siddheśvaramāhātmyavarṇanam
pulastya uvāca
tato gacchennṛpaśreṣṭha devaṃ siddheśvaraṃ param ||
siddhidaṃ prāṇināṃ samyaksiddhena sthāpitaṃ purā
||1||ततो गच्छेन्नृपश्रेष्ठ देवं सिद्धेश्वरं परम् ॥
सिद्धिदं प्राणिनां सम्यक्सिद्धेन स्थापितं पुरा
tatra viśvāvasurnāma siddhastepe mahātapaḥ ||
bahuvarṣāṇi saṃsthāpya śivaṃ bhaktiparāyaṇaḥ
||2||तत्र विश्वावसुर्नाम सिद्धस्तेपे महातपः ॥
बहुवर्षाणि संस्थाप्य शिवं भक्तिपरायणः
jitakrodho jitamado jitasarveṃdriyakriyaḥ ||
tāvadvarṣasahasrāṃte bhagavānvṛṣabhadhvajaḥ ||
tutoṣa nṛpatestasya svayaṃ darśanamāyayau
||3||जितक्रोधो जितमदो जितसर्वेंद्रियक्रियः ॥
तावद्वर्षसहस्रांते भगवान्वृषभध्वजः ॥
तुतोष नृपतेस्तस्य स्वयं दर्शनमाययौ
abravīttaṃ mahādevo varadosmīti pārthiva
||4||अब्रवीत्तं महादेवो वरदोस्मीति पार्थिव
śrībhagavānuvāca
varaṃ varaya bhadraṃ te yatte manasi varttate ||
dāsyāmi te prasanno'haṃ yadyapi syātsudurlabham
||5||वरं वरय भद्रं ते यत्ते मनसि वर्त्तते ॥
दास्यामि ते प्रसन्नोऽहं यद्यपि स्यात्सुदुर्लभम्
viśvāvasuruvāca
etalliṃgaṃ suraśreṣṭha dhyātvā manasi niścayam ||
sarvānkāmānavāpnotu prasādāttava śaṃkara
||6||एतल्लिंगं सुरश्रेष्ठ ध्यात्वा मनसि निश्चयम् ॥
सर्वान्कामानवाप्नोतु प्रसादात्तव शंकर
pulastya uvāca
evamastviti sa procya tatraivāṃtaradhīyata ||
siddheśvaraṃ tato gatvā siddhiṃ yāti sahasraśaḥ
||7||एवमस्त्विति स प्रोच्य तत्रैवांतरधीयत ॥
सिद्धेश्वरं ततो गत्वा सिद्धिं याति सहस्रशः
prabhāvāttasya liṃgasya kāmāniṣṭānavāpnuyuḥ ||
tato dharmakriyāḥ sarvā gatā nāśaṃ dharātale
||8||प्रभावात्तस्य लिंगस्य कामानिष्टानवाप्नुयुः ॥
ततो धर्मक्रियाः सर्वा गता नाशं धरातले
na kaścidyajate yajñairna dānāni prayacchati ||
siddheśvaraprasādena siddhiṃ yāṃti narā bhuvi
||9||न कश्चिद्यजते यज्ञैर्न दानानि प्रयच्छति ॥
सिद्धेश्वरप्रसादेन सिद्धिं यांति नरा भुवि
ucchinneṣu ca yajñeṣu dāneṣu nṛpasattama ||
indrādyāstridaśāḥ sarve paraṃ duḥkhamupāgatāḥ
||10||उच्छिन्नेषु च यज्ञेषु दानेषु नृपसत्तम ॥
इन्द्राद्यास्त्रिदशाः सर्वे परं दुःखमुपागताः
jñātvā yajñavighātaṃ ca tadvighātāya vāsavaḥ ||
vajreṇācchādayāmāsa yathā siddhirna jāyate
||11||ज्ञात्वा यज्ञविघातं च तद्विघाताय वासवः ॥
वज्रेणाच्छादयामास यथा सिद्धिर्न जायते
tathāpi saṃnidhau tasya siddheśasya nṛpottama ||
karmaṇo jāyate siddhiḥ pātakasya parikṣayaḥ
||12||तथापि संनिधौ तस्य सिद्धेशस्य नृपोत्तम ॥
कर्मणो जायते सिद्धिः पातकस्य परिक्षयः
yastu māghacaturddaśyāṃ somavāre nṛpottama ||
śuklāyāṃ vātha kṛṣṇāyāṃ spṛṣṭvā siddho bhavennaraḥ
||13||यस्तु माघचतुर्द्दश्यां सोमवारे नृपोत्तम ॥
शुक्लायां वाथ कृष्णायां स्पृष्ट्वा सिद्धो भवेन्नरः
adyāpi jāyate siddhiḥ satyametanmayoditam ||
tasmātsiddheśvaraṃ gatvā natvā yāsyati sadgatim
||14||अद्यापि जायते सिद्धिः सत्यमेतन्मयोदितम् ॥
तस्मात्सिद्धेश्वरं गत्वा नत्वा यास्यति सद्गतिम्
iti śrīskāṃde mahāpurāṇa ekāśītisāhasryāṃ saṃhitāyāṃ saptame prabhāsakhaṇḍe tṛtīye'rbudakhaṃḍe siddheśvaramāhātmyavarṇanaṃnāma caturddaśo'dhyāyaḥ || 14 ||