athaikonatriṃśo'dhyāyaḥ|
samā̍stvāgna ṛ̱tavo̍ vardhayantu saṃvatsa̱rā ṛṣa̍yo̱ yāni̍ sa̱tyā |
saṃ di̱vyena̍ dīdihi roca̱nena̱ viśvā̱ ā bhā̍hi pra̱diśa̱ścata̍sraḥ
||29.1||समा॑स्त्वाग्न ऋ॒तवो॑ वर्धयन्तु संवत्स॒रा ऋष॑यो॒ यानि॑ स॒त्या ।
सं दि॒व्येन॑ दीदिहि रोच॒नेन॒ विश्वा॒ आ भा॑हि प्र॒दिश॒श्चत॑स्रः
saṃ ce̱dhyasvā̍gne̱ pra ca̍ bodhayaina̱mucca̍ tiṣṭha maha̱te sau̍bhagāya |
mā ca̍ riṣadupasa̱ttā te̍ agne bra̱hmāṇa̍ste ya̱śasa̍ḥ santu̱ mānye
||29.2||सं चे॒ध्यस्वा॑ग्ने॒ प्र च॑ बोधयैन॒मुच्च॑ तिष्ठ मह॒ते सौ॑भगाय ।
मा च॑ रिषदुपस॒त्ता ते॑ अग्ने ब्र॒ह्माण॑स्ते य॒शसः॑ सन्तु॒ मान्ये
tvāma̍gne vṛṇate brāhma̱ṇā i̱me śi̱vo a̍gne sa̱ṃvara̍ṇe bhavā naḥ |
sa̱pa̱tna̱hā no̍ abhimāti̱jicca̱ sve gaye̍ jāgṛ̱hyapra̍yucchan
||29.3||त्वाम॑ग्ने वृणते ब्राह्म॒णा इ॒मे शि॒वो अ॑ग्ने सं॒वर॑णे भवा नः ।
स॒प॒त्न॒हा नो॑ अभिमाति॒जिच्च॒ स्वे गये॑ जागृ॒ह्यप्र॑युच्छन्
i̱haivāgne̱ adhi̍ dhārayā ra̱yiṃ mā tvā̱ ni kra̍npūrva̱cito̍ nikā̱riṇa̍ḥ |
kṣa̱trama̍gne su̱yama̍mastu̱ tubhya̍mupasa̱ttā va̍rdhatāṃ te̱ ani̍ṣṭṛtaḥ
||29.4||इ॒हैवाग्ने॒ अधि॑ धारया र॒यिं मा त्वा॒ नि क्र॑न्पूर्व॒चितो॑ निका॒रिणः॑ ।
क्ष॒त्रम॑ग्ने सु॒यम॑मस्तु॒ तुभ्य॑मुपस॒त्ता व॑र्धतां ते॒ अनि॑ष्टृतः
kṣa̱treṇā̍gne̱ svāyu̱ḥ sṛ ra̍bhasva mi̱treṇā̍gne mitra̱dheye̍ yatasva |
sa̱jā̱tānā̍ṃ madhyama̱sthā e̍dhi̱ rājñā̍magne viha̱vyo̍ dīdihī̱ha
||29.5||क्ष॒त्रेणा॑ग्ने॒ स्वायुः॒ सृ र॑भस्व मि॒त्रेणा॑ग्ने मित्र॒धेये॑ यतस्व ।
स॒जा॒तानां॑ मध्यम॒स्था ए॑धि॒ राज्ञा॑मग्ने विह॒व्यो॑ दीदिही॒ह
ati̱ niho̱ ati̱ sridho'tyaci̍tti̱matyarā̍timagne |
viśvā̱ hya̍gne duri̱tā saha̱svāthā̱smabhyṛ̍ sa̱havī̍rṛ ra̱yiṃ dā̍ḥ
||29.6||अति॒ निहो॒ अति॒ स्रिधोऽत्यचि॑त्ति॒मत्यरा॑तिमग्ने ।
विश्वा॒ ह्य॑ग्ने दुरि॒ता सह॒स्वाथा॒स्मभ्य॑ृ स॒हवी॑रृ र॒यिं दाः॑
