caturbhujābhiṣekaḥ
śivaśarmovāca
satyalokeśvara vidhe sarveṣāṃ prapitāmaha ||
kiṃcidvijñaptukāmosmi na bhayādvaktumutsahe
||1||सत्यलोकेश्वर विधे सर्वेषां प्रपितामह ॥
किंचिद्विज्ञप्तुकामोस्मि न भयाद्वक्तुमुत्सहे
brahmovāca
yattvaṃ praṣṭumanā vipra jñātaṃ te tanmanogatam ||
pipṛcchiṣustvaṃ nirvāṇaṃ gaṇau tatkathayiṣyataḥ
||2||यत्त्वं प्रष्टुमना विप्र ज्ञातं ते तन्मनोगतम् ॥
पिपृच्छिषुस्त्वं निर्वाणं गणौ तत्कथयिष्यतः
netayorviṣṇugaṇayoragocaramihāsti hi ||
sarvametau vijānīto yatkiṃcidbrahmago lake
||3||नेतयोर्विष्णुगणयोरगोचरमिहास्ति हि ॥
सर्वमेतौ विजानीतो यत्किंचिद्ब्रह्मगो लके
ityuktvā satkṛtāste vai brahmaṇā bhagavadgaṇāḥ ||
praṇamya lokakartāraṃ te'pi hṛṣṭāḥ pratasthire
||4||इत्युक्त्वा सत्कृतास्ते वै ब्रह्मणा भगवद्गणाः ॥
प्रणम्य लोककर्तारं तेऽपि हृष्टाः प्रतस्थिरे
punaḥ svayānamāruhya vaikuṃṭhamabhito yayuḥ ||
gacchatāpi punastatra dvijenāpṛcchitau gaṇau
||5||पुनः स्वयानमारुह्य वैकुंठमभितो ययुः ॥
गच्छतापि पुनस्तत्र द्विजेनापृच्छितौ गणौ
śivaśarmovāca
kiyaddūre vayaṃ prāptā gaṃtavyaṃ ca kiyatpunaḥ ||
pṛcchāmyanyacca vāṃ bhadrau brūtaṃ prītyā tadapyaho
||6||कियद्दूरे वयं प्राप्ता गंतव्यं च कियत्पुनः ॥
पृच्छाम्यन्यच्च वां भद्रौ ब्रूतं प्रीत्या तदप्यहो
kāṃcyavaṃtī dvāravatī kāśyayodhyā ca paṃcamī ||
māyāpurī ca mathurā puryaḥ sapta vimuktidāḥ
||7||कांच्यवंती द्वारवती काश्ययोध्या च पंचमी ॥
मायापुरी च मथुरा पुर्यः सप्त विमुक्तिदाः
vihāya ṣaṭpurīścānyāḥ kāśyāmevapratiṣṭhitā ||
muktirviśvasṛjā tatkiṃ mama muktirna saṃprati
||8||विहाय षट्पुरीश्चान्याः काश्यामेवप्रतिष्ठिता ॥
मुक्तिर्विश्वसृजा तत्किं मम मुक्तिर्न संप्रति
iti sarvaṃ mama puraḥ prasādādvaktumarhatam ||
iti tadvākyamākarṇya gaṇāvūcaturādarāt
||9||इति सर्वं मम पुरः प्रसादाद्वक्तुमर्हतम् ॥
इति तद्वाक्यमाकर्ण्य गणावूचतुरादरात्
gaṇāvūcatuḥ
yathārthaṃ kathayāvaste yatpṛṣṭaṃ bhavatānagha ||
viṣṇuprasādājjānīvo bhūtaṃbhāvibhavattathā
||10||यथार्थं कथयावस्ते यत्पृष्टं भवतानघ ॥
विष्णुप्रसादाज्जानीवो भूतंभाविभवत्तथा
viprāvabhāsate yāvatkiraṇaiḥ puṣpavaṃtayoḥ ||
tāvatībhūḥ samuddiṣṭā sasamudrādri kānanā
||11||विप्रावभासते यावत्किरणैः पुष्पवंतयोः ॥
तावतीभूः समुद्दिष्टा ससमुद्राद्रि कानना
viyacca tāvadupari vistāraparimaṃḍalam ||
yojanānāṃ ca niyute bhūmerbhānurvyavasthitaḥ
||12||वियच्च तावदुपरि विस्तारपरिमंडलम् ॥
