अध्ययनम्
- अनुक्रमणिका
- मूलम्
८ कुत्स आङ्गिरसः। अग्निः, शुचिरग्निर्वा। गायत्री।
अप॑ न॒: शोशु॑चद॒घमग्ने॑ शुशु॒ग्ध्या र॒यिम् । अप॑ न॒: शोशु॑चद॒घम्
॥१॥apa̍ na̱: śośu̍cada̱ghamagne̍ śuśu̱gdhyā ra̱yim | apa̍ na̱: śośu̍cada̱gham
सु॒क्षे॒त्रि॒या सु॑गातु॒या व॑सू॒या च॑ यजामहे । अप॑ न॒: शोशु॑चद॒घम्
॥२॥su̱kṣe̱tri̱yā su̍gātu̱yā va̍sū̱yā ca̍ yajāmahe | apa̍ na̱: śośu̍cada̱gham
प्र यद् भन्दि॑ष्ठ एषां॒ प्रास्माका॑सश्च सू॒रय॑: । अप॑ न॒: शोशु॑चद॒घम्
॥३॥pra yad bhandi̍ṣṭha eṣā̱ṃ prāsmākā̍saśca sū̱raya̍: | apa̍ na̱: śośu̍cada̱gham
प्र यत्ते॑ अग्ने सू॒रयो॒ जाये॑महि॒ प्र ते॑ व॒यम् । अप॑ न॒: शोशु॑चद॒घम्
॥४॥pra yatte̍ agne sū̱rayo̱ jāye̍mahi̱ pra te̍ va̱yam | apa̍ na̱: śośu̍cada̱gham
प्र यद॒ग्नेः सह॑स्वतो वि॒श्वतो॒ यन्ति॑ भा॒नव॑: । अप॑ न॒: शोशु॑चद॒घम्
॥५॥pra yada̱gneḥ saha̍svato vi̱śvato̱ yanti̍ bhā̱nava̍: | apa̍ na̱: śośu̍cada̱gham
त्वं हि वि॑श्वतोमुख वि॒श्वत॑: परि॒भूरसि॑ । अप॑ न॒: शोशु॑चद॒घम्
॥६॥tvaṃ hi vi̍śvatomukha vi̱śvata̍: pari̱bhūrasi̍ | apa̍ na̱: śośu̍cada̱gham
द्विषो॑ नो विश्वतोमु॒खाति॑ ना॒वेव॑ पारय । अप॑ न॒: शोशु॑चद॒घम्
॥७॥dviṣo̍ no viśvatomu̱khāti̍ nā̱veva̍ pāraya | apa̍ na̱: śośu̍cada̱gham
स न॒: सिन्धु॑मिव ना॒वयाति॑ पर्षा स्व॒स्तये॑ । अप॑ न॒: शोशु॑चद॒घम्
॥८॥sa na̱: sindhu̍miva nā̱vayāti̍ parṣā sva̱staye̍ | apa̍ na̱: śośu̍cada̱gham