a̱nā̱dhṛ̱ṣyo jā̱tave̍dā̱ ani̍ṣṭṛto vi̱rāl̤a̍gne kṣatra̱bhṛddī̍dihī̱ha |
viśvā̱ āśā̍ḥ pramu̱ñcanmānu̍ṣīrbhi̱yaḥ śi̱vābhi̍ra̱dya pari̍ pāhi no vṛ̱dhe
||29.7||अ॒ना॒धृ॒ष्यो जा॒तवे॑दा॒ अनि॑ष्टृतो वि॒राळ॑ग्ने क्षत्र॒भृद्दी॑दिही॒ह ।
विश्वा॒ आशाः॑ प्रमु॒ञ्चन्मानु॑षीर्भि॒यः शि॒वाभि॑र॒द्य परि॑ पाहि नो वृ॒धे
bṛha̍spate savitarbo̱dhayai̍nṛ̱ sṛśi̍taṃ citsaṃta̱rṛ sṛ śi̍śādhi |
va̱rdhayai̍naṃ maha̱te sau̍bhagāya̱ viśva̍ ena̱manu̍ madantu de̱vāḥ
||29.8||बृह॑स्पते सवितर्बो॒धयै॑न॒ृ सृशि॑तं चित्संत॒राृ सृ शि॑शाधि ।
व॒र्धयै॑नं मह॒ते सौ॑भगाय॒ विश्व॑ एन॒मनु॑ मदन्तु दे॒वाः
a̱mu̱tra̱bhūyā̱dadha̱ yadya̱masya̱ bṛha̍spate a̱bhiśa̍ste̱ramu̍ñcaḥ |
pratyau̍hatāma̱śvinā̍ mṛ̱tyuma̍smādde̱vānā̍magne bhi̱ṣajā̱ śacī̍bhiḥ
||29.9||अ॒मु॒त्र॒भूया॒दध॒ यद्य॒मस्य॒ बृह॑स्पते अ॒भिश॑स्ते॒रमु॑ञ्चः ।
प्रत्यौ॑हताम॒श्विना॑ मृ॒त्युम॑स्माद्दे॒वाना॑मग्ने भि॒षजा॒ शची॑भिः
udva̱yaṃ tama̍sa̱spari̱ sva̱ḥ paśya̍nta̱ utta̍ram |
de̱vaṃ de̍va̱trā sūrya̱maga̍nma̱ jyoti̍rutta̱mam
||29.10||उद्व॒यं तम॑स॒स्परि॒ स्वः॒ पश्य॑न्त॒ उत्त॑रम् ।
दे॒वं दे॑व॒त्रा सूर्य॒मग॑न्म॒ ज्योति॑रुत्त॒मम्
ū̱rdhvā a̍sya sa̱midho̍ bhavantyū̱rdhvā śu̱krā śo̱cṛṣya̱gneḥ | dyu̱matta̍mā su̱pratī̍kasya sū̱noḥ
||29.11||ऊ॒र्ध्वा अ॑स्य स॒मिधो॑ भवन्त्यू॒र्ध्वा शु॒क्रा शो॒चीृष्य॒ग्नेः । द्यु॒मत्त॑मा सु॒प्रती॑कस्य सू॒नोः
tanū̱napā̱dasu̍ro vi̱śvave̍dā de̱vo de̱veṣu̍ de̱vaḥ | pa̱tho a̍naktu̱ madhvā̍ ghṛ̱tena̍
||29.12||तनू॒नपा॒दसु॑रो वि॒श्ववे॑दा दे॒वो दे॒वेषु॑ दे॒वः । प॒थो अ॑नक्तु॒ मध्वा॑ घृ॒तेन॑
madhvā̍ ya̱jñaṃ na̍kṣase prīṇā̱no narā̱śṛso̍ agne | su̱kṛdde̱vaḥ sa̍vi̱tā vi̱śvavā̍raḥ
||29.13||मध्वा॑ य॒ज्ञं न॑क्षसे प्रीणा॒नो नरा॒शृसो॑ अग्ने । सु॒कृद्दे॒वः स॑वि॒ता वि॒श्ववा॑रः
acchā̱yame̍ti̱ śava̍sā ghṛ̱tene̍l̤ā̱no vahni̱rnama̍sā | a̱gnṛ sruco̍ adhva̱reṣu̍ pra̱yatsu̍
