
kāmarūpaḥ kāmagatiḥ kāmato vicaranniha
||196||चन्द्रेद्रभास्करोपेन्द्रब्रह्मरुद्रादिसद्मसु ॥
कामरूपः कामगतिः कामतो विचरन्निह
bhuktvā yathepsitān bhogānabhīṣṭaiḥ sahabandhubhiḥ |
gaṇeśānucaro bhūtvā mahāgaṇapate priyaḥ
||197||भुक्त्वा यथेप्सितान् भोगानभीष्टैः सहबन्धुभिः ।
गणेशानुचरो भूत्वा महागणपते प्रियः
nandīśvarādisānandī nanditaḥ sakalairgaṇaiḥ ||
śivābhyāṃ kṛpayā putranirviśeṣaṃ ca lālitaḥ
||198||नन्दीश्वरादिसानन्दी नन्दितः सकलैर्गणैः ॥
शिवाभ्यां कृपया पुत्रनिर्विशेषं च लालितः
śivabhaktaḥ pūrṇakāmo gaṇeśvaravarāt punaḥ ||
jātismaro dharmaparaḥ sārvabhaumo'bhijāyate
||199||शिवभक्तः पूर्णकामो गणेश्वरवरात् पुनः ॥
जातिस्मरो धर्मपरः सार्वभौमोऽभिजायते
niṣkāmastu japannityaṃ bhaktyā vighneśatatparaḥ ||
yogasiddhiṃ parāṃ prāpya jñānavairāgya saṃsthitaḥ
||200||निष्कामस्तु जपन्नित्यं भक्त्या विघ्नेशतत्परः ॥
योगसिद्धिं परां प्राप्य ज्ञानवैराग्य संस्थितः
nirantaroditānande paramānandasaṃvidi ||
viśvottīrṇe pare pāre punarāvṛttivarjite
||201||निरन्तरोदितानन्दे परमानन्दसंविदि ॥
विश्वोत्तीर्णे परे पारे पुनरावृत्तिवर्जिते
līno vaināyake dhāmni ramate nityanirvṛtaḥ ||
yo nāmabhiḥ sahasrairmāmarcayetad pūjayennaraḥ
||202||लीनो वैनायके धाम्नि रमते नित्यनिर्वृतः ॥
यो नामभिः सहस्रैर्मामर्चयेतद् पूजयेन्नरः
rājāno vaśyatāṃ yānti ripavo yānti dāsatām |
mantrāḥsiddhyanti sarvepi sulabhāstasya siddhayaḥ
||203||राजानो वश्यतां यान्ति रिपवो यान्ति दासताम् ।
मन्त्राःसिद्ध्यन्ति सर्वेपि सुलभास्तस्य सिद्धयः
mūlamantrādapi stotramidaṃ priyataraṃ mama ||
nabhasye māsi śuklāyāṃ caturthyāṃ mama janmani
||204||मूलमन्त्रादपि स्तोत्रमिदं प्रियतरं मम ॥
नभस्ये मासि शुक्लायां चतुर्थ्यां मम जन्मनि
dūrvābhirnāmabhiḥ pūjāṃ tarpaṇaṃ vidhivaccaret |
aṣṭadravyairviśeṣeṇa juhayād bhaktisaṃyutaḥ
||205||दूर्वाभिर्नामभिः पूजां तर्पणं विधिवच्चरेत् ।
अष्टद्रव्यैर्विशेषेण जुहयाद् भक्तिसंयुतः
tasyepsitā nisarvāṇi siddhyantyatra na saṃśayaḥ |
idaṃ prajaptaṃ paṭhitaṃ pāṭhitaṃ śrāvitaṃ śrutam
||206||तस्येप्सिता निसर्वाणि सिद्ध्यन्त्यत्र न संशयः ।
इदं प्रजप्तं पठितं पाठितं श्रावितं श्रुतम्
vyākṛtaṃ carcitaṃ dhyātaṃ vimṛṣṭamabhinanditam ||
ihāmutraca sarveṣāṃ sarvaiśvaryapradāyakam
||207||व्याकृतं चर्चितं ध्यातं विमृष्टमभिनन्दितम् ॥
इहामुत्रच सर्वेषां सर्वैश्वर्यप्रदायकम्
svacchandacāriṇā'pyeṣa yenāyaṃ dhāryate stavaḥ |
sa rakṣyate śivodbhūtairgaṇairapyaṣṭakoṭibhiḥ
||208||स्वच्छन्दचारिणाऽप्येष येनायं धार्यते स्तवः ।
स रक्ष्यते शिवोद्भूतैर्गणैरप्यष्टकोटिभिः
pustake likhitaṃ stotraṃ mantrabhūtaṃ prapūjayet |
tatra sarvottamā lakṣmīḥ sannidhatte nirantaram
||209||पुस्तके लिखितं स्तोत्रं मन्त्रभूतं प्रपूजयेत् ।
तत्र सर्वोत्तमा लक्ष्मीः सन्निधत्ते निरन्तरम्
dānairaśeṣairakhilairvrataiśca tīrthairaśeṣairakhilairmakhaśca |
na tatphalaṃ vindati yad gaṇeśasahasranāmnāṃ smaraṇena sadyaḥ
||210||दानैरशेषैरखिलैर्व्रतैश्च तीर्थैरशेषैरखिलैर्मखश्च ।
न तत्फलं विन्दति यद् गणेशसहस्रनाम्नां स्मरणेन सद्यः
etannāmnāṃ sahasraṃ paṭhati dinamaṇau pratyahaṃ projjihāne sāyaṃ madhyandine vā triṣavaṇamathavā santataṃ vā jano yaḥ |
