somalokavarṇanam
gaṇāvūcatuḥ
alakāyāḥ purobhāge pūraiśānīmahodayā ||
asyāṃ vasaṃti satataṃ rudrabhaktāstapodhanāḥ
||1||अलकायाः पुरोभागे पूरैशानीमहोदया ॥
अस्यां वसंति सततं रुद्रभक्तास्तपोधनाः
śivasmaraṇasaṃsaktāḥ śivavrataparāyaṇāḥ ||
śivasātkṛtakarmāṇaḥ śivapūjāratāḥ sadā
||2||शिवस्मरणसंसक्ताः शिवव्रतपरायणाः ॥
शिवसात्कृतकर्माणः शिवपूजारताः सदा
sābhilāṣāstapasyaṃti svargabhogostvitīha naḥ ||
te'tra rudrapure ramye rudrarūpadharā narāḥ
||3||साभिलाषास्तपस्यंति स्वर्गभोगोस्त्वितीह नः ॥
तेऽत्र रुद्रपुरे रम्ये रुद्ररूपधरा नराः
ajaikapādahirbudhnya mukhyā ekādaśāpi vai ||
rudrāḥ parivṛḍhāścātra triśūlodyatapāṇayaḥ
||4||अजैकपादहिर्बुध्न्य मुख्या एकादशापि वै ॥
रुद्राः परिवृढाश्चात्र त्रिशूलोद्यतपाणयः
puryaṣṭakaṃ ca duṣṭebhyo devadhrugbhyo hyavaṃti te ||
prayacchaṃti varānnityaṃ śivabhaktajane varāḥ
||5||पुर्यष्टकं च दुष्टेभ्यो देवध्रुग्भ्यो ह्यवंति ते ॥
प्रयच्छंति वरान्नित्यं शिवभक्तजने वराः
etairapi tapastaptaṃ prāpya vārāṇasīṃ purīm ||
īśāneśaṃ mahāliṃgaṃ paristhāpya śubhapradam
||6||एतैरपि तपस्तप्तं प्राप्य वाराणसीं पुरीम् ॥
ईशानेशं महालिंगं परिस्थाप्य शुभप्रदम्
īśāneśa prasādena diśyaiśyāṃ hi digīśvarāḥ ||
ekādaśāpyekacarā jaṭāmukuṭamaṃḍitāḥ
||7||ईशानेश प्रसादेन दिश्यैश्यां हि दिगीश्वराः ॥
एकादशाप्येकचरा जटामुकुटमंडिताः
bhālanetrā nīlagalāḥ śuddhāṃgā vṛṣabhadhvajāḥ ||
asaṃkhyātāḥ sahasrāṇi ye rudrā adhibhūtalam
||8||भालनेत्रा नीलगलाः शुद्धांगा वृषभध्वजाः ॥
असंख्याताः सहस्राणि ये रुद्रा अधिभूतलम्
te'syāṃ puri vasaṃtyaiśyāṃ sarvabhogasamṛddhayaḥ ||
īśāneśaṃ samabhyarcya kāśyāṃ deśāṃtareṣvapi
||9||तेऽस्यां पुरि वसंत्यैश्यां सर्वभोगसमृद्धयः ॥
ईशानेशं समभ्यर्च्य काश्यां देशांतरेष्वपि
vipannāstena puṇyena jāyaṃte 'trapurohitāḥ ||
aṣṭamyāṃ ca caturdaśyāmīśāneśaṃ yajaṃti ye
||10||विपन्नास्तेन पुण्येन जायंते ऽत्रपुरोहिताः ॥
अष्टम्यां च चतुर्दश्यामीशानेशं यजंति ये
ta eva rudrā vijñeyā ihāmutrāpyasaṃśayam ||
kṛtvā jāgaraṇaṃ rātrāvīśāneśvara saṃnidhau
||11||त एव रुद्रा विज्ञेया इहामुत्राप्यसंशयम् ॥
कृत्वा जागरणं रात्रावीशानेश्वर संनिधौ
upoṣyabhūtāṃyāṃkāṃcinna naro garbhabhākpunaḥ ||
svargamārge kathāmitthaṃ śṛṇvanviṣṇugaṇoditām
||12||उपोष्यभूतांयांकांचिन्न नरो गर्भभाक्पुनः ॥
स्वर्गमार्गे कथामित्थं शृण्वन्विष्णुगणोदिताम्
śivaśarmā divāpyuccairapaśyaccaṃdracaṃdrikām ||
āhlādayaṃtīṃ bahuśaḥ samaṃ sarveṃdriyairmanaḥ
||13||शिवशर्मा दिवाप्युच्चैरपश्यच्चंद्रचंद्रिकाम् ॥
आह्लादयंतीं बहुशः समं सर्वेंद्रियैर्मनः
camatkṛtya camatkṛtya koyaṃ loko harergaṇau ||
papraccha śivaśarmā tau procatustaṃ ca tau dvijam
||14||चमत्कृत्य चमत्कृत्य कोयं लोको हरेर्गणौ ॥
पप्रच्छ शिवशर्मा तौ प्रोचतुस्तं च तौ द्विजम्
gaṇāvūcatuḥ
śivaśarmanmahābhāga loka eṣa kalānidheḥ ||
pīyūṣavarṣibhiryasya karairāpyāyyate jagat
||15||शिवशर्मन्महाभाग लोक एष कलानिधेः ॥
पीयूषवर्षिभिर्यस्य करैराप्याय्यते जगत्
pitā somasya bho vipra jajñe'trirbhagavānṛṣiḥ ||
brahmaṇo mānasātpūrvaṃ prajāsargaṃ vidhitsataḥ
||16||पिता सोमस्य भो विप्र जज्ञेऽत्रिर्भगवानृषिः ॥
ब्रह्मणो मानसात्पूर्वं प्रजासर्गं विधित्सतः
anuttaraṃ nāma tapo yena taptaṃ hi tatpurā ||
trīṇivarṣasahasrāṇi divyānītīha nau śrutam
||17||अनुत्तरं नाम तपो येन तप्तं हि तत्पुरा ॥
त्रीणिवर्षसहस्राणि दिव्यानीतीह नौ श्रुतम्
ūrdhvamācakrame tasya retaḥ somatvamīyivat ||
netrābhyāṃ tacca susrāva daśadhā dyotayaddiśaḥ
||18||ऊर्ध्वमाचक्रमे तस्य रेतः सोमत्वमीयिवत् ॥
नेत्राभ्यां तच्च सुस्राव दशधा द्योतयद्दिशः
taṃ garbhaṃ vidhinā diṣṭā daśa devyo dadhustataḥ ||
sametya dhārayāmāsurnaiva tāḥ samaśaknuvan
||19||तं गर्भं विधिना दिष्टा दश देव्यो दधुस्ततः ॥
समेत्य धारयामासुर्नैव ताः समशक्नुवन्
yadā na dhāraṇe śaktāstasya garbhasya tā diśaḥ ||
tatastābhiḥ sajūḥ somo nipapāta vasuṃdharām
||20||यदा न धारणे शक्तास्तस्य गर्भस्य ता दिशः ॥
ततस्ताभिः सजूः सोमो निपपात वसुंधराम्
patitaṃ somamālokya brahmā lo kapitāmahaḥ ||
rathamāropayāmāsa lokānāṃ hitakāmyayā
||21||पतितं सोममालोक्य ब्रह्मा लो कपितामहः ॥
रथमारोपयामास लोकानां हितकाम्यया
sa tena rathamukhyena sāgarāṃtāṃ vasuṃdharām ||
triḥsaptakṛtvo druhiṇaścakārāmuṃ pradakṣiṇam
||22||स तेन रथमुख्येन सागरांतां वसुंधराम् ॥
त्रिःसप्तकृत्वो द्रुहिणश्चकारामुं प्रदक्षिणम्
tasya yatplavitaṃ tejaḥ pṛthivīmanvapadyata ||
tathauṣadhyaḥ samudbhūtā yābhiḥ saṃdhāryate jagat
