Study
- Anukramaṇī
- Source
3 maitrāvaruṇirvasiṣṭha:| agni: | triṣṭup |
aga̍nma ma̱hā nama̍sā̱ yavi̍ṣṭha̱ṃ yo dī̱dāya̱ sami̍ddha̱: sve du̍ro̱ṇe |
ci̱trabhā̍nu̱ṃ roda̍sī a̱ntaru̱rvī svā̍hutaṃ vi̱śvata̍: pra̱tyañca̍m
||1||अग॑न्म म॒हा नम॑सा॒ यवि॑ष्ठं॒ यो दी॒दाय॒ समि॑द्ध॒: स्वे दु॑रो॒णे ।
चि॒त्रभा॑नुं॒ रोद॑सी अ॒न्तरु॒र्वी स्वा॑हुतं वि॒श्वत॑: प्र॒त्यञ्च॑म्
sa ma̱hnā viśvā̍ duri̱tāni̍ sā̱hvāna̱gniḥ ṣṭa̍ve̱ dama̱ ā jā̱tave̍dāḥ |
sa no̍ rakṣiṣadduri̱tāda̍va̱dyāda̱smāngṛ̍ṇa̱ta u̱ta no̍ ma̱ghona̍:
||2||स म॒ह्ना विश्वा॑ दुरि॒तानि॑ सा॒ह्वान॒ग्निः ष्ट॑वे॒ दम॒ आ जा॒तवे॑दाः ।
स नो॑ रक्षिषद्दुरि॒ताद॑व॒द्याद॒स्मान्गृ॑ण॒त उ॒त नो॑ म॒घोन॑:
tvaṃ varu̍ṇa u̱ta mi̱tro a̍gne̱ tvāṃ va̍rdhanti ma̱tibhi̱rvasi̍ṣṭhāḥ |
tve vasu̍ suṣaṇa̱nāni̍ santu yū̱yaṃ pā̍ta sva̱stibhi̱: sadā̍ naḥ
||3||त्वं वरु॑ण उ॒त मि॒त्रो अ॑ग्ने॒ त्वां व॑र्धन्ति म॒तिभि॒र्वसि॑ष्ठाः ।
त्वे वसु॑ सुषण॒नानि॑ सन्तु यू॒यं पा॑त स्व॒स्तिभि॒: सदा॑ नः