ṛ॰saṃ॰ 7.54
vāsto̍ṣpate̱ prati̍ jānīhya̱smāntsvā̍ve̱śo a̍namī̱vo bha̍vā naḥ |
yattvema̍he̱ prati̱ tanno̍ juṣasva̱ śaṃ no̍ bhava dvi̱pade̱ śaṃ catu̍ṣpade ॥RV 7.54.1॥
||1||vāsto̍ṣpate pra̱tara̍ṇo na edhi gaya̱sphāno̱ gobhi̱raśve̍bhirindo |
a̱jarā̍saste sa̱khye syā̍ma pi̱teva̍ pu̱trānprati̍ no juṣasva ॥RV 7.54.2॥
||2||vāsto̍ṣpate śa̱gmayā̍ sa̱ṃsadā̍ te sakṣī̱mahi̍ ra̱ṇvayā̍ gātu̱matyā̍ |
pā̱hi kṣema̍ u̱ta yoge̱ vara̍ṃ no yū̱yaṃ pā̍ta sva̱stibhi̱: sadā̍ naḥ ॥RV 7.54.3॥
||3||