||23||तस्य यत्प्लवितं तेजः पृथिवीमन्वपद्यत ॥
तथौषध्यः समुद्भूता याभिः संधार्यते जगत्
salabdhatejā bhagavānbrahmaṇā vardhitaḥ svayam ||
tapastepe mahābhāga padmānāṃ daśatīrdaśa
||24||सलब्धतेजा भगवान्ब्रह्मणा वर्धितः स्वयम् ॥
तपस्तेपे महाभाग पद्मानां दशतीर्दश
avimuktaṃ samāsādya kṣetraṃ paramapāvanam ||
saṃsthāpya liṃgamamṛtaṃ caṃdreśākhyaṃ svanāmataḥ
||25||अविमुक्तं समासाद्य क्षेत्रं परमपावनम् ॥
संस्थाप्य लिंगममृतं चंद्रेशाख्यं स्वनामतः
bījauṣadhīnāṃ toyānāṃ rājābhūdagrajanmanām ||
prasādāddevadevasya viśveśasya pinākinaḥ
||26||बीजौषधीनां तोयानां राजाभूदग्रजन्मनाम् ॥
प्रसादाद्देवदेवस्य विश्वेशस्य पिनाकिनः
tatra kūpaṃ vidhāyaikamamṛtodamiti smṛtam ||
yasyāṃbupānasnānābhyāṃ naro'jñātātpramucyate
||27||तत्र कूपं विधायैकममृतोदमिति स्मृतम् ॥
यस्यांबुपानस्नानाभ्यां नरोऽज्ञातात्प्रमुच्यते
tuṣṭenadevadevena svamaulau yo dhṛtaḥ svayam ||
ādāya tāṃ kalāmekāṃ jagatsaṃjavinīṃ parām
||28||तुष्टेनदेवदेवेन स्वमौलौ यो धृतः स्वयम् ॥
आदाय तां कलामेकां जगत्संजविनीं पराम्
paścāddakṣeṇa śaptopi māsone kṣayamāpya ca ||
āpyāyyatesau kalayā punareva tayā śaśī
||29||पश्चाद्दक्षेण शप्तोपि मासोने क्षयमाप्य च ॥
आप्याय्यतेसौ कलया पुनरेव तया शशी
sa tatprāpya mahārājyaṃ somaḥ somavatāṃ varaḥ ||
rājasūyaṃ samājahre sahasraśatadakṣiṇam
||30||स तत्प्राप्य महाराज्यं सोमः सोमवतां वरः ॥
राजसूयं समाजह्रे सहस्रशतदक्षिणम्
dakṣiṇāmadadatsomastrīṃllokāniti nau śrutam ||
tebhyo brahmarṣimukhyebhyaḥ sadasyebhyaśca bho dvija
||31||दक्षिणामददत्सोमस्त्रींल्लोकानिति नौ श्रुतम् ॥
तेभ्यो ब्रह्मर्षिमुख्येभ्यः सदस्येभ्यश्च भो द्विज
hiraṇyagarbho brahmā'trirbhṛguryatrartvijobhavan ||
sadasyobhūddharistatra munibhirbahubhiryutaḥ
||32||हिरण्यगर्भो ब्रह्माऽत्रिर्भृगुर्यत्रर्त्विजोभवन् ॥
सदस्योभूद्धरिस्तत्र मुनिभिर्बहुभिर्युतः
taṃsinī ca kuhūścaiva dyutiḥ puṣṭiḥ prabhāvasuḥ ||
kīrtirdhṛtiśca lakṣmīśca navadevyaḥ siṣevire
||33||तंसिनी च कुहूश्चैव द्युतिः पुष्टिः प्रभावसुः ॥
कीर्तिर्धृतिश्च लक्ष्मीश्च नवदेव्यः सिषेविरे
umayā sahitaṃ rudraṃ saṃtarpyādhvarakarmaṇā ||
prāpa soma iti khyātiṃ dattāṃ somena śaṃbhunā
||34||उमया सहितं रुद्रं संतर्प्याध्वरकर्मणा ॥