||29.14||अच्छा॒यमे॑ति॒ शव॑सा घृ॒तेने॑ळा॒नो वह्नि॒र्नम॑सा । अ॒ग्निृ स्रुचो॑ अध्व॒रेषु॑ प्र॒यत्सु॑
sa ya̍kṣadasya mahi̱māna̍ma̱gneḥ sa ī̍ṃ ma̱ndrā su̍pra̱yasa̍ḥ | vasu̱śceti̍ṣṭho vasu̱dhāta̍maśca
||29.15||स य॑क्षदस्य महि॒मान॑म॒ग्नेः स ईं॑ म॒न्द्रा सु॑प्र॒यसः॑ । वसु॒श्चेति॑ष्ठो वसु॒धात॑मश्च
dvāro̍ de̱vīranva̍sya̱ viśve̍ vra̱tā da̍dante a̱gneḥ | u̱ru̱vyaca̍so̱ dhāmnā̱ patya̍mānāḥ
||29.16||द्वारो॑ दे॒वीरन्व॑स्य॒ विश्वे॑ व्र॒ता द॑दन्ते अ॒ग्नेः । उ॒रु॒व्यच॑सो॒ धाम्ना॒ पत्य॑मानाः
te a̍sya̱ yoṣa̍ṇe di̱vye na yonā̍ u̱ṣāsā̱naktā̍ | i̱maṃ ya̱jñamava̍tāmadhva̱raṃ na̍ḥ
||29.17||ते अ॑स्य॒ योष॑णे दि॒व्ये न योना॑ उ॒षासा॒नक्ता॑ । इ॒मं य॒ज्ञमव॑तामध्व॒रं नः॑
daivyā̍ hotārā ū̱rdhvama̍dhva̱raṃ no̱'gnerji̱hvāma̱bhi gṛ̍ṇītam | kṛ̱ṇu̱taṃ na̱ḥ svi̍ṣṭim
||29.18||दैव्या॑ होतारा ऊ॒र्ध्वम॑ध्व॒रं नो॒ऽग्नेर्जि॒ह्वाम॒भि गृ॑णीतम् । कृ॒णु॒तं नः॒ स्वि॑ष्टिम्
ti̱sro de̱vīrba̱rhiredṛ sa̍da̱ntvil̤ā̱ sara̍svatī̱ bhāra̍tī | ma̱hī gṛ̍ṇā̱nā
||29.19||ति॒स्रो दे॒वीर्ब॒र्हिरेदृ स॑द॒न्त्विळा॒ सर॑स्वती॒ भार॑ती । म॒ही गृ॑णा॒ना
tanna̍stu̱rīpa̱madbhu̍taṃ puru̱kṣu tvaṣṭā̍ su̱vīra̍m | rā̱yaspoṣa̱ṃ vi ṣya̍tu̱ nābhi̍ma̱sme
||29.20||तन्न॑स्तु॒रीप॒मद्भु॑तं पुरु॒क्षु त्वष्टा॑ सु॒वीर॑म् । रा॒यस्पोषं॒ वि ष्य॑तु॒ नाभि॑म॒स्मे
vana̍spa̱te'va̍ sṛjā̱ rarā̍ṇa̱stmanā̍ de̱veṣu̍ | a̱gnirha̱vyṛ śa̍mi̱tā sū̍dayāti
||29.21||वन॑स्प॒तेऽव॑ सृजा॒ ररा॑ण॒स्त्मना॑ दे॒वेषु॑ । अ॒ग्निर्ह॒व्यृ श॑मि॒ता सू॑दयाति
agne̱ svāhā̍ kṛṇuhi jātaveda̱ indrā̍ya ha̱vyam |
viśve̍ de̱vā ha̱viri̱daṃ ju̍ṣantām
||29.22||अग्ने॒ स्वाहा॑ कृणुहि जातवेद॒ इन्द्रा॑य ह॒व्यम् ।
विश्वे॑ दे॒वा ह॒विरि॒दं जु॑षन्ताम्
pīvo̍ annā rayi̱vṛdha̍ḥ sume̱dhāḥ śve̱taḥ si̍ṣakti ni̱yutā̍mabhi̱śrīḥ |
te vā̱yave̱ sama̍naso̱ vi ta̍sthu̱rviśvennara̍ḥ svapa̱tyāni̍ cakruḥ