sa syādaiśvaryadhuryaḥ prabhavati vacasāṃ kīrtimuccaistanoti pratyūhaṃ hanti viśvaṃ vaśayati suciraṃ vardhate putrapautraiḥ
||211||एतन्नाम्नां सहस्रं पठति दिनमणौ प्रत्यहं प्रोज्जिहाने सायं मध्यन्दिने वा त्रिषवणमथवा सन्ततं वा जनो यः ।
स स्यादैश्वर्यधुर्यः प्रभवति वचसां कीर्तिमुच्चैस्तनोति प्रत्यूहं हन्ति विश्वं वशयति सुचिरं वर्धते पुत्रपौत्रैः
akiñcano'pyekacitto niyato niyatāśanaḥ |
japettu caturo māsān gaṇeśārcanatatparaḥ
||212||अकिञ्चनोऽप्येकचित्तो नियतो नियताशनः ।
जपेत्तु चतुरो मासान् गणेशार्चनतत्परः
daridratāṃ samunmūlya saptajanmānugāmapi |
labhate mahatīṃ lakṣmīmityājñā pārameśvarī
||213||दरिद्रतां समुन्मूल्य सप्तजन्मानुगामपि ।
लभते महतीं लक्ष्मीमित्याज्ञा पारमेश्वरी
āyuṣyaṃ vītarogaṃ kulamativimalaṃ sampadaścārtadānāḥ kīrtirnityāvadātā bhaṇatirabhinavā kāntiravyājabhavyā |
putrāḥ santaḥ kalatraṃ guṇavadabhimataṃ yadyadetacca satyaṃ nityaṃ yaḥ stotrametat paṭhati gaṇapatestasya haste samastam
||214||आयुष्यं वीतरोगं कुलमतिविमलं सम्पदश्चार्तदानाः कीर्तिर्नित्यावदाता भणतिरभिनवा कान्तिरव्याजभव्या ।
पुत्राः सन्तः कलत्रं गुणवदभिमतं यद्यदेतच्च सत्यं नित्यं यः स्तोत्रमेतत् पठति गणपतेस्तस्य हस्ते समस्तम्
oṃ gaṇañjayo gaṇapatirherambo dharaṇīdharaḥ |
mahāgaṇapatirlakṣapradaḥ kṣipraprasādanaḥ
||215||ॐ गणञ्जयो गणपतिर्हेरम्बो धरणीधरः ।
महागणपतिर्लक्षप्रदः क्षिप्रप्रसादनः
amoghasiddhiramito mantraścintāmaṇirnidhiḥ |
sumaṅgalo bījamāśāpūrako varadaḥ śivaḥ
||216||अमोघसिद्धिरमितो मन्त्रश्चिन्तामणिर्निधिः ।
सुमङ्गलो बीजमाशापूरको वरदः शिवः
kāśyapo nandano vācā siddho ḍhuṇḍhirvināyakaḥ |
modakairebhiratraikaviṃśatyā nāmabhiḥ pumān
||219||काश्यपो नन्दनो वाचा सिद्धो ढुण्ढिर्विनायकः ।
मोदकैरेभिरत्रैकविंशत्या नामभिः पुमान्
upāyanaṃ daded bhaktyāmatprasādaṃ cikīrṣati |
vatsaraṃ vighnarājasya tathyamiṣṭārthasiddhaye
||218||उपायनं ददेद् भक्त्यामत्प्रसादं चिकीर्षति ।
वत्सरं विघ्नराजस्य तथ्यमिष्टार्थसिद्धये
yaḥ stauti madgatamanā madārādhatatparaḥ |
stuto nāmnāṃ sahasreṇa tenāhaṃ nātra saṃśayaḥ
||219||यः स्तौति मद्गतमना मदाराधतत्परः ।
स्तुतो नाम्नां सहस्रेण तेनाहं नात्र संशयः
namo namaḥ suravarapūjitāṅghrye namo namo nirupamamaṅgalātmane |
namo namo vipulakaraikasiddhaye namo namaḥ karikalabhānanāya te
||220||नमो नमः सुरवरपूजिताङ्घ्र्ये नमो नमो निरुपममङ्गलात्मने ।
नमो नमो विपुलकरैकसिद्धये नमो नमः करिकलभाननाय ते
gaṇapājeśa heramba dvaimātura gajānana |
bhālendo dhūmakṛd bhāno lambodara vināyaka
||221||गणपाजेश हेरम्ब द्वैमातुर गजानन ।
भालेन्दो धूमकृद् भानो लम्बोदर विनायक
brahmaikadanta vighneśa viṣṇo kapila nirguṇa ||
kālādya siddhidānanta trāhi māṃ bhavasāgarāt
||222||ब्रह्मैकदन्त विघ्नेश विष्णो कपिल निर्गुण ॥
कालाद्य सिद्धिदानन्त त्राहि मां भवसागरात्
kiṅkiṇīgaṇaracitastavacaraṇaḥ prakaṭitagurumiticāritragaṇaḥ |
madajalalaharīkaritakapolaḥ śamayatu duritaṃ gaṇapatinṛpanāmnā
||223||किङ्किणीगणरचितस्तवचरणः प्रकटितगुरुमितिचारित्रगणः ।
मदजललहरीकरितकपोलः शमयतु दुरितं गणपतिनृपनाम्ना
iti śrīgaṇeśapurāṇe upāsanākhaṇḍe īśvaramahāgaṇapatisaṃvāde śrīmadgaṇeśadivyasahasranāmāmṛtastotrakathanannāma ṣaṭcatvāriṃśo'dhyāyaḥ || 46 ||