प्राप सोम इति ख्यातिं दत्तां सोमेन शंभुना
tatraiva taptavānsomastapaḥ paramaduṣkaram ||
tatraiva rājasūyaṃ ca cakre caṃdreśvarāgrataḥ
||35||तत्रैव तप्तवान्सोमस्तपः परमदुष्करम् ॥
तत्रैव राजसूयं च चक्रे चंद्रेश्वराग्रतः
tatraiva brāhmaṇaiḥ prītairityuktosau kalānidhiḥ ||
somosmākaṃ brāhmaṇānāṃ rājā trailokyadakṣiṇaḥ
||36||तत्रैव ब्राह्मणैः प्रीतैरित्युक्तोसौ कलानिधिः ॥
सोमोस्माकं ब्राह्मणानां राजा त्रैलोक्यदक्षिणः
tatraiva devadevasya vilocanapadaṃ gataḥ ||
devena prītamanasā trailokyāhlādahetave
||37||तत्रैव देवदेवस्य विलोचनपदं गतः ॥
देवेन प्रीतमनसा त्रैलोक्याह्लादहेतवे
tvaṃ mamāsya parāmūrtirityuktastattapobalāt ||
jagattavodayaṃ prāpya bhaviṣyati sukhodayam
||38||त्वं ममास्य परामूर्तिरित्युक्तस्तत्तपोबलात् ॥
जगत्तवोदयं प्राप्य भविष्यति सुखोदयम्
tvatpīyūṣamayairhastaiḥ spṛṣṭametaccarācaram ||
bhānutāpaparītaṃ ca parā glāniṃ vihāsyati
||39||त्वत्पीयूषमयैर्हस्तैः स्पृष्टमेतच्चराचरम् ॥
भानुतापपरीतं च परा ग्लानिं विहास्यति
etaduktvā maheśāno varānanyānadānmudā ||
dvijarājatapastaptaṃ yadatyugraṃ tvayātra vai
||40||एतदुक्त्वा महेशानो वरानन्यानदान्मुदा ॥
द्विजराजतपस्तप्तं यदत्युग्रं त्वयात्र वै
yacca kratu kriyotsargastvayā mahyaṃ niveditaḥ ||
sthāpitaṃ yattvidaṃ liṃgaṃ mama caṃdreśvarābhidham
||41||यच्च क्रतु क्रियोत्सर्गस्त्वया मह्यं निवेदितः ॥
स्थापितं यत्त्विदं लिंगं मम चंद्रेश्वराभिधम्
tatotra liṃge tvannāmni somasomārdharūpadhṛk ||
pratimāsaṃ paṃcadaśyāṃ śuklāyāṃ sarvagopyaham
||42||ततोत्र लिंगे त्वन्नाम्नि सोमसोमार्धरूपधृक् ॥
प्रतिमासं पंचदश्यां शुक्लायां सर्वगोप्यहम्
ahorātraṃ vasiṣyāmi trailokyaiśvaryasaṃyutaḥ ||
tatotra pūrṇimāyāṃ tu kṛtā svalpāpi satkriyā
||43||अहोरात्रं वसिष्यामि त्रैलोक्यैश्वर्यसंयुतः ॥
ततोत्र पूर्णिमायां तु कृता स्वल्पापि सत्क्रिया
japahomārcanadhyānadānabrāhmaṇabhojanam ||
mahāpūjā ca sā nūnaṃ mama prītyai bhaviṣyati
||44||जपहोमार्चनध्यानदानब्राह्मणभोजनम् ॥
महापूजा च सा नूनं मम प्रीत्यै भविष्यति
jīrṇoddhārādikaraṇaṃ nṛtyavādyādikārpaṇam ||
dhvajāropaṇakarmādi tapasviyatitaparṇam
||45||जीर्णोद्धारादिकरणं नृत्यवाद्यादिकार्पणम् ॥
ध्वजारोपणकर्मादि तपस्वियतितपर्णम्
