Study
- Anukramaṇī
- Source
3 maitrāvaruṇirvasiṣṭha:| agni: | triṣṭup , 1 bṛhatī |
sa̱midhā̍ jā̱tave̍dase de̱vāya̍ de̱vahū̍tibhiḥ |
ha̱virbhi̍: śu̱kraśo̍ciṣe nama̱svino̍ va̱yaṃ dā̍śemā̱gnaye̍
||1||स॒मिधा॑ जा॒तवे॑दसे दे॒वाय॑ दे॒वहू॑तिभिः ।
ह॒विर्भि॑: शु॒क्रशो॑चिषे नम॒स्विनो॑ व॒यं दा॑शेमा॒ग्नये॑
va̱yaṃ te̍ agne sa̱midhā̍ vidhema va̱yaṃ dā̍śema suṣṭu̱tī ya̍jatra |
va̱yaṃ ghṛ̱tenā̍dhvarasya hotarva̱yaṃ de̍va ha̱viṣā̍ bhadraśoce
||2||व॒यं ते॑ अग्ने स॒मिधा॑ विधेम व॒यं दा॑शेम सुष्टु॒ती य॑जत्र ।
व॒यं घृ॒तेना॑ध्वरस्य होतर्व॒यं दे॑व ह॒विषा॑ भद्रशोचे
ā no̍ de̱vebhi̱rupa̍ de̱vahū̍ti̱magne̍ yā̱hi vaṣa̍ṭkṛtiṃ juṣā̱ṇaḥ |
tubhya̍ṃ de̱vāya̱ dāśa̍taḥ syāma yū̱yaṃ pā̍ta sva̱stibhi̱: sadā̍ naḥ
||3||आ नो॑ दे॒वेभि॒रुप॑ दे॒वहू॑ति॒मग्ने॑ या॒हि वष॑ट्कृतिं जुषा॒णः ।
तुभ्यं॑ दे॒वाय॒ दाश॑तः स्याम यू॒यं पा॑त स्व॒स्तिभि॒: सदा॑ नः