||29.23||पीवो॑ अन्ना रयि॒वृधः॑ सुमे॒धाः श्वे॒तः सि॑षक्ति नि॒युता॑मभि॒श्रीः ।
ते वा॒यवे॒ सम॑नसो॒ वि त॑स्थु॒र्विश्वेन्नरः॑ स्वप॒त्यानि॑ चक्रुः
rā̱ye nu yaṃ ja̱jñatū̱ roda̍sī̱me rā̱ye de̱vī dhi̱ṣaṇā̍ dhāti de̱vam |
adha̍ vā̱yuṃ ni̱yuta̍ḥ saścata̱ svā u̱ta śve̱taṃ vasu̍dhitiṃ nire̱ke
||29.24||रा॒ये नु यं ज॒ज्ञतू॒ रोद॑सी॒मे रा॒ये दे॒वी धि॒षणा॑ धाति दे॒वम् ।
अध॑ वा॒युं नि॒युतः॑ सश्चत॒ स्वा उ॒त श्वे॒तं वसु॑धितिं निरे॒के
vā̱yura̍gre̱gā ya̍jña̱prīḥ sā̱kaṃ ga̱nmana̍sā ya̱jñam |
śi̱vo ni̱yudbhi̍ḥ śi̱vābhi̍ḥ
||29.25||वा॒युर॑ग्रे॒गा य॑ज्ञ॒प्रीः सा॒कं ग॒न्मन॑सा य॒ज्ञम् ।
शि॒वो नि॒युद्भिः॑ शि॒वाभिः॑
pra yābhi̱ryāsi̍ dā̱śvṛsa̱macchā̍ ni̱yudbhi̍rvāya i̱ṣṭaye̍ duro̱ṇe |
ni no̍ ra̱yṛ su̱bhoja̍saṃ yuvasva̱ ni vī̱raṃ gavya̱maśvya̍ṃ ca̱ rādha̍ḥ
||29.26||प्र याभि॒र्यासि॑ दा॒श्वाृस॒मच्छा॑ नि॒युद्भि॑र्वाय इ॒ष्टये॑ दुरो॒णे ।
नि नो॑ र॒यिृ सु॒भोज॑सं युवस्व॒ नि वी॒रं गव्य॒मश्व्यं॑ च॒ राधः॑
vāyo̱ ye te̍ saha̱sriṇo̱ rathā̍sa̱stebhi̱rā ga̍hi | ni̱yutvā̱ntsoma̍pītaye
||29.27||वायो॒ ये ते॑ सह॒स्रिणो॒ रथा॑स॒स्तेभि॒रा ग॑हि । नि॒युत्वा॒न्त्सोम॑पीतये
eka̍yā ca da̱śabhi̍śca svabhūte̱ dvābhyā̍mi̱ṣṭaye̍ vṛśa̱tī ca̍ |
ti̱sṛbhi̍śca̱ vaha̍se trṛ̱śatā̍ ca ni̱yudbhi̍rvāya i̱ha tā vi mu̍ñca
||29.28||एक॑या च द॒शभि॑श्च स्वभूते॒ द्वाभ्या॑मि॒ष्टये॑ विृश॒ती च॑ ।
ति॒सृभि॑श्च॒ वह॑से त्रि॒ृशता॑ च नि॒युद्भि॑र्वाय इ॒ह ता वि मु॑ञ्च
ni̱yutvā̍nvāya̱ ā ga̍hya̱yṛ śu̱kro a̍yāmi te | gantā̍si sunva̱to gṛ̱ham
||29.29||नि॒युत्वा॑न्वाय॒ आ ग॑ह्य॒यृ शु॒क्रो अ॑यामि ते । गन्ता॑सि सुन्व॒तो गृ॒हम्
vāyo̍ śu̱kro a̍yāmi te̱ madhvo̱ agra̱ṃ divi̍ṣṭiṣu |
ā yā̍hi̱ soma̍pītaye spā̱rho de̍va ni̱yutva̍tā
||29.30||वायो॑ शु॒क्रो अ॑यामि ते॒ मध्वो॒ अग्रं॒ दिवि॑ष्टिषु ।
आ या॑हि॒ सोम॑पीतये स्पा॒र्हो दे॑व नि॒युत्व॑ता
