अध्ययनम्
- अनुक्रमणिका
- मूलम्
६ इध्मवाहो दार्ढच्युत: । पवमान: सोम: । गायत्री ।
तम॑मृक्षन्त वा॒जिन॑मु॒पस्थे॒ अदि॑ते॒रधि॑ । विप्रा॑सो॒ अण्व्या॑ धि॒या
॥१॥tama̍mṛkṣanta vā̱jina̍mu̱pasthe̱ adi̍te̱radhi̍ | viprā̍so̱ aṇvyā̍ dhi̱yā
तं गावो॑ अ॒भ्य॑नूषत स॒हस्र॑धार॒मक्षि॑तम् । इन्दुं॑ ध॒र्तार॒मा दि॒वः
॥२॥taṃ gāvo̍ a̱bhya̍nūṣata sa̱hasra̍dhāra̱makṣi̍tam | indu̍ṃ dha̱rtāra̱mā di̱vaḥ
तं वे॒धां मे॒धया॑ह्य॒न्पव॑मान॒मधि॒ द्यवि॑ । ध॒र्ण॒सिं भूरि॑धायसम्
॥३॥taṃ ve̱dhāṃ me̱dhayā̍hya̱npava̍māna̱madhi̱ dyavi̍ | dha̱rṇa̱siṃ bhūri̍dhāyasam
तम॑ह्यन्भु॒रिजो॑र्धि॒या सं॒वसा॑नं वि॒वस्व॑तः । पतिं॑ वा॒चो अदा॑भ्यम्
॥४॥tama̍hyanbhu̱rijo̍rdhi̱yā sa̱ṃvasā̍naṃ vi̱vasva̍taḥ | pati̍ṃ vā̱co adā̍bhyam
तं साना॒वधि॑ जा॒मयो॒ हरिं॑ हिन्व॒न्त्यद्रि॑भिः । ह॒र्य॒तं भूरि॑चक्षसम्
॥५॥taṃ sānā̱vadhi̍ jā̱mayo̱ hari̍ṃ hinva̱ntyadri̍bhiḥ | ha̱rya̱taṃ bhūri̍cakṣasam
तं त्वा॑ हिन्वन्ति वे॒धस॒: पव॑मान गिरा॒वृध॑म् । इन्द॒विन्द्रा॑य मत्स॒रम्
॥६॥taṃ tvā̍ hinvanti ve̱dhasa̱: pava̍māna girā̱vṛdha̍m | inda̱vindrā̍ya matsa̱ram