caṃdreśvare kṛtaṃ sarvaṃ tadānaṃtyāya jāyate ||
anyacca te pravakṣyāmi śṛṇu guhyaṃ kalānidhe
||46||चंद्रेश्वरे कृतं सर्वं तदानंत्याय जायते ॥
अन्यच्च ते प्रवक्ष्यामि शृणु गुह्यं कलानिधे
abhaktāya ca nākhyeyaṃ nāstikāya śrutidruhe ||
amāvāsyā yadā soma jāyate somavāsare
||47||अभक्ताय च नाख्येयं नास्तिकाय श्रुतिद्रुहे ॥
अमावास्या यदा सोम जायते सोमवासरे
tadopavāsaḥ kartavyo bhūtāyāṃ sadbhirādarāt ||
kṛtanityakriyaḥ soma trayodaśyāṃ niśāmaya
||48||तदोपवासः कर्तव्यो भूतायां सद्भिरादरात् ॥
कृतनित्यक्रियः सोम त्रयोदश्यां निशामय
śanipradoṣe saṃpūjya liṃgaṃ caṃdreśvarāhvayam ||
naktaṃ kṛtvā trayodaśyāṃ niyamaṃ parigṛhya ca
||49||शनिप्रदोषे संपूज्य लिंगं चंद्रेश्वराह्वयम् ॥
नक्तं कृत्वा त्रयोदश्यां नियमं परिगृह्य च
upoṣya ca caturdaśyāṃ kṛtvā jāgaraṇaṃ niśi ||
prātaḥ somakuhūyoge snātvā caṃdrodavāribhiḥ
||50||उपोष्य च चतुर्दश्यां कृत्वा जागरणं निशि ॥
प्रातः सोमकुहूयोगे स्नात्वा चंद्रोदवारिभिः
upāsya saṃdhyāṃ vidhivatkṛtasarvodaka kriyaḥ ||
upacaṃdrodatīrtheṣu śrāddhaṃ vidhivadācaret
||51||उपास्य संध्यां विधिवत्कृतसर्वोदक क्रियः ॥
उपचंद्रोदतीर्थेषु श्राद्धं विधिवदाचरेत्
āvāhanārghyarahitaṃ piṃḍāndadyātprayatnataḥ ||
vasurudrāditisutasvarūpapuruṣatrayam
||52||आवाहनार्घ्यरहितं पिंडान्दद्यात्प्रयत्नतः ॥
वसुरुद्रादितिसुतस्वरूपपुरुषत्रयम्
mātāmahāṃstathoddiśya tathānyānapi gotrajān ||
guruśvaśurabaṃdhūnāṃ nāmānyuccārya piṃḍadaḥ
||53||मातामहांस्तथोद्दिश्य तथान्यानपि गोत्रजान् ॥
गुरुश्वशुरबंधूनां नामान्युच्चार्य पिंडदः
kurvañchrāddhaṃ ca tīrthesmiñchraddhayoddharatekhilān ||
gayāyāṃ piṃḍadānena yathā tupyaṃti pūrvajāḥ
||54||कुर्वञ्छ्राद्धं च तीर्थेस्मिञ्छ्रद्धयोद्धरतेखिलान् ॥
गयायां पिंडदानेन यथा तुप्यंति पूर्वजाः
tathā caṃdrodakuṃḍe'tra śrāddhaistṛpyaṃti pūrvajāḥ ||
gayāyāṃ ca yathā mucyetsarvarṇātpitṛjānnaraḥ
||55||तथा चंद्रोदकुंडेऽत्र श्राद्धैस्तृप्यंति पूर्वजाः ॥
गयायां च यथा मुच्येत्सर्वर्णात्पितृजान्नरः
tathā pramucyate carṇāccaṃdrode piṇḍadānataḥ ||
yadā caṃdreśvaraṃ draṣṭuṃ yāyātkopi narottamaḥ
||56||तथा प्रमुच्यते चर्णाच्चंद्रोदे पिण्डदानतः ॥
यदा चंद्रेश्वरं द्रष्टुं यायात्कोपि नरोत्तमः