ā no̍ ni̱yudbhi̍ḥ śa̱tinī̍bhiradhva̱rṛ sa̍ha̱sriṇī̍bhi̱rupa̍ yāhi ya̱jñam |
vāyo̍ a̱smintsava̍ne mādayasva yū̱yaṃ pā̍ta sva̱stibhi̱ḥ sadā̍ naḥ
||29.31||आ नो॑ नि॒युद्भिः॑ श॒तिनी॑भिरध्व॒रृ स॑ह॒स्रिणी॑भि॒रुप॑ याहि य॒ज्ञम् ।
वायो॑ अ॒स्मिन्त्सव॑ने मादयस्व यू॒यं पा॑त स्व॒स्तिभिः॒ सदा॑ नः
tava̍ vāya ṛtaspate̱ tvaṣṭu̍rjāmātaradbhuta | avṛ̱syā vṛ̍ṇīmahe
||29.32||तव॑ वाय ऋतस्पते॒ त्वष्टु॑र्जामातरद्भुत । अवा॒ृस्या वृ॑णीमहे
hi̱ra̱ṇya̱ga̱rbha itye̱ṣaḥ | yena̱ dyauru̱grā pṛ̍thi̱vī ca̍ dṛ̱l̤ahā yena̱ sva̍ stabhi̱taṃ yena̱ nāka̍ḥ |
yo a̱ntari̍kṣe̱ raja̍so vi̱mānaḥ kasmai̍ de̱vāya̍ ha̱viṣā̍ vidhema
||29.33||हि॒र॒ण्य॒ग॒र्भ इत्ये॒षः । येन॒ द्यौरु॒ग्रा पृ॑थि॒वी च॑ दृ॒ळहा येन॒ स्व॑ स्तभि॒तं येन॒ नाकः॑ ।
यो अ॒न्तरि॑क्षे॒ रज॑सो वि॒मानः कस्मै॑ दे॒वाय॑ ह॒विषा॑ विधेम
yaṃ kranda̍sī̱ ava̍sā tastabhā̱ne a̱bhyaikṣe̍tā̱ṃ mana̍sā̱ reja̍māne |
yatrādhi̱ sūra̱ udi̍to vi̱bhāti̱ kasmai̍ de̱vāya̍ ha̱viṣā̍ vidhema
||29.34||यं क्रन्द॑सी॒ अव॑सा तस्तभा॒ने अ॒भ्यैक्षे॑तां॒ मन॑सा॒ रेज॑माने ।
यत्राधि॒ सूर॒ उदि॑तो वि॒भाति॒ कस्मै॑ दे॒वाय॑ ह॒विषा॑ विधेम
āpo̍ ha̱ yadbṛ̍ha̱tīrviśva̱māya̱ngarbha̱ṃ dadhā̍nā ja̱naya̍ntīra̱gnim |
tato̍ de̱vānṛ̱ sama̍varta̱tāsu̱reka̱ḥ kasmai̍ de̱vāya̍ ha̱viṣā̍ vidhema
||29.35||आपो॑ ह॒ यद्बृ॑ह॒तीर्विश्व॒माय॒न्गर्भं॒ दधा॑ना ज॒नय॑न्तीर॒ग्निम् ।
ततो॑ दे॒वाना॒ृ सम॑वर्त॒तासु॒रेकः॒ कस्मै॑ दे॒वाय॑ ह॒विषा॑ विधेम
yaści̱dāpo̍ mahi̱nā pa̱ryapa̍śya̱ddakṣa̱ṃ dadhā̍nā ja̱naya̍ntīrya̱jñam |
yo de̱veṣvadhi̍ de̱va eka̱ āsī̱tkasmai̍ de̱vāya̍ ha̱viṣā̍ vidhema |
mā no̍ hṛsījjani̱tā yaḥ pṛ̍thi̱vyā yo vā̱ divṛ̍ sa̱tyadha̍rmā ja̱jāna̍ |
yaścā̱paśca̱ndrā bṛ̍ha̱tīrja̱jāna̱ kasmai̍ de̱vāya̍ ha̱viṣā̍ vidhema|
prajā̍pate̱ na tvade̱tānya̱nyo viśvā̍ jā̱tāni̱ pari̱ tā ba̍bhūva |
yatkā̍māste juhu̱mastanno̍ astu va̱yṛ syā̍ma̱ pata̍yo rayī̱ṇām