योजनानां च नियुते भूमेर्भानुर्व्यवस्थितः
bhānoḥ sakāśādupari lakṣe lakṣyaḥ kṣapākaraḥ ||
nakṣatradhaṃ(maṃ?)ḍalaṃ somāllakṣayojanamucchritam
||13||भानोः सकाशादुपरि लक्षे लक्ष्यः क्षपाकरः ॥
नक्षत्रधं(मं?)डलं सोमाल्लक्षयोजनमुच्छ्रितम्
uḍumaṃḍalataḥ saumya upariṣṭāddvilakṣataḥ ||
dvilakṣe tu budhācchukraḥ śukrādbhaumo dvilakṣake
||14||उडुमंडलतः सौम्य उपरिष्टाद्द्विलक्षतः ॥
द्विलक्षे तु बुधाच्छुक्रः शुक्राद्भौमो द्विलक्षके
māheyādupariṣṭācca surejyo niyutadvaye ||
dvilakṣayojanotsedhaḥ saurirdevapurohitāt
||15||माहेयादुपरिष्टाच्च सुरेज्यो नियुतद्वये ॥
द्विलक्षयोजनोत्सेधः सौरिर्देवपुरोहितात्
daśāyutasamucchrāyaṃ saureḥ saptarṣimaṃḍalam ||
saptarṣibhyaḥ sahasrāṇāṃ śatādūrdhvaṃ dhruvasthitaḥ
||16||दशायुतसमुच्छ्रायं सौरेः सप्तर्षिमंडलम् ॥
सप्तर्षिभ्यः सहस्राणां शतादूर्ध्वं ध्रुवस्थितः
pādagamyaṃ hi yatkiṃcidvastvasti dharaṇītale ||
tadbhūrloka iti khyātaḥ sābdhidvīpādrikānanam
||17||पादगम्यं हि यत्किंचिद्वस्त्वस्ति धरणीतले ॥
तद्भूर्लोक इति ख्यातः साब्धिद्वीपाद्रिकाननम्
bhūrlokācca bhuvarloko bradhnāvadhirudāhṛtaḥ ||
ādityādādhruvaṃ vipra svarloka iti gīyate
||18||भूर्लोकाच्च भुवर्लोको ब्रध्नावधिरुदाहृतः ॥
आदित्यादाध्रुवं विप्र स्वर्लोक इति गीयते
maharlokaḥ kṣiterūrdhvamekakoṭipramāṇataḥ ||
koṭidvaye tu saṃkhyāto jano bhūrlokato janaiḥ
||19||महर्लोकः क्षितेरूर्ध्वमेककोटिप्रमाणतः ॥
कोटिद्वये तु संख्यातो जनो भूर्लोकतो जनैः
catuṣkoṭipramāṇastu tapoloko'sti bhūtalāt ||
upariṣṭātkṣiteraṣṭau koṭayaḥ satyamīritam
||20||चतुष्कोटिप्रमाणस्तु तपोलोकोऽस्ति भूतलात् ॥
उपरिष्टात्क्षितेरष्टौ कोटयः सत्यमीरितम्
satyādupari vaikuṃṭho yojanānāṃ pramāṇataḥ ||
bhūrlokātparisaṃkhyātaḥ koṭiṣoḍaśasaṃmitaḥ
||21||सत्यादुपरि वैकुंठो योजनानां प्रमाणतः ॥
भूर्लोकात्परिसंख्यातः कोटिषोडशसंमितः
yatrāste śrīpatiḥ sākṣātsarveṣāmabhayapradaḥ ||
tatastu ṣoḍaśaguṇaḥ kailāso'sti śivālayaḥ
||22||यत्रास्ते श्रीपतिः साक्षात्सर्वेषामभयप्रदः ॥
ततस्तु षोडशगुणः कैलासोऽस्ति शिवालयः
pārvatyā sahitaḥ śaṃbhurgajāsya skaṃda naṃdibhiḥ ||
yatra tiṣṭhati viśveśaḥ sakalaḥ sa paraḥ smūtaḥ
||23||पार्वत्या सहितः शंभुर्गजास्य स्कंद नंदिभिः ॥
यत्र तिष्ठति विश्वेशः सकलः स परः स्मूतः
tasya devasya khelo'yaṃ svalīlā mūrtidhāriṇaḥ ||
sa viśveśa iti khyāta stasyājñākṛdidaṃ jagat
||24||तस्य देवस्य खेलोऽयं स्वलीला मूर्तिधारिणः ॥
स विश्वेश इति ख्यात स्तस्याज्ञाकृदिदं जगत्
sarveṣāṃ śāsakaścāsau tasya śāstā na cāparaḥ ||
svayaṃ sṛjati bhūtāni svayaṃ pāti tathātti ca
||25||सर्वेषां शासकश्चासौ तस्य शास्ता न चापरः ॥
स्वयं सृजति भूतानि स्वयं पाति तथात्ति च
sarvajña ekaḥ sa proktaḥ svecchādhīna viceṣṭitaḥ ||
tasya pravatarkaḥ kopi nahi naiva nivartakaḥ
||26||सर्वज्ञ एकः स प्रोक्तः स्वेच्छाधीन विचेष्टितः ॥
तस्य प्रवतर्कः कोपि नहि नैव निवर्तकः
amūrtaṃ yatparaṃ brahma samūrtaṃ śruticoditam ||
sarvavyāpi sadā nityaṃ satyaṃ dvaitavivarjitam
||27||अमूर्तं यत्परं ब्रह्म समूर्तं श्रुतिचोदितम् ॥
सर्वव्यापि सदा नित्यं सत्यं द्वैतविवर्जितम्
sarvebhyaḥ kāraṇebhyaśca parātparataraṃ param ||
ānaṃdaṃ brahmaṇo rūpaṃ śrutayo yatpracakṣate
||28||सर्वेभ्यः कारणेभ्यश्च परात्परतरं परम् ॥
आनंदं ब्रह्मणो रूपं श्रुतयो यत्प्रचक्षते
saṃvidaṃ tena yaṃ vedā viṣṇurveda na vai vidhiḥ ||
yato vāco nivartaṃte hyaprāpya manasā saha
||29||संविदं तेन यं वेदा विष्णुर्वेद न वै विधिः ॥
यतो वाचो निवर्तंते ह्यप्राप्य मनसा सह
svayaṃvedyaḥ paraṃ jyotiḥ sarvasya hṛdi saṃsthitaḥ ||
yogigamyastvanākhyeyo yaḥ pramāṇaikagocaraḥ
||30||स्वयंवेद्यः परं ज्योतिः सर्वस्य हृदि संस्थितः ॥
योगिगम्यस्त्वनाख्येयो यः प्रमाणैकगोचरः
nānārūpopyarūpo yaḥ sarvagopi na gocaraḥ ||
anaṃtopyaṃtaka vapuḥ sarvavitkarmavarjitaḥ
||31||नानारूपोप्यरूपो यः सर्वगोपि न गोचरः ॥
अनंतोप्यंतक वपुः सर्ववित्कर्मवर्जितः
tasyedamaiśvaraṃ rūpaṃ khaṃḍacaṃdrāvataṃsakam ||
tamālaśyāmalagalaṃ sphuradbhālavilocanam
||32||तस्येदमैश्वरं रूपं खंडचंद्रावतंसकम् ॥
तमालश्यामलगलं स्फुरद्भालविलोचनम्
lasadvāmārdhanārīkaṃ kṛtaśeṣaśubhāṃgadam ||
gaṃgātaraṃgasatsaṃga sadādhautajaṭātaṭam
||33||लसद्वामार्धनारीकं कृतशेषशुभांगदम् ॥
गंगातरंगसत्संग सदाधौतजटातटम्
smarāṃgarajaḥpuṃja pūjitāvayavojjvalam ||
vicitragātravidhṛtamahāvyālavibhūṣaṇam
||34||स्मरांगरजःपुंज पूजितावयवोज्ज्वलम् ॥
विचित्रगात्रविधृतमहाव्यालविभूषणम्
mahokṣasyaṃdanagamaṃ virutājagavāyudham ||
gajājinottarāsaṃgaṃ daśārdhavadanaṃ śubham
||35||महोक्षस्यंदनगमं विरुताजगवायुधम् ॥
गजाजिनोत्तरासंगं दशार्धवदनं शुभम्
uttrāsita mahāmṛtyu mahābalagaṇāvṛtam ||
śaraṇārthikṛtatrāṇaṃ nata nirvāṇakāraṇam ||
manorathapathātītaṃ varadānaparāyaṇam
||36||उत्त्रासित महामृत्यु महाबलगणावृतम् ॥
शरणार्थिकृतत्राणं नत निर्वाणकारणम् ॥
मनोरथपथातीतं वरदानपरायणम्
tasya tattvasvarūpasya rūpātītasya bho dvija ||
parāvare rudrarūpe sarvevyāpyāvatiṣṭhata
||37||तस्य तत्त्वस्वरूपस्य रूपातीतस्य भो द्विज ॥
परावरे रुद्ररूपे सर्वेव्याप्यावतिष्ठत
nirākāropi sākāraḥ śiva eva hi kāraṇama ||
muktaye bhuktaye vāpi na śivānmokṣado paraḥ
||38||निराकारोपि साकारः शिव एव हि कारणम ॥
मुक्तये भुक्तये वापि न शिवान्मोक्षदो परः
yathā tenākhilaṃ hyetatpārvatīpatisātkṛtama ||
idaṃ carācaraṃ sarvaṃ dṛśyādṛśyamarūpiṇā
||39||यथा तेनाखिलं ह्येतत्पार्वतीपतिसात्कृतम ॥
इदं चराचरं सर्वं दृश्यादृश्यमरूपिणा
tathā mṛḍānīkāṃtena viṣṇusādakhilaṃjagata ||
vidhāya krīḍyate vipra nityaṃ svacchaṃda līlayā
||40||तथा मृडानीकांतेन विष्णुसादखिलंजगत ॥
विधाय क्रीड्यते विप्र नित्यं स्वच्छंद लीलया
yathāśivastathā viṣṇuryathāviṣṇustathā śivaḥ ||
aṃtaraṃ śivaviṣṇvośca manāgapi na vidyate
||41||यथाशिवस्तथा विष्णुर्यथाविष्णुस्तथा शिवः ॥
अंतरं शिवविष्ण्वोश्च मनागपि न विद्यते
āhūya pūrvaṃ brahmādīnsamastāndevatāgaṇān ||
vidyādharoragādīṃśca siddhagaṃdharvacāraṇān
||42||आहूय पूर्वं ब्रह्मादीन्समस्तान्देवतागणान् ॥
विद्याधरोरगादींश्च सिद्धगंधर्वचारणान्
nijasiṃhāsanasamaṃ kṛtvā siṃhāsanaṃ śubham ||
upaveśya hariṃ tatra cchatraṃ kṛtvā manoharam
||43||निजसिंहासनसमं कृत्वा सिंहासनं शुभम् ॥
उपवेश्य हरिं तत्र च्छत्रं कृत्वा मनोहरम्
ślakṣṇaṃ koṭiśalākaṃ ca viśvakarmavinirmitam ||
pāṃḍuraṃ ratnadaṃḍaṃ ca sthūlamuktāvalaṃbitam
||44||श्लक्ष्णं कोटिशलाकं च विश्वकर्मविनिर्मितम् ॥
पांडुरं रत्नदंडं च स्थूलमुक्तावलंबितम्
kalaśena vicitreṇa hyupariṣṭādvirājitam ||
sahasrayojanāyāmaṃ sarvaratnamayaṃ śubham
||45||कलशेन विचित्रेण ह्युपरिष्टाद्विराजितम् ॥
सहस्रयोजनायामं सर्वरत्नमयं शुभम्
paṭṭasūtramayairamyaiścāmaraiśca pariṣkṛtam ||
rājābhiṣekayogyaiśca dravyaiḥ sarvauṣadhādibhiḥ
||46||पट्टसूत्रमयैरम्यैश्चामरैश्च परिष्कृतम् ॥
राजाभिषेकयोग्यैश्च द्रव्यैः सर्वौषधादिभिः
pratyakṣatīrthapāthobhiḥ paṃcakuṃbhairmanoharaiḥ ||
siddhārthākṣatadūrvābhirmaṃtraiḥ svayamupasthitaiḥ
||47||प्रत्यक्षतीर्थपाथोभिः पंचकुंभैर्मनोहरैः ॥
सिद्धार्थाक्षतदूर्वाभिर्मंत्रैः स्वयमुपस्थितैः
devānāṃ ca tatharṣīṇāṃ siddhānāṃ phaṇināmapi ||
ānīya maṃgalakarāḥ kanyāḥ ṣoḍaśaṣoḍaśa
||48||देवानां च तथर्षीणां सिद्धानां फणिनामपि ॥
आनीय मंगलकराः कन्याः षोडशषोडश
vīṇāmṛdaṃgābjabherī maru ḍiṃḍimajharjharaiḥ ||
