Study
- Anukramaṇī
- Source
3 maitrāvaruṇirvasiṣṭha:| ādityā: | triṣṭup |
ā̱di̱tyāso̱ adi̍tayaḥ syāma̱ pūrde̍va̱trā va̍savo martya̱trā |
sane̍ma mitrāvaruṇā̱ sana̍nto̱ bhave̍ma dyāvāpṛthivī̱ bhava̍ntaḥ
||1||आ॒दि॒त्यासो॒ अदि॑तयः स्याम॒ पूर्दे॑व॒त्रा व॑सवो मर्त्य॒त्रा ।
सने॑म मित्रावरुणा॒ सन॑न्तो॒ भवे॑म द्यावापृथिवी॒ भव॑न्तः
mi̱trastanno̱ varu̍ṇo māmahanta̱ śarma̍ to̱kāya̱ tana̍yāya go̱pāḥ |
mā vo̍ bhujemā̱nyajā̍ta̱meno̱ mā tatka̍rma vasavo̱ yaccaya̍dhve
||2||मि॒त्रस्तन्नो॒ वरु॑णो मामहन्त॒ शर्म॑ तो॒काय॒ तन॑याय गो॒पाः ।
मा वो॑ भुजेमा॒न्यजा॑त॒मेनो॒ मा तत्क॑र्म वसवो॒ यच्चय॑ध्वे
tu̱ra̱ṇyavo'ṅgi̍raso nakṣanta̱ ratna̍ṃ de̱vasya̍ savi̱turi̍yā̱nāḥ |
pi̱tā ca̱ tanno̍ ma̱hānyaja̍tro̱ viśve̍ de̱vāḥ sama̍naso juṣanta
||3||तु॒र॒ण्यवोऽङ्गि॑रसो नक्षन्त॒ रत्नं॑ दे॒वस्य॑ सवि॒तुरि॑या॒नाः ।
पि॒ता च॒ तन्नो॑ म॒हान्यज॑त्रो॒ विश्वे॑ दे॒वाः सम॑नसो जुषन्त