||29.36||यश्चि॒दापो॑ महि॒ना प॒र्यप॑श्य॒द्दक्षं॒ दधा॑ना ज॒नय॑न्तीर्य॒ज्ञम् ।
यो दे॒वेष्वधि॑ दे॒व एक॒ आसी॒त्कस्मै॑ दे॒वाय॑ ह॒विषा॑ विधेम ।
मा नो॑ हिृसीज्जनि॒ता यः पृ॑थि॒व्या यो वा॒ दिव॑ृ स॒त्यध॑र्मा ज॒जान॑ ।
यश्चा॒पश्च॒न्द्रा बृ॑ह॒तीर्ज॒जान॒ कस्मै॑ दे॒वाय॑ ह॒विषा॑ विधेम।
प्रजा॑पते॒ न त्वदे॒तान्य॒न्यो विश्वा॑ जा॒तानि॒ परि॒ ता ब॑भूव ।
यत्का॑मास्ते जुहु॒मस्तन्नो॑ अस्तु व॒यृ स्या॑म॒ पत॑यो रयी॒णाम्
agna̱ āyṛ̍ṣi pavasa̱ ā su̱vorja̱miṣa̍ṃ ca naḥ| ā̱re bā̍dhasva du̱cchunā̍m
||29.37||अग्न॒ आयू॑ृषि पवस॒ आ सु॒वोर्ज॒मिषं॑ च नः। आ॒रे बा॑धस्व दु॒च्छुना॑म्
agne̱ pava̍sva̱ svapā̍ a̱sme varca̍ḥ su̱vīrya̍m | dadha̍dra̱yiṃ mayi̱ poṣam
||29.38||अग्ने॒ पव॑स्व॒ स्वपा॑ अ॒स्मे वर्चः॑ सु॒वीर्य॑म् । दध॑द्र॒यिं मयि॒ पोषम्
a̱gnirṛṣi̱ḥ pava̍māna̱ḥ pāñca̍janyaḥ pu̱rohi̍taḥ | tamī̍mahe mahāga̱yam
||29.39||अ॒ग्निरृषिः॒ पव॑मानः॒ पाञ्च॑जन्यः पु॒रोहि॑तः । तमी॑महे महाग॒यम्
a̱bhi tvā̍ śūra nonu̱mo'du̍gdhā iva dhe̱nava̍ḥ| īśā̍nama̱sya jaga̍taḥ sva̱rdṛśa̱mīśā̍namindra ta̱sthuṣa̍ḥ
||29.40||अ॒भि त्वा॑ शूर नोनु॒मोऽदु॑ग्धा इव धे॒नवः॑। ईशा॑नम॒स्य जग॑तः स्व॒र्दृश॒मीशा॑नमिन्द्र त॒स्थुषः॑
na tvāvā̍m̐2 a̱nyo di̱vyo na pārthi̍vo̱ na jā̱to na ja̍niṣyate |
a̱śvā̱yanto̍ maghavannindra vā̱jino̍ ga̱vyanta̍stvā havāmahe
||29.41||न त्वावाँ॑२ अ॒न्यो दि॒व्यो न पार्थि॑वो॒ न जा॒तो न ज॑निष्यते ।
अ॒श्वा॒यन्तो॑ मघवन्निन्द्र वा॒जिनो॑ ग॒व्यन्त॑स्त्वा हवामहे
tvāmiddhi havā̍mahe sā̱tau vāja̍sya kā̱rava̍ḥ |
tvāṃ vṛ̱treṣvi̍ndra̱ satpa̍ti̱ṃ nara̱stvāṃ kāṣṭhā̱svarva̍taḥ
||29.42||त्वामिद्धि हवा॑महे सा॒तौ वाज॑स्य का॒रवः॑ ।
त्वां वृ॒त्रेष्वि॑न्द्र॒ सत्प॑तिं॒ नर॒स्त्वां काष्ठा॒स्वर्व॑तः
sa tvaṃ na̍ścitra vajrahasta dhṛṣṇu̱yā ma̱haḥ sta̍vā̱no a̍drivaḥ |
gāmaśvṛ̍ ra̱thya̍mindra̱ saṃ ki̍ra sa̱trā vāja̱ṃ na ji̱gyuṣe̍
