Study
- Anukramaṇī
- 3 maitrāvaruṇirvasiṣṭha:| vāstoṣpati:| triṣṭup |
- Source
- Ṛgveda Śākala saṃhitā (linked ṛcs). Learn svara from a guru.
3 maitrāvaruṇirvasiṣṭha:| vāstoṣpati:| triṣṭup |
vāsto̍ṣpate̱ prati̍ jānīhya̱smāntsvā̍ve̱śo a̍namī̱vo bha̍vā naḥ |
yattvema̍he̱ prati̱ tanno̍ juṣasva̱ śaṃ no̍ bhava dvi̱pade̱ śaṃ catu̍ṣpade ॥7.54.1॥
वास्तो॑ष्पते॒ प्रति॑ जानीह्य॒स्मान्त्स्वा॑वे॒शो अ॑नमी॒वो भ॑वा नः ।
यत्त्वेम॑हे॒ प्रति॒ तन्नो॑ जुषस्व॒ शं नो॑ भव द्वि॒पदे॒ शं चतु॑ष्पदे
vāsto̍ṣpate pra̱tara̍ṇo na edhi gaya̱sphāno̱ gobhi̱raśve̍bhirindo |
a̱jarā̍saste sa̱khye syā̍ma pi̱teva̍ pu̱trānprati̍ no juṣasva ॥7.54.2॥
वास्तो॑ष्पते प्र॒तर॑णो न एधि गय॒स्फानो॒ गोभि॒रश्वे॑भिरिन्दो ।
अ॒जरा॑सस्ते स॒ख्ये स्या॑म पि॒तेव॑ पु॒त्रान्प्रति॑ नो जुषस्व
vāsto̍ṣpate śa̱gmayā̍ sa̱ṃsadā̍ te sakṣī̱mahi̍ ra̱ṇvayā̍ gātu̱matyā̍ |
pā̱hi kṣema̍ u̱ta yoge̱ vara̍ṃ no yū̱yaṃ pā̍ta sva̱stibhi̱: sadā̍ naḥ ॥7.54.3॥
वास्तो॑ष्पते श॒ग्मया॑ सं॒सदा॑ ते सक्षी॒महि॑ र॒ण्वया॑ गातु॒मत्या॑ ।
पा॒हि क्षेम॑ उ॒त योगे॒ वरं॑ नो यू॒यं पा॑त स्व॒स्तिभि॒: सदा॑ नः