Study
- Anukramaṇī
- Source
4 maitrāvaruṇirvasiṣṭha:| ṛbhava:, 4 viśve devā vā | triṣṭup |
ṛbhu̍kṣaṇo vājā mā̱daya̍dhvama̱sme na̍ro maghavānaḥ su̱tasya̍ |
ā vo̱'rvāca̱: krata̍vo̱ na yā̱tāṃ vibhvo̱ ratha̱ṃ narya̍ṃ vartayantu
||1||ऋभु॑क्षणो वाजा मा॒दय॑ध्वम॒स्मे न॑रो मघवानः सु॒तस्य॑ ।
आ वो॒ऽर्वाच॒: क्रत॑वो॒ न या॒तां विभ्वो॒ रथं॒ नर्यं॑ वर्तयन्तु
ṛ̱bhuṝ̱bhubhi̍ra̱bhi va̍: syāma̱ vibhvo̍ vi̱bhubhi̱: śava̍sā̱ śavā̍ṃsi |
vājo̍ a̱smām̐ a̍vatu̱ vāja̍sātā̱vindre̍ṇa yu̱jā ta̍ruṣema vṛ̱tram
||2||ऋ॒भुॠ॒भुभि॑र॒भि व॑: स्याम॒ विभ्वो॑ वि॒भुभि॒: शव॑सा॒ शवां॑सि ।
वाजो॑ अ॒स्माँ अ॑वतु॒ वाज॑साता॒विन्द्रे॑ण यु॒जा त॑रुषेम वृ॒त्रम्
te ci̱ddhi pū̱rvīra̱bhi santi̍ śā̱sā viśvā̍m̐ a̱rya u̍pa̱ratā̍ti vanvan | i
ndro̱ vibhvā̍m̐ ṛbhu̱kṣā vājo̍ a̱ryaḥ śatro̍rmitha̱tyā kṛ̍ṇava̱nvi nṛ̱mṇam
||3||ते चि॒द्धि पू॒र्वीर॒भि सन्ति॑ शा॒सा विश्वाँ॑ अ॒र्य उ॑प॒रता॑ति वन्वन् । इ
न्द्रो॒ विभ्वाँ॑ ऋभु॒क्षा वाजो॑ अ॒र्यः शत्रो॑र्मिथ॒त्या कृ॑णव॒न्वि नृ॒म्णम्
nū de̍vāso̱ vari̍vaḥ kartanā no bhū̱ta no̱ viśve'va̍se sa̱joṣā̍: |
sama̱sme iṣa̱ṃ vasa̍vo dadīranyū̱yaṃ pā̍ta sva̱stibhi̱: sadā̍ naḥ
||4||नू दे॑वासो॒ वरि॑वः कर्तना नो भू॒त नो॒ विश्वेऽव॑से स॒जोषा॑: ।
सम॒स्मे इषं॒ वस॑वो ददीरन्यू॒यं पा॑त स्व॒स्तिभि॒: सदा॑ नः