||29.43||स त्वं न॑श्चित्र वज्रहस्त धृष्णु॒या म॒हः स्त॑वा॒नो अ॑द्रिवः ।
गामश्व॑ृ र॒थ्य॑मिन्द्र॒ सं कि॑र स॒त्रा वाजं॒ न जि॒ग्युषे॑
kayā̍ naści̱tra ā bhu̍vadū̱tī sa̱dāvṛ̍dha̱ḥ sakhā̍ | kayā̱ śaci̍ṣṭhayā vṛ̱tā
||29.44||कया॑ नश्चि॒त्र आ भु॑वदू॒ती स॒दावृ॑धः॒ सखा॑ । कया॒ शचि॑ष्ठया वृ॒ता
kastvā̍ sa̱tyo madā̍nā̱ṃ mṛhi̍ṣṭho matsa̱dandha̍saḥ | dṛ̱l̤ahā ci̍dā̱ruje̱ vasu̍
||29.45||कस्त्वा॑ स॒त्यो मदा॑नां॒ मृहि॑ष्ठो मत्स॒दन्ध॑सः । दृ॒ळहा चि॑दा॒रुजे॒ वसु॑
a̱bhī ṣu ṇa̱ḥ sakhī̍nāmavi̱tā ja̍ritṝ̱ṇām | śa̱taṃ bha̍vāsyū̱taye̍
||29.46||अ॒भी षु णः॒ सखी॑नामवि॒ता ज॑रितॄ॒णाम् । श॒तं भ॑वास्यू॒तये॑
ya̱jñāya̍jñā vo a̱gnaye̍ gi̱rāgi̍rā ca̱ dakṣa̍se |
prapra̍ va̱yama̱mṛta̍ṃ jā̱tave̍dasaṃ pri̱yaṃ mi̱traṃ na śṛ̍siṣam
||29.47||य॒ज्ञाय॑ज्ञा वो अ॒ग्नये॑ गि॒रागि॑रा च॒ दक्ष॑से ।
प्रप्र॑ व॒यम॒मृतं॑ जा॒तवे॑दसं प्रि॒यं मि॒त्रं न श॑ृसिषम्
ū̱rjo napā̍tṛ̱ sa hi̱nāyama̍sma̱yurdāśe̍ma ha̱vyadā̍taye |
bhuva̱dvāje̍ṣvavi̱tā bhuva̍dvṛ̱dha u̱ta trā̱tā ta̱nūnā̍m
||29.48||ऊ॒र्जो नपा॑त॒ृ स हि॒नायम॑स्म॒युर्दाशे॑म ह॒व्यदा॑तये ।
भुव॒द्वाजे॑ष्ववि॒ता भुव॑द्वृ॒ध उ॒त त्रा॒ता त॒नूना॑म्
sa̱ṃva̱tsa̱ro̍'si parivatsa̱ro̍'sīdāvatsa̱ro̍'sīdvatsa̱ro̍'si vatsa̱ro̍'si |
u̱ṣasa̍ste kalpantāmahorā̱trāste̍ kalpantāmardhamā̱sāste̍ kalpantā̱ṃ māsā̍ste kalpantāmṛ̱tava̍ste
kalpantṛ saṃvatsa̱raste̍ kalpatām
||29.49||सं॒व॒त्स॒रो॑ऽसि परिवत्स॒रो॑ऽसीदावत्स॒रो॑ऽसीद्वत्स॒रो॑ऽसि वत्स॒रो॑ऽसि ।
उ॒षस॑स्ते कल्पन्तामहोरा॒त्रास्ते॑ कल्पन्तामर्धमा॒सास्ते॑ कल्पन्तां॒ मासा॑स्ते कल्पन्तामृ॒तव॑स्ते
कल्पन्ताृ संवत्स॒रस्ते॑ कल्पताम्
pretyā̱ etyai̱ saṃ cāñca̱ pra ca̍ sāraya |
su̱pa̱rṇa̱cida̍si̱ tayā̍ de̱vata̍yāṅgira̱svad dhru̱vaḥ sī̍da
||29.50||प्रेत्या॒ एत्यै॒ सं चाञ्च॒ प्र च॑ सारय ।
सु॒प॒र्ण॒चिद॑सि॒ तया॑ दे॒वत॑याङ्गिर॒स्वद् ध्रु॒वः सी॑द