ānakaiḥ kāṃsyatālādyai rvādyairlalitagāyanaiḥ
||49||वीणामृदंगाब्जभेरी मरु डिंडिमझर्झरैः ॥
आनकैः कांस्यतालाद्यै र्वाद्यैर्ललितगायनैः
brahmaghoṣamahārāvairāpūritanabhoṃgaṇe ||
śubhe tithau śubhe lagne tārācaṃdrabalānvite
||50||ब्रह्मघोषमहारावैरापूरितनभोंगणे ॥
शुभे तिथौ शुभे लग्ने ताराचंद्रबलान्विते
ābaddhamukuṭaṃ ramyaṃ kṛtakautukamaṃgalam ||
mṛḍānīkṛtaśṛṃgāraṃ suśriyā suśriyāyutam
||51||आबद्धमुकुटं रम्यं कृतकौतुकमंगलम् ॥
मृडानीकृतशृंगारं सुश्रिया सुश्रियायुतम्
abhiṣicya maheśena svayaṃ brahmāṃḍamaṃḍape ||
dattaṃ samastamaiśvaryaṃ yannijaṃ nānyagāmi ca
||52||अभिषिच्य महेशेन स्वयं ब्रह्मांडमंडपे ॥
दत्तं समस्तमैश्वर्यं यन्निजं नान्यगामि च
tatastuṣṭāva deveśaḥ pramathaiḥ saha śārṅgiṇam ||
brahmāṇaṃ lokakartāramuvāca ca vacastvidam
||53||ततस्तुष्टाव देवेशः प्रमथैः सह शार्ङ्गिणम् ॥
ब्रह्माणं लोककर्तारमुवाच च वचस्त्विदम्
mama vaṃdyastvayaṃ viṣṇuḥ praṇamatvamamuṃ harim ||
ityuktvātha svayaṃ rudro nanāma garuḍadhvajam
||54||मम वंद्यस्त्वयं विष्णुः प्रणमत्वममुं हरिम् ॥
इत्युक्त्वाथ स्वयं रुद्रो ननाम गरुडध्वजम्
tato gaṇeśvaraiḥ sarvaiṃrbrahmaṇā ca marudgaṇaiḥ ||
yogibhiḥ sanakādyaiśca siddhairdevarṣibhistathā
||55||ततो गणेश्वरैः सर्वैंर्ब्रह्मणा च मरुद्गणैः ॥
योगिभिः सनकाद्यैश्च सिद्धैर्देवर्षिभिस्तथा
vidyādharaiḥ sagaṃdharvairyakṣarakṣopsarogaṇaiḥ ||
guhyakaiścāraṇairbhūtaiḥ śeṣa vāsuki takṣakaiḥ
||56||विद्याधरैः सगंधर्वैर्यक्षरक्षोप्सरोगणैः ॥
गुह्यकैश्चारणैर्भूतैः शेष वासुकि तक्षकैः
patatribhiḥ kiṃnaraiśca sarvaiḥ sthāvarajaṃgamaiḥ ||
tato jayajayetyuktvā namostviti namostviti
||57||पतत्रिभिः किंनरैश्च सर्वैः स्थावरजंगमैः ॥
ततो जयजयेत्युक्त्वा नमोस्त्विति नमोस्त्विति
tatoharirmaheśena saṃsadi dyusadāṃ tadā ||
etairmahāravai ramyaiścānarci paramārciṣā
||58||ततोहरिर्महेशेन संसदि द्युसदां तदा ॥
एतैर्महारवै रम्यैश्चानर्चि परमार्चिषा
tvaṃ kartā sarvabhūtānāṃ pātā hartā tvameva ca ||
tvameva jagatāṃ pūjyastvameva jagadīśvaraḥ
||59||त्वं कर्ता सर्वभूतानां पाता हर्ता त्वमेव च ॥
त्वमेव जगतां पूज्यस्त्वमेव जगदीश्वरः
dātā dharmārthakāmānāṃ śāstā durnayakāriṇām ||
ajeyastvaṃ ca saṃgrāme mamāpi hi bhaviṣyasi
||60||दाता धर्मार्थकामानां शास्ता दुर्नयकारिणाम् ॥
अजेयस्त्वं च संग्रामे ममापि हि भविष्यसि
icchāśaktiḥ kriyāśaktirjñānaśaktistathottamā ||
śaktitrayamidaṃ viṣṇo gṛhāṇa prāpitaṃ mayā