tadā nṛtyaṃti muditāstatpūrvaprapitāmahāḥ ||
ayaṃ caṃdrodatīrthesmiṃstarpaṇaṃ naḥ kariṣyati
||57||तदा नृत्यंति मुदितास्तत्पूर्वप्रपितामहाः ॥
अयं चंद्रोदतीर्थेस्मिंस्तर्पणं नः करिष्यति
asmākaṃ maṃdabhāgyatvādyadi naiva kariṣyati ||
tadātattīrtha saṃsparśādasmattṛptirbhaviṣyati
||58||अस्माकं मंदभाग्यत्वाद्यदि नैव करिष्यति ॥
तदातत्तीर्थ संस्पर्शादस्मत्तृप्तिर्भविष्यति
spṛśennāpi yadā maṃdastadā drakṣyati tṛptaye ||
evaṃ śrāddhaṃ vidhāyātha spṛṣṭvā caṃdreśvaraṃ vratī ||
saṃtarpya viprāṃśca yatīnkuryādvai pāraṇaṃ tataḥ
||59||स्पृशेन्नापि यदा मंदस्तदा द्रक्ष्यति तृप्तये ॥
एवं श्राद्धं विधायाथ स्पृष्ट्वा चंद्रेश्वरं व्रती ॥
संतर्प्य विप्रांश्च यतीन्कुर्याद्वै पारणं ततः
evaṃ vrate kṛte kāśyāṃ sadarśe somavāsare ||
bhavedṛṇatrayānmukto mṛgāṃkamadanugrahāt
||60||एवं व्रते कृते काश्यां सदर्शे सोमवासरे ॥
भवेदृणत्रयान्मुक्तो मृगांकमदनुग्रहात्
atra yātrā mahācaitryāṃ kāryā kṣetranivāsibhiḥ ||
tārakajñānalābhāya kṣetravighnanivartinī
||61||अत्र यात्रा महाचैत्र्यां कार्या क्षेत्रनिवासिभिः ॥
तारकज्ञानलाभाय क्षेत्रविघ्ननिवर्तिनी
caṃdreśvaraṃ samabhyarcya yadyanyatrāpi saṃsthitaḥ ||
aghaughapaṭalīṃ bhittvā somalokamavāpsyati
||62||चंद्रेश्वरं समभ्यर्च्य यद्यन्यत्रापि संस्थितः ॥
अघौघपटलीं भित्त्वा सोमलोकमवाप्स्यति
kalau caṃdreśamahimā nābhāgyairavagamyate ||
anyacca te pravakṣyāmi paraṃ guhyaṃ niśāpate
||63||कलौ चंद्रेशमहिमा नाभाग्यैरवगम्यते ॥
अन्यच्च ते प्रवक्ष्यामि परं गुह्यं निशापते
siddhayogīśvaraṃ pīṭhametatsādhakasiddhidam ||
surāsureṣu gaṃdharva nāgavidyādhareṣvapi
||64||सिद्धयोगीश्वरं पीठमेतत्साधकसिद्धिदम् ॥
सुरासुरेषु गंधर्व नागविद्याधरेष्वपि
rakṣoguhyakayakṣeṣu kiṃnareṣu nareṣu ca ||
saptakoṭyastu siddhānāmatra siddhā mamāgrataḥ 65 ||
ṣaṇmāsaṃ niyatāhāro dhyāyanviśveśvarīmiha ||
caṃdreśvarārcanāyātānsiddhānpaśyati so'gragān
||66||रक्षोगुह्यकयक्षेषु किंनरेषु नरेषु च ॥
सप्तकोट्यस्तु सिद्धानामत्र सिद्धा ममाग्रतः ६५ ॥
षण्मासं नियताहारो ध्यायन्विश्वेश्वरीमिह ॥
चंद्रेश्वरार्चनायातान्सिद्धान्पश्यति सोऽग्रगान्
siddhayogīśvarī sākṣādvaradā tasya jāyate ||
tavāpi mahatī siddhiḥ siddhayogīśvarīkṣaṇāt
