Study
- Anukramaṇī
- Source
3 gṛtsamada (āṅgirasaḥ śaunahotraḥ paścād) bhārgavaḥ śaunakaḥ| śakuntaḥ (kapiñjalarūpīndraḥ)| triṣṭup|
kani̍kradajja̱nuṣa̍ṃ prabruvā̱ṇa iya̍rti̱ vāca̍mari̱teva̱ nāva̍m |
su̱ma̱ṅgala̍śca śakune̱ bhavā̍si̱ mā tvā̱ kā ci̍dabhi̱bhā viśvyā̍ vidat
||1||कनि॑क्रदज्ज॒नुषं॑ प्रब्रुवा॒ण इय॑र्ति॒ वाच॑मरि॒तेव॒ नाव॑म् ।
सु॒म॒ङ्गल॑श्च शकुने॒ भवा॑सि॒ मा त्वा॒ का चि॑दभि॒भा विश्व्या॑ विदत्
mā tvā̍ śye̱na ud va̍dhī̱nmā su̍pa̱rṇo mā tvā̍ vida̱diṣu̍mān vī̱ro astā̍ |
pitryā̱manu̍ pra̱diśa̱ṃ kani̍kradat suma̱ṅgalo̍ bhadravā̱dī va̍de̱ha
||2||मा त्वा॑ श्ये॒न उद् व॑धी॒न्मा सु॑प॒र्णो मा त्वा॑ विद॒दिषु॑मान् वी॒रो अस्ता॑ ।
पित्र्या॒मनु॑ प्र॒दिशं॒ कनि॑क्रदत् सुम॒ङ्गलो॑ भद्रवा॒दी व॑दे॒ह
ava̍ kranda dakṣiṇa̱to gṛ̱hāṇā̍ṃ suma̱ṅgalo̍ bhadravā̱dī śa̍kunte |
mā na̍: ste̱na ī̍śata̱ māghaśa̍ṃso bṛ̱had va̍dema vi̱dathe̍ su̱vīrā̍:
||3||अव॑ क्रन्द दक्षिण॒तो गृ॒हाणां॑ सुम॒ङ्गलो॑ भद्रवा॒दी श॑कुन्ते ।
मा न॑: स्ते॒न ई॑शत॒ माघशं॑सो बृ॒हद् व॑देम वि॒दथे॑ सु॒वीरा॑: