pāramparikam
siddhā ūcuḥ
bhagavan veṅkaṭeśasya nāmnāmaṣṭottaraṃ śatam |
anubrūhi dayāsindho kṣiprasiddhipradaṃ nṛṇām ||
||1||nārada uvāca
sāvadhānena manasā śṛṇvantu tadidaṃ śubham |
japtaṃ vaikhānasaiḥ pūrvaṃ sarvasaubhāgyavardhanam ||
||2||stotram
oṅkāraparamārthaśca naranārāyaṇātmakaḥ |
mokṣalakṣmīprāṇakānto veṅkaṭācalanāyakaḥ ||
||3||karuṇāpūrṇahṛdayaḥ ṭeṅkārajapasaukhyadaḥ |
śāstrapramāṇagamyaśca yamādyaṣṭāṅgagocaraḥ ||
||4||bhaktalokaikavarado vareṇyo bhayanāśanaḥ |
yajamānasvarūpaśca hastanyastasudarśanaḥ ||
||5||ramāvatāraṅgeśo ṇākārajapasupriyaḥ |
yajñeśo gatidātā ca jagatīvallabho varaḥ ||
||6||rakṣaḥsandohasaṃhartā varcasvī raghupuṅgavaḥ |
dānadharmaparo yājī ghanaśyāmalavigrahaḥ ||
||7||harādisarvadeveḍyo rāmo yadukulāgraṇīḥ |
śrīnivāso mahātmā ca tejasvī tattvasannidhiḥ ||
||8||tvamarthalakṣyarūpaśca rūpavān pāvano yaśaḥ |
sarveśo kamalākānto lakṣmīsallāpasammukhaḥ ||
||9||caturmukhapratiṣṭhātā rājarājavarapradaḥ |
caturvedaśiroratnaṃ ramaṇo nityavaibhavaḥ ||
||10||dāsavargaparitrātā nāradādimunistutaḥ |
yādavācalavāsī ca khidyadbhaktārtibhañjanaḥ ||
||11||lakṣmīprasādako viṣṇurdeveśo ramyavigrahaḥ |
mādhavo lokanāthaśca lālitākhilasevakaḥ ||
||12||yakṣagandharvavaradaḥ kumāro mātṛkārcitaḥ |
raṭadbālakapoṣī ca śeṣaśailakṛtasthalaḥ ||
||13||ṣāḍguṇyaparipūrṇaśca dvaitadoṣanivāraṇaḥ |
tiryagjantvarcitāṅghriśca netrānandakarotsavaḥ ||
||14||dvādaśottamalīlaśca daridrajanarakṣakaḥ |
śatrukṛtyādibhītighno bhujaṅgaśayanapriyaḥ ||
||15||jāgradrahasyāvāso yaḥ śiṣṭānāṃ paripālakaḥ |
vareṇyaḥ pūrṇabodhaśca janmasaṃsārabheṣajam ||
||16||kārttikeyavapurdhārī yatiśekharabhāvitaḥ |
narakādibhayadhvaṃsī rathotsavakalādharaḥ ||
||17||lokārcāmukhyamūrtiśca keśavādyavatāravān |
śāstraśrutānantalīlo yamaśikṣānibarhaṇaḥ ||
||18||mānasaṃrakṣaṇapara iriṇāṅkuradhānyadaḥ |
netrahīnākṣidāyī ca matihīnamatipradaḥ ||
||19||hiraṇyadānasaṅgrāhī mohajālanikṛntanaḥ |
dadhilājākṣatārcyaśca yātudhānavināśanaḥ ||
||20||yajurvedaśikhāgamyo veṅkaṭo dakṣiṇāsthitaḥ |
sārapuṣkaraṇītīro rātraudevagaṇārcitaḥ ||
||21||yatnavatphalasandhātā śrīñjapāddhanavṛddhikṛt |
klīṅkārajāpikāmyārthapradānasadayāntaraḥ ||
||22||sauṃ sarvasiddhisandhātā namaskarturabhīṣṭadaḥ |
mohitākhilalokaśca nānārūpavyavasthitaḥ ||
||23||rājīvalocano yajñavarāho gaṇaveṅkaṭaḥ |
tejorāśīkṣaṇaḥ svāmī hārdāvidyānivāraṇaḥ ||
||24||iti śrīveṅkaṭeśasya nāmnāmaṣṭottaraṃ śatam
prātaḥ prātaḥ samutthāya yaḥ paṭhed bhaktimānnaraḥ
sarveṣṭārthānavāpnoti veṅkaṭeśaprasādataḥ ||
||25||iti śrī-veṅkaṭeśāṣṭottaraśatanāmastotraṃ sampūrṇam