||61||इच्छाशक्तिः क्रियाशक्तिर्ज्ञानशक्तिस्तथोत्तमा ॥
शक्तित्रयमिदं विष्णो गृहाण प्रापितं मया
tvaddveṣṭāro hare nūnaṃ mayā śāsyāḥ prayatnataḥ ||
tvadbhaktānāṃ mayā viṣṇo deyaṃ nirvāṇamuttamam
||62||त्वद्द्वेष्टारो हरे नूनं मया शास्याः प्रयत्नतः ॥
त्वद्भक्तानां मया विष्णो देयं निर्वाणमुत्तमम्
māyāṃ cāpi gṛhāṇemāṃ duṣpraṇodyāṃ surāsuraiḥ ||
yayā saṃmohitaṃ viśvamakiṃcijjñaṃ bhaviṣyati
||63||मायां चापि गृहाणेमां दुष्प्रणोद्यां सुरासुरैः ॥
यया संमोहितं विश्वमकिंचिज्ज्ञं भविष्यति
vāmabāhurmadīyastvaṃ dakṣiṇosau pitāmahaḥ ||
asyāpi hi vidheḥ pātā janitāpi bhaviṣyasi
||64||वामबाहुर्मदीयस्त्वं दक्षिणोसौ पितामहः ॥
अस्यापि हि विधेः पाता जनितापि भविष्यसि
vaikuṃṭhaiśvaryamāsādya hareritthaṃ haraḥ svayam ||
kailāse pramathaiḥ sārdhaṃ svairaṃ krīḍatyumāpatiḥ
||65||वैकुंठैश्वर्यमासाद्य हरेरित्थं हरः स्वयम् ॥
कैलासे प्रमथैः सार्धं स्वैरं क्रीडत्युमापतिः
tadā prabhṛti devosau śārṅgadhanvā gadādharaḥ ||
trailokyamakhilaṃ śāsti dānavāṃtakaro hariḥ
||66||तदा प्रभृति देवोसौ शार्ङ्गधन्वा गदाधरः ॥
त्रैलोक्यमखिलं शास्ति दानवांतकरो हरिः
iti te kathitā vipra lokānāṃ ca paristhitiḥ ||
idānīṃ kathayiṣyāvastavanirvāṇa kāraṇam
||67||इति ते कथिता विप्र लोकानां च परिस्थितिः ॥
इदानीं कथयिष्यावस्तवनिर्वाण कारणम्
idaṃ tu paramākhyānaṃ śṛṇuyādyaḥ samāhitaḥ ||
svarlokamabhigamyātha kāśyāṃ nirvāṇamāpnuyāt
||68||इदं तु परमाख्यानं शृणुयाद्यः समाहितः ॥
स्वर्लोकमभिगम्याथ काश्यां निर्वाणमाप्नुयात्
yajñotsave vivāhe ca maṃgaleṣvakhileṣvapi ||
rājyābhiṣeka samaye devasthāpanakarmaṇi
||69||यज्ञोत्सवे विवाहे च मंगलेष्वखिलेष्वपि ॥
राज्याभिषेक समये देवस्थापनकर्मणि
sarvādhikāradāneṣu navaveśmapraveśane ||
paṭhitavyaṃ prayatnena tatkārya parisiddhaye
||70||सर्वाधिकारदानेषु नववेश्मप्रवेशने ॥
पठितव्यं प्रयत्नेन तत्कार्य परिसिद्धये
aputro labhate putramadhano dhanavānbhavet ||
vyādhito mucyate rogādbaddho mucyeta baṃdhanāt
||71||अपुत्रो लभते पुत्रमधनो धनवान्भवेत् ॥
व्याधितो मुच्यते रोगाद्बद्धो मुच्येत बंधनात्
japyametatprayatnena satataṃ maṃgalārthinā ||
amaṃgalānāṃ śamanaṃ haranārāyaṇapriyama
||72||जप्यमेतत्प्रयत्नेन सततं मंगलार्थिना ॥
अमंगलानां शमनं हरनारायणप्रियम
iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍe pūrvārddhe caturbhujābhiṣeko nāma trayoviṃśatitamo'dhyāyaḥ || 23 ||