अध्ययनम्
- अनुक्रमणिका
- मूलम्
३ कुत्स आङ्गिरसः। विश्वे देवाः। त्रिष्टुप्।
य॒ज्ञो दे॒वानां॒ प्रत्ये॑ति सु॒म्नमादि॑त्यासो॒ भव॑ता मृळ॒यन्त॑: ।
आ वो॒ऽर्वाची॑ सुम॒तिर्व॑वृत्यादं॒होश्चि॒द्या व॑रिवो॒वित्त॒रास॑त्
॥१॥ya̱jño de̱vānā̱ṃ pratye̍ti su̱mnamādi̍tyāso̱ bhava̍tā mṛl̤a̱yanta̍: |
ā vo̱'rvācī̍ suma̱tirva̍vṛtyāda̱ṃhości̱dyā va̍rivo̱vitta̱rāsa̍t
उप॑ नो दे॒वा अव॒सा ग॑म॒न्त्वङ्गि॑रसां॒ साम॑भिः स्तू॒यमा॑नाः ।
इन्द्र॑ इन्द्रि॒यैर्म॒रुतो॑ म॒रुद्भि॑रादि॒त्यैर्नो॒ अदि॑ति॒: शर्म॑ यंसत्
॥२॥upa̍ no de̱vā ava̱sā ga̍ma̱ntvaṅgi̍rasā̱ṃ sāma̍bhiḥ stū̱yamā̍nāḥ |
indra̍ indri̱yairma̱ruto̍ ma̱rudbhi̍rādi̱tyairno̱ adi̍ti̱: śarma̍ yaṃsat
तन्न॒ इन्द्र॒स्तद् वरु॑ण॒स्तद॒ग्निस्तद॑र्य॒मा तत् स॑वि॒ता चनो॑ धात् ।
तन्नो॑ मि॒त्रो वरु॑णो मामहन्ता॒मदि॑ति॒: सिन्धु॑: पृथि॒वी उ॒त द्यौः
॥३॥tanna̱ indra̱stad varu̍ṇa̱stada̱gnistada̍rya̱mā tat sa̍vi̱tā cano̍ dhāt |
tanno̍ mi̱tro varu̍ṇo māmahantā̱madi̍ti̱: sindhu̍: pṛthi̱vī u̱ta dyauḥ