अध्ययनम्
- अनुक्रमणिका
- मूलम्
५ कविर्भार्गव: । पवमान: सोम: । गायत्री ।
तं त्वा॑ नृ॒म्णानि॒ बिभ्र॑तं स॒धस्थे॑षु म॒हो दि॒वः । चारुं॑ सुकृ॒त्यये॑महे
॥१॥taṃ tvā̍ nṛ̱mṇāni̱ bibhra̍taṃ sa̱dhasthe̍ṣu ma̱ho di̱vaḥ | cāru̍ṃ sukṛ̱tyaye̍mahe
संवृ॑क्तधृष्णुमु॒क्थ्यं॑ म॒हाम॑हिव्रतं॒ मद॑म् । श॒तं पुरो॑ रुरु॒क्षणि॑म्
॥२॥saṃvṛ̍ktadhṛṣṇumu̱kthya̍ṃ ma̱hāma̍hivrata̱ṃ mada̍m | śa̱taṃ puro̍ ruru̱kṣaṇi̍m
अत॑स्त्वा र॒यिम॒भि राजा॑नं सुक्रतो दि॒वः । सु॒प॒र्णो अ॑व्य॒थिर्भ॑रत्
॥३॥ata̍stvā ra̱yima̱bhi rājā̍naṃ sukrato di̱vaḥ | su̱pa̱rṇo a̍vya̱thirbha̍rat
विश्व॑स्मा॒ इत्स्व॑र्दृ॒शे साधा॑रणं रज॒स्तुर॑म् । गो॒पामृ॒तस्य॒ विर्भ॑रत्
॥४॥viśva̍smā̱ itsva̍rdṛ̱śe sādhā̍raṇaṃ raja̱stura̍m | go̱pāmṛ̱tasya̱ virbha̍rat
अधा॑ हिन्वा॒न इ॑न्द्रि॒यं ज्यायो॑ महि॒त्वमा॑नशे । अ॒भि॒ष्टि॒कृद्विच॑र्षणिः
॥५॥adhā̍ hinvā̱na i̍ndri̱yaṃ jyāyo̍ mahi̱tvamā̍naśe | a̱bhi̱ṣṭi̱kṛdvica̍rṣaṇiḥ