||67||सिद्धयोगीश्वरी साक्षाद्वरदा तस्य जायते ॥
तवापि महती सिद्धिः सिद्धयोगीश्वरीक्षणात्
saṃti pāṭhānyanekāni kṣitau sādhakasiddhaye ||
paraṃ yogīśvarī pīṭhādbhūpṛṣṭhenāśu siddhidam
||68||संति पाठान्यनेकानि क्षितौ साधकसिद्धये ॥
परं योगीश्वरी पीठाद्भूपृष्ठेनाशु सिद्धिदम्
yatra caṃdreśvaraṃ liṃgaṃ tvayedaṃ sthāpitaṃ śaśin ||
idameva hi tatpīṭhamadṛśyamakṛtātmabhiḥ
||69||यत्र चंद्रेश्वरं लिंगं त्वयेदं स्थापितं शशिन् ॥
इदमेव हि तत्पीठमदृश्यमकृतात्मभिः
jitakāmā jitakrodhā jitalobhaspṛhāsmitāḥ ||
yogīśvarīṃ prapaśyaṃti mama śaktiparāṃ hitām
||70||जितकामा जितक्रोधा जितलोभस्पृहास्मिताः ॥
योगीश्वरीं प्रपश्यंति मम शक्तिपरां हिताम्
ye tu pratyaṣṭami janāstathā prati caturdaśi ||
siddhayogīśvarīpīṭhe pūjayiṣyaṃti bhāvitāḥ
||71||ये तु प्रत्यष्टमि जनास्तथा प्रति चतुर्दशि ॥
सिद्धयोगीश्वरीपीठे पूजयिष्यंति भाविताः
adṛṣṭarūpāṃ subhagāṃ piṃgalāṃ sarvasiddhidām ||
dhūpanaivedyadīpādyaisteṣāmāvirbhaviṣyati
||72||अदृष्टरूपां सुभगां पिंगलां सर्वसिद्धिदाम् ॥
धूपनैवेद्यदीपाद्यैस्तेषामाविर्भविष्यति
iti dattvā varāñchaṃbhustasmai caṃdramase dvija ||
aṃtarhito maheśānastatra vaiśveśvare pure
||73||इति दत्त्वा वराञ्छंभुस्तस्मै चंद्रमसे द्विज ॥
अंतर्हितो महेशानस्तत्र वैश्वेश्वरे पुरे
tadārabhya ca loke'smindvijarājodhipobhavat ||
diśovitimirāḥ kurvannijaiḥ prasṛmaraiḥ karaiḥ
||74||तदारभ्य च लोकेऽस्मिन्द्विजराजोधिपोभवत् ॥
दिशोवितिमिराः कुर्वन्निजैः प्रसृमरैः करैः
somavāravratakṛtaḥ somapānaratā narāḥ ||
somaprabheṇayānena somalokaṃ vrajaṃti hi
||75||सोमवारव्रतकृतः सोमपानरता नराः ॥
सोमप्रभेणयानेन सोमलोकं व्रजंति हि
caṃdreśvarasamutpattiṃ tathā cāṃdramasaṃ tapaḥ ||
yaḥ śroṣyati naro bhaktyā caṃdraloke sa ijyate
||76||चंद्रेश्वरसमुत्पत्तिं तथा चांद्रमसं तपः ॥
यः श्रोष्यति नरो भक्त्या चंद्रलोके स इज्यते
agastiruvāca
śivaśarmaṇi śarmakāriṇīṃ pa thi divye śramahāriṇīṃ gaṇau ||
kathayaṃtau tu kathāmimāṃ śubhāmuḍulokaṃ parijagmatustataḥ
||77||शिवशर्मणि शर्मकारिणीं प थि दिव्ये श्रमहारिणीं गणौ ॥
कथयंतौ तु कथामिमां शुभामुडुलोकं परिजग्मतुस्ततः
iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe somalokavarṇanaṃ nāma caturdaśo'dhyāyaḥ || 14 ||